رُومِیوں 8:23 - پنجابی نواں عہد نامہ نظرثانی شدہ چھپائی

²³ تے نِری اوہو نئیں پر اسی وی جِنہاں نُوں رُوح دے پہلے پَھل مِلے۔ آپ ای اپنے وِچ تڑپھنے آں۔ تے پُتریلے ہون دے یعنی اپنے بدن دے چُھٹکارے دی اُڈِیک وِچ آں۔

رُومِیوں 8:23 ပူးပေါင်းရင်းမြစ်များ

لُوقا 20:36

تے اوہ مُڑ نئیں مر سکدے۔ کیوں جو اوہ فرِشتیاں جیہے نیں۔ تے قیامت دے پُتر ہو کے خُدا دے وی پُتر نیں۔

لُوقا 21:28

تے جد ایہہ گلّاں ہون لگّن تَد سِدّھے ہو کے اپنے سِر اُتانہہ چُکو۔ ایس لئی پئی تُہاڈی خلاصی نیڑے آگئی اے۔

رُومِیوں 5:11

تے نِرا ایہو نئیں سگوں اسی خُدا وِچ فخر وی کرنے آں۔ اپنے خُداوند یِسُوع مسِیح دی خاطر جِہدی راہِیں ہُن اسی مِلائے گئے آں۔

رُومِیوں 5:3

تے نِرا ایہو نئیں سگوں اسی اپنیاں تنگِیاں وِچ وی فخر کریئے۔ ایہہ جان کے پئی تنگی صبر پَیدا کر دی اے۔

رُومِیوں 5:5

تے آس شرمندہ ایس لئی نئیں کر دی۔ پئی خُدا دی مُحبّت پاک رُوح دی راہِیں جیہڑا سانُوں دِتّا گیا ساڈے دِلاں وِچ پائی ہوئی اے۔

رُومِیوں 7:24

ہائے مَیں تے بڑا اَوکھا آں۔ ایس مَوت دے بدن توں مَینُوں کون چھڈاوے گا؟

رُومِیوں 8:19

پئی خلقت بڑی چاہ نال خُدا دے پُتراں دے ظاہر ہون دا راہ ویکھدی اے۔

۱-کُرِنتھِیوں 1:7

ایتھوں توڑی پئی تُسی کِسے نِعمت وِچ ہورناں نالوں گھٹ نئیں تے ساڈے خُداوند یِسُوع مسِیح دے ظاہر ہون دی اُڈِیک وِچ اوہ۔

۲-کُرِنتھِیوں 1:22

جِس ساڈے اُتّے مُہر وی لائی۔ تے رُوح دی سائی ساڈے دِلاں وِچ دِتّی۔

۲-کُرِنتھِیوں 7:5

کیوں جو جد اسی مَکِدُنیہ وِچ آئے۔ اوس ویلے وی ساڈے جِسم نُوں چَین نا مِلیا سگوں ہر پاسیوں مُصِیبت وِچ ای پَھسے رہے۔ باہر لڑائِیاں سن اندر خَوف۔

گلتِیوں 5:5

کیوں جو اسی رُوح دے سبّب اِیمان دی راہِیں راست بازی دی آس پُوری ہون دی اُڈِیک وِچ آں۔

اِفسِیوں 1:14

اوہ ای خُدا دی ملکیّت دی رہائی واسطے ساڈے وِرثے دی سائی اے۔ تاں جو اوہدے جلال دی وڈیائی ہوئے۔

اِفسِیوں 4:30

تے خُدا دے پاک رُوح نُوں نا کلپاؤ جِہدی ساڈے اُتّے چُھٹکارے دے دِن لئی مُہر لگّی ہوئی اے۔

اِفسِیوں 5:9

(ایس لئی پئی چانن دا پَھل پُوری نیکی تے راستبازی تے سچیائی اے۔)

۲-تِیمُتِھیُس 4:8

اگّے لئی میرے واسطے راستبازی دا اوہ تاج رکھیا ہویا اے۔ جیہڑا راستباز نیائِیں یعنی خُداوند مَینُوں اوس دِن دے گا۔ تے نِرا مَینُوں ای نئیں سگوں اوہناں ساریاں نُوں وی جیہڑے اوہدے ظاہر ہون دی اُڈِیک وِچ نیں۔

طِطُس 2:13

تے اوس مُبارک آس یعنی اپنے بزُرگ خُدا تے نجات دین والے یِسُوع مسِیح دے جلال دے ظاہر ہون دی اُڈِیک وِچ رہئے۔

عِبرانیوں 9:28

ایسے طرح مسِیح وی جیہڑا اِک وار بتھیریاں لوکاں دے گُناہ چُکن لئی قُربان ہویا دُوجی وار گُناہ دے بِناں نجات لئی اوہناں نُوں وکھالی دے گا۔ جیہڑے اوہنوں اوڈِیک دے نیں۔

۱-پطرس 1:7

تے ایہہ ایس واسطے ہویا اے۔ پئی تُہاڈا پرکھیا ہویا اِیمان جیہڑا اَگ نال پرکھے ہوئے فانی سونے نالوں بُہتے مُل دا اے یِسُوع مسِیح دے ظاہر ہون دے ویلے وڈیائی تے جلال تے عِزّت دا سبّب ہوئے۔

۱-یُوحنّا 3:2

پیاریو! اسی ہُن خُدا دے پُتر آں۔ تے اجے تِیکر ایہہ ظاہر وی نئیں ہویا پئی کِیہ ہوواں گے۔ اَیناں جاننے آں پئی جدوں اوہ ظاہر ہوئے گا۔ تے اسی وی اوہدے وانگر ہوواں گے۔ کیوں جو جِہا اوہ ہے تِہا ای اوہنوں ویکھاں گے۔