رُومِیوں 6:10 - پنجابی نواں عہد نامہ نظرثانی شدہ چھپائی

¹⁰ کیوں جو مسِیح جو مر گیا تے گُناہ ولّوں اِک وار مویا۔ پر ہُن جو جِیوندا اے خُدا واسطے جِیوندا اے۔

رُومِیوں 6:10 ပူးပေါင်းရင်းမြစ်များ

۲-کُرِنتھِیوں 5:21

جیہڑا گُناہ توں واقف نئیں سی اوسے نُوں اوس ساڈے لئی گُناہ ٹھہرایا۔ تاں جو اسی اوہدے وِچ ہو کے خُدا دی راست بازی ہو جائیے۔

۱-پطرس 4:6

کیوں جو مُردیاں نُوں وی خُوشخبری ایسے لئی سُنائی گئی سی۔ پئی جِسم ولّوں بندیاں وانگر اوہناں دی عدالت ہوئے۔ پر رُوح ولّوں اوہ خُدا دے سببّوں جِیوندے رہن۔

۱-پطرس 3:18

ایس لئی پئی مسِیح وی راستباز ناراستاں دے لئی اِکّو وار دُکھ اُٹھایا۔ تاں جو سانُوں خُدا دے کول اَپڑائے۔ اوہ جِسم ولّوں ماریا گیا پر رُوح ولّوں جوالیا گیا۔

۲-کُرِنتھِیوں 5:15

تے اوہ ایس لئی ساریاں لئی مویا پئی جیہڑے جِیوندے نیں اوہ اگّے نُوں اپنے واسطے نا جیون سگوں اوہدے لئی جیہڑا اوہناں واسطے مویا تے فیر جی اُٹھیا۔

رُومِیوں 8:3

ایس لئی پئی جیہڑی گلّ جِسم دی کمزوری دے سببّوں شریعت توں نا ہو سکی۔ خُدا اپنے ای پُتر نُوں گُناہی جِسم دی صُورت وِچ تے گُناہ دی قُربانی لئی گھل کے جِسم وِچ گُناہ دی سزا دا حُکم کِیتا۔

رُومِیوں 6:11

ایسے طرح تُسی وی اپنے آپ نُوں گُناہ ولّوں مُردے پر مسِیح یِسُوع وِچ خُدا واسطے جِیوندے سمجھو۔

لُوقا 20:38

پر خُدا مُردیاں دا خُدا نئیں سگوں جِیوندیاں دا اے۔ کیوں جو سارے اوہدے واسطے جِیوندے نیں۔

رُومِیوں 6:9

ایہہ جان کے پئی مسِیح مُردیاں وِچوں جد جوالیا گیا اوہ مُڑ نئیں مر دا۔ مَوت دا مُڑ اوہدے اُتّے وَس نئیں چلدا۔