رُومِیوں 8:16 - پنجابی نواں عہد نامہ نظرثانی شدہ چھپائی

¹⁶ رُوح آپ ای ساڈے رُوح نال گواہی دیندا اے پئی اسی خُدا دے بچّے آں۔

رُومِیوں 8:16 ပူးပေါင်းရင်းမြစ်များ

متّی 5:9

دھنّ نیں اوہ جیہڑے صُلح کران والے نیں کیوں جو اوہ خُدا دے پُتر اکھوان گے۔

لُوقا 20:36

تے اوہ مُڑ نئیں مر سکدے۔ کیوں جو اوہ فرِشتیاں جیہے نیں۔ تے قیامت دے پُتر ہو کے خُدا دے وی پُتر نیں۔

یُوحنّا 1:12

پر جِنّیاں اوہنوں قبول کِیتا اوس اوہناں نُوں حق دِتّا پئی خُدا دے پُتر بن جان یعنی اوہناں نُوں جیہڑے اوہدے ناں اُتّے اِیمان لیاؤندے نیں۔

اعمال 5:32

تے اسی ایہناں گلّاں دے گواہ آں۔ تے پاک رُوح وی گواہ اے۔ جیہڑا خُدا اپنے مَنّن والیاں نُوں دِتّا۔

رُومِیوں 8:14

ایس لئی پئی جِنّے خُدا دے رُوح دے سببّوں چلدے نیں اوہو ای خُدا دے پُتر نیں۔

رُومِیوں 8:19

پئی خلقت بڑی چاہ نال خُدا دے پُتراں دے ظاہر ہون دا راہ ویکھدی اے۔

رُومِیوں 8:23

تے نِری اوہو نئیں پر اسی وی جِنہاں نُوں رُوح دے پہلے پَھل مِلے۔ آپ ای اپنے وِچ تڑپھنے آں۔ تے پُتریلے ہون دے یعنی اپنے بدن دے چُھٹکارے دی اُڈِیک وِچ آں۔

رُومِیوں 8:26

تے ایسے طرح رُوح وی ساڈیاں کمزوریاں وِچ ساڈی مدد کر دا اے کیوں جو جیویں چاہیدا اے۔ اسی نئیں جان دے پئی کِیہ دُعا منگیے۔ پر اوہ رُوح اجیہے ہوکے بھرکے جِنہاں دا بیان نئیں ہوسکدا۔ ساڈی سفارِش کر دا اے۔

رُومِیوں 9:26

تے اِنج ہوئے گا پئی جِس تھاں اوہناں نُوں آکھیا گیا سی۔ پئی تُسی میری قوم نئیں اوہ۔ اوتھے اوہ جِیوندے خُدا دے پُتر اکھوان گے۔

رُومِیوں 9:8

گلّ تے اِنج اے پئی نا اوہ جیہڑے جِسم ولّوں پُتر ہوئے اوہی خُدا دے پُتر نیں۔ پر وعدے دے پُتر نسل گِنی دی اے۔

۲-کُرِنتھِیوں 1:12

کیوں جو سانُوں اپنے دِل دی ایس گواہی اُتّے فخر اے پئی ساڈا چال چَلّن دُنیا وِچ تے خاص کر تُہاڈے وِچ جِسمانی حِکمت نال نئیں۔ سگوں خُدا دے فضل دے نال یعنی اجیہی پاکیزگی تے صفائی دے نال رہیا۔ جیہڑا خُدا دے لائق اے۔

۲-کُرِنتھِیوں 1:22

جِس ساڈے اُتّے مُہر وی لائی۔ تے رُوح دی سائی ساڈے دِلاں وِچ دِتّی۔

۲-کُرِنتھِیوں 5:5

تے جِس سانُوں ایس گلّ واسطے تیار کِیتا سو خُدا اے تے اوسے سانُوں رُوح سائی وِچ دِتّا۔

۲-کُرِنتھِیوں 6:18

تے تُہاڈا باپ ہوواں گا۔ تے تُسی میرے دِھیاں پُتر ہوؤ گے۔ ایہہ خُداوند قادرِ مُطلق دا قَول اے۔

گلتِیوں 3:26

کیوں جو تُسی سارے اوس اِیمان دی راہِیں جیہڑا مسِیح یِسُوع اُتّے اے خُدا دے پُتر ہو۔

گلتِیوں 4:6

تے تُسی پُتر جو ہوئے ایس کر کے خُدا اپنے پُتر دا رُوح ساڈیاں دِلاں وِچ گھلّیا جیہڑا ابّا یعنی اَے باپ کر کے پُکار دا اے۔

اِفسِیوں 1:13

تے تُساں وی جدوں سچیائی دا کلام سُنیا جیہڑا تُہاڈی نجات دی خُوشخبری اے۔ نالے اوہدے اُتّے اِیمان لیاندا تے مسِیح وِچ تُہاڈے اُتّے وعدہ کِیتے ہوئے پاک رُوح دی مُہر لگّی۔

اِفسِیوں 4:30

تے خُدا دے پاک رُوح نُوں نا کلپاؤ جِہدی ساڈے اُتّے چُھٹکارے دے دِن لئی مُہر لگّی ہوئی اے۔

۱-یُوحنّا 3:1

ویکھو باپ ساڈے نال کیڈی مُحبّت کِیتی اے۔ پئی اسی خُدا دے پُتر اکھوایئے تے اسی ہاں وی۔ دُنیا سانُوں ایس لئی نئیں جاندی پئی اساں اوہنوں نئیں جانیا۔

۱-یُوحنّا 3:10

ایسے توں خُدا دے پُتر تے ابلیس دے پُتر ظاہر ہوندے نیں۔ جیہڑا راستبازی نئیں کر دا اوہ خُدا توں نئیں تے اوہ وی خُدا توں نئیں جیہڑا اپنے بھرا نال مُحبّت نئیں رکھدا۔

۱-یُوحنّا 3:2

پیاریو! اسی ہُن خُدا دے پُتر آں۔ تے اجے تِیکر ایہہ ظاہر وی نئیں ہویا پئی کِیہ ہوواں گے۔ اَیناں جاننے آں پئی جدوں اوہ ظاہر ہوئے گا۔ تے اسی وی اوہدے وانگر ہوواں گے۔ کیوں جو جِہا اوہ ہے تِہا ای اوہنوں ویکھاں گے۔

۱-یُوحنّا 4:13

ایس گلّ توں پئی اوہ سانُوں اپنے رُوح وِچوں دیندا اے اسی جاننے آں۔ پئی اسی اوہدے وِچ رہنے آں تے اوہ ساڈے وِچ۔

۱-یُوحنّا 5:10

جیہڑا خُدا دے پُتر اُتّے اِیمان لیاؤندا اے گواہی اوہدے وِچ ای اے تے جِس خُدا دی گواہی نئیں مَنّی اوس اوہنوں جُھوٹھا بنایا۔ کیوں جو اوس گواہی اُتّے جیہڑی خُدا اپنے پُتر دی بابت دِتّی اوہنے اِیمان نئیں لیاندا۔

مُکاشفہ 21:7

جیہڑا جِتّے اوہ ای ایہناں شیواں دا وارث ہوئے گا۔ تے مَیں اوہدا خُدا ہوواں گا۔ تے اوہ میرا پُتر ہوئے گا۔