رُومِیوں 8:2 - پنجابی نواں عہد نامہ نظرثانی شدہ چھپائی

² کیوں جو جیہڑی زِندگی مسِیح یِسُوع وِچ اے۔ اوہدے رُوح دی شریعت مَینُوں گُناہ تے مَوت دی شریعت توں چھڈا دِتّا۔

رُومِیوں 8:2 ပူးပေါင်းရင်းမြစ်များ

یُوحنّا 4:10

یِسُوع اوہنوں آکھیا جے تُوں خُدا دی بخشِش نُوں جان دِیوں تے ایہہ وی جان دِیوں پئی اوہ کون اے جیہڑا تینُوں آکھدا اے پئی مَینُوں پانی پیا تاں تُوں اوہدے کولوں مَنگدِیوں تے اوہ تینُوں جیون دا پانی دیندا۔

یُوحنّا 4:14

پر جیہڑا اوس پانی توں پِیوے جیہڑا مَیں اوہنوں دیاں گا۔ اوہ کدی تریہایا نا ہوئے گا۔ پر جیہڑا پانی مَیں اوہنوں دیاں گا۔ اوہ اوہدے وِچ اِک چشمہ بن جاوے گا جیہڑا سدا دی زِندگی لئی وگدا رہے گا۔

یُوحنّا 6:63

جوالن والی تے رُوح اے جِسم توں کُجھ فائدہ نئیں۔ جیہڑیاں گلّاں مَیں تُہانوں آکھیاں نیں۔ اوہ رُوح نیں تے زِندگی وی نیں۔

یُوحنّا 8:32

تے تُسی سچیائی نُوں جانو گے تے سچیائی تُہانوں اَزاد کرے گی۔

یُوحنّا 8:36

تے جے پُتر تُہانوں اَزاد کرے گا تے تُسی ٹھیک اَزاد ہوؤگے۔

رُومِیوں 16:3

پرسِکّلہ تے اَکوِلہ نُوں جیہڑے مسِیح یِسُوع وِچ میرے نال دے کمّ کرن والے نیں سلام آکھو۔

رُومِیوں 3:27

فیر ہُن فخر کِتّھے رہیا۔ اوہدا تھاں ای نا رہیا کیہڑی شریعت نال؟ عملاں دی شریعت نال؟ نئیں سگوں اِیمان دی شریعت نال۔

رُومِیوں 5:21

تاں جو جیویں گُناہ مَوت وِچ بادشاہی کِیتی۔ ایسے طرح فضل دی زِندگی توڑی راستبازی دی راہِیں یِسُوع مسِیح ساڈے خُداوند دی راہِیں بادشاہی کرے۔

رُومِیوں 6:14

کیوں جو گُناہ دا تُہاڈے اُتّے وَس نا چلّے گا۔ ایس کر کے پئی تُسی شریعت دے ہیٹھ نئیں پر فضل دے ہیٹھ ہو۔

رُومِیوں 6:18

تے گُناہ توں چُھٹ کے تُسی راستبازی دے غلام بنے۔

رُومِیوں 6:22

پر ہُن گُناہ توں چُھٹ کے تے خُدا دے غلام بن کے تُہاڈا پَھل پاکیزگی لئی اے۔ تے اوڑک ہمیشہ دی زِندگی۔

رُومِیوں 7:21

فیر مَینُوں شریعت ایویں معلُوم ہوندی اے۔ پئی جد مَیں نیکی کرنی چاہناں آں۔ تے بدی میرے سامھنے اے۔

رُومِیوں 7:23

پر دُوجی شریعت مَیں اپنے انگاں وِچ ویکھنا آں۔ جیہڑی میری عقل دی شریعت نال لڑائی کر کے مَینُوں گُناہ دی اوس شریعت دے ہتّھ جیہڑی میرے انگاں وِچ اے قید کر کے پھڑاؤندی اے۔

رُومِیوں 7:4

سو میرے بھراؤ! تُسی مسِیح دے بدن دی راہِیں شریعت ولّوں ایس کر کے مر گئے اوہ۔ پئی تُسی دُوجے دے جیہڑا مُردیاں وِچوں جوالیا گیا۔ ہو جاؤ۔ تاں جو اسی خُدا دے لئی پَھل لیاوے۔

رُومِیوں 8:1

سو ہُن اوہناں اُتّے کُجھ وی سزا دا حُکم نئیں۔ جیہڑے مسِیح یِسُوع وِچ نیں۔

۱-کُرِنتھِیوں 15:45

جیویں لِکھیا وی اے۔ پئی پہلا بندہ یعنی آدم جِیوندا جی بنیا پِچّھلا آدم زِندگی دین والی رُوح بنیا۔

۲-کُرِنتھِیوں 3:17

تے اوہ خُداوند رُوح اے۔ تے جِتّھے کِتّھے خُداوند دا رُوح اے اوتھے اَزادی اے۔

۲-کُرِنتھِیوں 3:6

جِس سانُوں نَوِیں عہد دے خادم ہون جوگیاں وی کِیتا۔ لفظاں دے خادم نئیں سگوں رُوح دے کیوں جو لفظ مار سُٹّدے نیں پر رُوح جوالدی اے۔

گلتِیوں 2:19

ایس کر کے پئی مَیں شریعت دی راہِیں شریعت ولّوں مر گیا تاں جو خُدا ولّوں جِیُوپَواں۔

گلتِیوں 5:1

مسِیح نے سانُوں اَزاد رہن لئی اَزاد کِیتا اے۔ سو تگڑے رہو تے فیر غلامی دے جُولے ہیٹھ نا جُپّو۔

گلتِیوں 6:2

تُسی اِک دُوجے دے بھار وَنڈو تے ایس طرح مسِیح دی شریعت نُوں پُوریاں کرو۔

یعقُوب 1:25

پر جیہڑا بندہ اَزادی دی پُوری شریعت اُتّے دِل نال سوچدا رہندا اے۔ اوہ اپنے کمّ وِچ برکت پائے گا۔ ایس لئی پئی اوہ سُن کے بُھلدا نئیں سگوں عمل کر دا اے۔

مُکاشفہ 11:11

تے ساڈھے تَرے دِناں پِچّھوں خُدا ولّوں اوہناں وِچ زِندگی دی رُوح آئی تے اوہ اپنے پیراں اُتّے کھلو گئے تے اوہناں دے ویکھن والیاں نُوں بڑا ڈر لگّا۔

مُکاشفہ 22:1

فیر اوس مَینُوں بلّور وانگر چمکدا ہویا حیاتی دے پانی دا اِک دریا وکھایا جیہڑا خُدا تے لیلے دے تخت وِچوں نِکل کے اوس شہر دی سڑک دے وِچ پیا وگدا سی۔