رُومِیوں 7:21 - پنجابی نواں عہد نامہ نظرثانی شدہ چھپائی

²¹ فیر مَینُوں شریعت ایویں معلُوم ہوندی اے۔ پئی جد مَیں نیکی کرنی چاہناں آں۔ تے بدی میرے سامھنے اے۔

رُومِیوں 7:21 ပူးပေါင်းရင်းမြစ်များ

لُوقا 4:1

تے یِسُوع رُوحُ القُدس نال بھریا ہویا یَردن توں مُڑیا۔ تے رُوح دی ہدایت نال بیابان پِھردا رہیا۔

یُوحنّا 8:34

یِسُوع جواب دِتّا۔ مَیں تُہانوں سَچ سَچ آکھنا آں جیہڑا کوئی گُناہ کر دا اے گُناہ دا غلام اے

رُومِیوں 6:12

سو گُناہ تُہاڈے فانی بدن وِچ بادشاہی نا کرے۔ پئی تُسی اوہدیاں شہوتاں نُوں مَنّوں۔

رُومِیوں 6:14

کیوں جو گُناہ دا تُہاڈے اُتّے وَس نا چلّے گا۔ ایس کر کے پئی تُسی شریعت دے ہیٹھ نئیں پر فضل دے ہیٹھ ہو۔

رُومِیوں 7:23

پر دُوجی شریعت مَیں اپنے انگاں وِچ ویکھنا آں۔ جیہڑی میری عقل دی شریعت نال لڑائی کر کے مَینُوں گُناہ دی اوس شریعت دے ہتّھ جیہڑی میرے انگاں وِچ اے قید کر کے پھڑاؤندی اے۔

رُومِیوں 7:25

مَیں اپنے خُداوند یِسُوع مسِیح دی راہِیں خُدا دا شُکر کرنا آں۔ ایس طرح مَیں آپ اپنی عقل نال تے خُدا دی شریعت دا غلام آں۔ پر اپنے جِسم نال گُناہ دی شریعت دا۔

رُومِیوں 8:2

کیوں جو جیہڑی زِندگی مسِیح یِسُوع وِچ اے۔ اوہدے رُوح دی شریعت مَینُوں گُناہ تے مَوت دی شریعت توں چھڈا دِتّا۔

عِبرانیوں 2:17

سو اوہنوں سارِیاں گلّاں وِچ اپنے بھراواں وانگر ضرُور بننا پیا۔ تاں جو ایہناں گلّاں وِچ جیہڑیاں خُدا نال تعلق رکھدیاں نیں۔ اوہ رَحم دِل تے دیانتدار سردار کاہِن بنے تے اُمّت دے گُناہاں دا کفّارہ دے۔

عِبرانیوں 4:15

کیوں جو ساڈا اجیہا سردار کاہِن نئیں جیہڑا ساڈیاں کمزوریاں وِچ ساڈا دردی نا ہوسکے سگوں سارِیاں گلّاں وِچ ساڈے وانگر ازمایا گیا۔ تَد وی بے گُناہ رہیا۔

۲-پطرس 2:19

اوہ اوہناں نال تے اَزادی دا وعدہ کر دے نیں تے آپی خرابی دے غلام بنے ہوئے نیں۔ ایس لئی پئی بندے اُتّے جِہدا دابا اے اوہ اوہدا غلام اے۔