رُومِیوں 8:10 - پنجابی نواں عہد نامہ نظرثانی شدہ چھپائی

¹⁰ تے جے مسِیح تُہاڈے وِچ اے تاں بدن گُناہ دے سبّب مُردہ اے۔ پر رُوح راستبازی دے سبّب زِندہ اے۔

رُومِیوں 8:10 ပူးပေါင်းရင်းမြစ်များ

یُوحنّا 14:23

یِسُوع اوہنوں جواب دِتّا جے کوئی مَینُوں پیار کر دا اے اوہ میرے کلام نُوں مَنّے گا۔ تے میرا باپ اوہنوں پیار کرے گا۔ تے اسی اوہدے کول آواں گے تے اوہدے نال رہاں گے۔

یُوحنّا 15:5

مَیں انگور دا بُوٹا آں تے تُسی ٹہنِیاں ہو۔ اوہ جیہڑا میرے وِچ رہندا تے مَیں اوہدے وِچ۔ اوہو بُہت پَھل لیاؤندا اے۔ کیوں جو مَیتھوں وَکھ ہو کے تُسی کُجھ نئیں کر سکدے۔

یُوحنّا 17:23

مَیں اوہناں وِچ تے تُوں میرے وِچ تاں جو کامِل ہو کے اِک ہو جان۔ تے دُنیا جانے پئی تُوں مَینُوں گھلّیا۔ تے جِس طرح تُوں مَینُوں پیار کِیتا اوسے طرح تُوں اوہناں نُوں وی پیار کِیتا۔

یُوحنّا 4:14

پر جیہڑا اوس پانی توں پِیوے جیہڑا مَیں اوہنوں دیاں گا۔ اوہ کدی تریہایا نا ہوئے گا۔ پر جیہڑا پانی مَیں اوہنوں دیاں گا۔ اوہ اوہدے وِچ اِک چشمہ بن جاوے گا جیہڑا سدا دی زِندگی لئی وگدا رہے گا۔

یُوحنّا 6:54

اوہ جیہڑا میرا گوشت کھاندا تے میرا لہو پَیندا اے سدا دی زِندگی اوہدی اے۔ تے اخِیری دِن مَیں اوہنوں زِندہ کراں گا

یُوحنّا 6:56

اوہ جیہڑا میرا گوشت کھاندا تے میرا لہو پَیندا اے میرے وِچ رہندا اے تے مَیں اوہدے وِچ۔

رُومِیوں 5:12

ایس کر کے جیویں اِک بندے توں گُناہ دُنیا وِچ آ وڑیا تے گُناہ توں مَوت۔ تے ایویں مَوت ساریاں بندیاں اُتّے آئی ایس لئی پئی سبھناں گُناہ کِیتا۔

رُومِیوں 5:21

تاں جو جیویں گُناہ مَوت وِچ بادشاہی کِیتی۔ ایسے طرح فضل دی زِندگی توڑی راستبازی دی راہِیں یِسُوع مسِیح ساڈے خُداوند دی راہِیں بادشاہی کرے۔

رُومِیوں 8:11

پر جے اوہدا رُوح جِس یِسُوع نُوں مُردیاں وِچوں جوالیا تُہاڈے وِچ وَسدا اے تے اوہ جِس مسِیح یِسُوع نُوں مُردیاں وِچوں جوالیا تُہاڈیاں مرن والیاں بدناں نُوں وی اپنے رُوح دی راہِیں جیہڑا تُہاڈے وِچ وَسدا اے جوا لے گا۔

۱-کُرِنتھِیوں 15:45

جیویں لِکھیا وی اے۔ پئی پہلا بندہ یعنی آدم جِیوندا جی بنیا پِچّھلا آدم زِندگی دین والی رُوح بنیا۔

۲-کُرِنتھِیوں 13:5

تُسی اپنے آپ نُوں ازماؤ پئی اِیمان وِچ ہویا نئیں۔ اپنے آپ نُوں پرکھو تُسی اپنی بابت ایہہ نئیں جان دے پئی یِسُوع مسِیح تُہاڈے وِچ اے؟ نئیں تے تُسی نامقبُول اوہ۔

۲-کُرِنتھِیوں 4:11

کیوں جو اسی جِیوندے ای یِسُوع دی خاطر سدا مَوت دے حوالے کِیتے جانے آں۔ تاں جو یِسُوع دی زِندگی ساڈے فنا ہون والے جِسم وِچ ظاہر ہوئے۔

۲-کُرِنتھِیوں 5:21

جیہڑا گُناہ توں واقف نئیں سی اوسے نُوں اوس ساڈے لئی گُناہ ٹھہرایا۔ تاں جو اسی اوہدے وِچ ہو کے خُدا دی راست بازی ہو جائیے۔

گلتِیوں 2:20

مَیں مسِیح دے نال سُولی دِتّا گیا آں ہُن مَیں جِیوندا نا رہیا۔ سگوں مسِیح میرے وِچ جِیوندا اے۔ تے مَیں جیہڑا ہُن جِسم وِچ جِیوناں آں۔ تے خُدا دے پُتر اُتّے اِیمان لیاؤن نال جِیوناں آں۔ جِس مَینُوں پیار کِیتا تے میری تھانویں اپنا آپ دے دِتّا۔

اِفسِیوں 3:17

تے اِیمان دی راہِیں مسِیح تُہاڈے دِلاں وِچ وَسّے پئی مُحبّت وِچ گڈ کے تے ٹُھک کے۔

فِلِپّیوں 1:23

مَیں دو وَلّیِں پھسیا ہویا آں۔ پر جی تے ایہہ چاہندا اے۔ پئی مسِیح کول کُوچ کر کے جا رہواں ایس لئی پئی ایہہ اودُوں چوکھا چَنگا اے۔

فِلِپّیوں 3:9

تے مَیں اوہدے وِچ لَبّھاں تے میرے کول اپنی اوہ راست بازی نا ہوئے جیہڑی شریعت ولّوں اے۔ پر اوہ جیہڑی مسِیح اُتّے اِیمان رکھن دے سببّوں اے پئی اوہ راستبازی جیہڑی خُدا ولّوں اِیمان دی راہِیں مِلدی اے۔

کُلُسِّیوں 1:27

جِنہاں اُتّے خُدا ظاہر کرنا چاہندا سی۔ پئی غیر قوماں وِچ اوس بھیت دے جلال دی دَولت کیہو جیہی اے۔ تے اوہ ایہہ اے۔ پئی مسِیح جیہڑا جلال دی آس اے۔ تُہاڈے وِچ رہندا اے۔

۱-تھِسّلُنِیکوں 4:16

کیوں جو خُداوند آپ اسمانوں اُتر آوے گا۔ اوس ویلے بڑی پُکار تے سردار فرِشتے دی اواز سُنائی دیوے گی۔ تے خُدا دی تُرہی وَجائی جائے گی۔ تے پہلاں اوہ جی اُٹھن گے جیہڑے مسِیح وِچ موئے ہوئے نیں۔

عِبرانیوں 12:23

تے اوہناں پلیٹھی دیاں دی عام جماعت یعنی کلِیسیا جِنہاں دے ناں اسماناں اُتّے لِکھے ہوئے نیں۔ تے ساریاں دے مُنصف خُدا تے کامِل کِیتے ہوئے راستباز لوکاں دِیاں رُوحاں۔

عِبرانیوں 9:27

تے جیویں بندیاں نُوں اِک وار مرنا ہوندا اے تے مگروں عدالت ہوندی اے۔

مُکاشفہ 14:13

فیر مَیں اسمان وِچوں ایہہ اواز سُنی پئی لِکھ دھنّ نیں اوہ مُردے جیہڑے ہُن توں خُداوند وِچ مر دے نیں۔ رُوح آکھدا اے۔ پئی بے شک کیوں جو اوہ اپنیاں محِنتاں توں آرام پان گے تے اوہناں دے عمل اوہناں دے نال نال ہوندے نیں۔