رُومِیوں 8:13 - پنجابی نواں عہد نامہ نظرثانی شدہ چھپائی

¹³ کیوں جو جے جِسم دے سببّوں زِندگی کٹّو تاں تُہانوں مرنا پئے گا۔ پر جے تُسی رُوح نال بدن دیاں کمّاں نُوں مار دے رہو۔ تے جِیوندے رہو گے۔

رُومِیوں 8:13 ပူးပေါင်းရင်းမြစ်များ

رُومِیوں 6:21

سو اودُوں تُہانوں اوہناں گلّاں دا جِنہاں توں ہُن شرماؤندے ہو کِیہ پَھل لَبّھیا؟ کیوں جو اوہناں دا اوڑک تے مَوت اے۔

رُومِیوں 6:23

کیوں جو گُناہ دی مزدُوری مَوت اے۔ پر خُدا دی بخشِش ساڈے خُداوند یِسُوع مسِیح وِچ ہمیشہ دی زِندگی اے۔

رُومِیوں 7:5

کیوں جو جد اسی جِسمانی ساں تَد گُناہ دِیاں خواہشاں جیہڑیاں شریعت دے سببّوں سن۔ ساڈے انگاں وِچ مَوت دے لئی پَھل لیاؤن نُوں زور کر دِیاں سن۔

رُومِیوں 8:12

سو بھراؤ! اسی قرضئی تے آں پر جِسم دے نئیں پئی جِسم دے سببّوں زِندگی کِٹئے۔

۱-کُرِنتھِیوں 9:27

سگوں مَیں اپنے جِسم نُوں مار دا کُٹدا تے اوہنوں قابُو وِچ رکھنا آں تاں جو اجیہا نا ہوئے پئی ہورناں وِچ منادی کر دا کر دا آپی قبول نا ہوواں۔

گلتِیوں 5:24

تے جیہڑے مسِیح یِسُوع دے نیں۔ اوہناں جِسم نُوں اوہدیاں چاہواں تے خواہشاں سَنے سُولی چاڑھ دِتّا اے۔

گلتِیوں 6:8

جیہڑا اپنے جِسم لئی بِیجدا اے اوہ جِسم توں ہلاکت دا پَھل وَڈّھے گا۔ تے جیہڑا رُوح لئی بِیجدا اے۔ اوہ رُوح توں سدا دی زِندگی دا پَھل وڈّے گا۔

اِفسِیوں 4:22

پئی تُسی اپنے اگلے چال چَلّن دی اوس پرانی اِنسانِیّت نُوں لاہ چھڈو۔ جیہڑی فریب دین والِیاں شہوتاں پِچّھے خراب ہوندی جاندی اے۔

اِفسِیوں 4:30

تے خُدا دے پاک رُوح نُوں نا کلپاؤ جِہدی ساڈے اُتّے چُھٹکارے دے دِن لئی مُہر لگّی ہوئی اے۔

اِفسِیوں 5:18

تے شراب پی کے مست نا ہوؤ۔ کیوں جو ایہدے وِچ بدچلنی ہوندی اے۔ سگوں رُوح نال بھر دے جاؤ۔

طِطُس 2:12

تے سانُوں سِکھاؤندا اے۔ پئی بیدینی تے دُنیاوی خواہشاں نُوں چھڈ کے ایس جہان وِچ پرہیز تے نیکی تے دِینداری نال زِندگی کٹیئے۔

۱-پطرس 1:22

ایس کر کے پئی تُساں سچیائی نُوں مَن کے بھراواں نال سَچّی مُحبّت کرن لئی اپنیاں دِلاں نُوں پاک کِیتا اے۔ دِلوں جانوں آپو وِچ مُحبّت کرو۔

۱-پطرس 2:11

پیاریو مَیں تُہاڈی مِنّت کرنا آں۔ پئی تُسی اپنے آپ نُوں پردیسی تے مُسافر جان کے اوہناں جِسم دِیاں خواہشاں توں بچے رہو جیہڑیاں رُوح نال لڑائی رکھدیاں نیں۔