رُومِیوں 7:6 - پنجابی نواں عہد نامہ نظرثانی شدہ چھپائی

⁶ پر اسی اوہدے ولّوں مر کے جِہدے وِچ بَدّھے ساں شریعت توں ہُن ایتھوں تِیکر چھڈائے گئے آں۔ پئی اسی رُوح دے نَوِیں طریقے اُتّے خِدمت کریئے نا حرف دی پرانی رِیت اُتّے۔

رُومِیوں 7:6 ပူးပေါင်းရင်းမြစ်များ

رُومِیوں 1:9

تے خُدا جِہدی بندگی مَیں اپنی رُوح نال اوہدے پُتر دی خُوشخبری سُنان وِچ کرنا آں۔ میرا گواہ اے پئی کِس طرح ہرویلے تُہانوں یاد رکھنا آں۔

رُومِیوں 12:2

تے ایس جہان دی شکل ورگے نا بنو۔ سگوں نَوِیں عقل ہون نال اپنی صُورت بدل دے جاؤ۔ تاں جو خُدا دی نیک تے چنگی لگّن والی تے کامِل مرضی تجربے نال معلُوم کر دے رہو۔

رُومِیوں 6:11

ایسے طرح تُسی وی اپنے آپ نُوں گُناہ ولّوں مُردے پر مسِیح یِسُوع وِچ خُدا واسطے جِیوندے سمجھو۔

رُومِیوں 6:19

تُہاڈے جِسم دی کمزوری دے سببّوں مَیں اِنسانی سبھا وانگُوں گلّ کرنا آں کیوں جو جیویں تُساں اپنے انگاں نُوں شرارت کرن لئی پلِیتی تے شرارت دی غلامی دے حوالے کِیتا اوسے طرح ہُن تُسی اپنے انگاں نُوں پاک ہون لئی راستبازی دی غلامی دے حوالے کر دیو۔

رُومِیوں 6:2

خُدا نا کرے۔ اسی جیہڑے گُناہ ولّوں مر گئے کِیویں اگّے نُوں اوہدے وِچ زِندگی کِٹئے؟

رُومِیوں 6:22

پر ہُن گُناہ توں چُھٹ کے تے خُدا دے غلام بن کے تُہاڈا پَھل پاکیزگی لئی اے۔ تے اوڑک ہمیشہ دی زِندگی۔

رُومِیوں 6:4

سو بپتِسمے دی راہِیں اوہدی مَوت وِچ اسی اوہدے نال دفنائے گئے۔ تاں جو جیویں مسِیح باپ دے جلال دی راہِیں مُردیاں وِچوں جوالیا گیا۔ ایسے طرح اسی وی نَوِیں زِندگی وِچ چلّئے۔

رُومِیوں 7:1

بھراؤ! تُسی نئیں جان دے (مَیں اوہناں نُوں آکھنا آں جیہڑے شریعت توں واقف نیں) پئی بندہ جد تیک جِیوندا رہندا اے اوہدے اُتّے شریعت دا وَس چلدا اے۔

رُومِیوں 7:2

کیوں جو وِیاہی ہوئی زنانی جد تِیکر بندہ جِیوندا اے۔ شریعت ولّوں اوہدے تابع وِچ اے۔ پر جے اوہدا بندہ مر جائے۔ تے اوہ بندے دی شریعت توں چھڈائی گئی۔

رُومِیوں 7:4

سو میرے بھراؤ! تُسی مسِیح دے بدن دی راہِیں شریعت ولّوں ایس کر کے مر گئے اوہ۔ پئی تُسی دُوجے دے جیہڑا مُردیاں وِچوں جوالیا گیا۔ ہو جاؤ۔ تاں جو اسی خُدا دے لئی پَھل لیاوے۔

۲-کُرِنتھِیوں 3:6

جِس سانُوں نَوِیں عہد دے خادم ہون جوگیاں وی کِیتا۔ لفظاں دے خادم نئیں سگوں رُوح دے کیوں جو لفظ مار سُٹّدے نیں پر رُوح جوالدی اے۔

۲-کُرِنتھِیوں 5:17

ایس لئی جے کوئی مسِیح وِچ اے۔ تے اوہ نواں مخلُوق اے پرانیاں شیواں جاندِیاں رہیاں۔ ویکھو اوہ نَوِیاں ہوگِئیاں۔

گلتِیوں 3:13

مسِیح ساڈے لئی لعنتی بن کے تے سانُوں مُل لے کے شریعت دی لعنت توں چھڈایا۔ کیوں جو لِکھیا ہویا اے پئی جیہڑا کاٹھ اُتّے ٹنگیا گیا اوہ لعنتی اے۔

گلتِیوں 6:15

کیوں جو نا تے سُنتی بہنا ای کوئی شے اے۔ تے نا سُنتی نا بہنا۔ پر نَوِیں سِریوں جمّنا۔

اِفسِیوں 4:24

تے نَوِیں اِنسانِیّت نُوں پاؤ جیہڑی خُدا دے سببّوں اوس سچیائی دی راستبازی تے پاکیزگی وِچ پَیدا کِیتی گئی اے۔

فِلِپّیوں 3:3

کیوں جو سُنت والے تے اسی آں۔ جیہڑے خُدا دے رُوح دی ہدایت نال عبادت کرنے آں۔ تے مسِیح یِسُوع اُتّے فخر کرنے آں۔ تے جِسم دا بھروسا نئیں کر دے۔

کُلُسِّیوں 3:10

تے نَوِیں اِنسانِیّت نُوں پالیا اے۔ جیہڑی خُدا دے عِلم لئی اپنے پَیدا کرن والے دی صُورت اُتّے نَوِیں بندی جاندی اے۔