رُومِیوں 5:5 - پنجابی نواں عہد نامہ نظرثانی شدہ چھپائی

⁵ تے آس شرمندہ ایس لئی نئیں کر دی۔ پئی خُدا دی مُحبّت پاک رُوح دی راہِیں جیہڑا سانُوں دِتّا گیا ساڈے دِلاں وِچ پائی ہوئی اے۔

رُومِیوں 5:5 ပူးပေါင်းရင်းမြစ်များ

اعمال 10:45

تے سُنتی بَیٹھے ہویاں اِیمانداراں وِچوں جِنّے پطرس دے نال آئے سن حَیران ہوگئے۔ پئی غیر قوماں دے وِچ وی پاک رُوح دا اِنعام جاری ہو گیا۔

اعمال 2:17

پئی خُدا آکھدا اے پئی اخِیری دہاڑیاں وِچ اِنج ہوئے گا۔ پئی مَیں اپنے رُوح وِچوں ساریاں انساناں اُتّے ڈوہلاں گا۔ تے تُہاڈے پُتر تے تُہاڈیاں دِھیاں نبُوّت کرن گِیاں تے تُہاڈے جوان رویا ویکھن گے۔ تے تُہاڈے بُڈّھے سُفنہ ویکھن گے۔

اعمال 2:33

سو جد اوہ خُدا دے سَجّے پاسے اُچّا کِیتا گیا تے اوس باپ کولوں پاک رُوح دا وعدہ پایا تاں اوس ایہہ جو تُسی ویکھدے تے سُندے ہو بخش دِتّا۔

رُومِیوں 1:7

اوہناں ساریاں دے ناں جیہڑے رُومہ وِچ خُدا دے پیارے پاک ہون لئی سَدّے گئے نیں۔ ساڈے باپ خُدا تے خُداوند یِسُوع مسِیح ولّوں تُہانوں فضل تے سلامتی مِلدی رئے۔

رُومِیوں 8:28

تے اسی جاننے آں پئی سارِیاں شیواں اوہناں لئی جیہڑے خُدا نال مُحبّت رکھدے نیں رَل کے فائدہ پَیدا کر دیاں نیں ایہہ اوہ نیں جیہڑے خُدا دے اِرادے دے سببّوں سَدّے گئے نیں۔

رُومِیوں 9:33

جیویں لِکھیا اے پئی ویکھ مَیں صِیُّون وِچ ٹھیڈے دی چٹان تے ٹھوکر دا پتّھر رکھنا آں۔ تے جیہڑا اوہدے اُتّے اِیمان لیاؤندا اے اوہ شرمندہ نئیں کِیتا جاوے گا۔

۱-کُرِنتھِیوں 8:3

پر جیہڑا خُدا نال مُحبّت رکھدا اے خُدا اوہنوں پچھاندا اے۔

۲-کُرِنتھِیوں 1:22

جِس ساڈے اُتّے مُہر وی لائی۔ تے رُوح دی سائی ساڈے دِلاں وِچ دِتّی۔

۲-کُرِنتھِیوں 13:14

خُداوند یِسُوع مسِیح دا فضل تے خُدا دی مُحبّت تے پاک رُوح دی سنگت تُہاڈے سبھناں نال ہوندی رہے۔

۲-کُرِنتھِیوں 3:18

پر جد اساں سبھناں دے بے پردہ چِہریاں توں خُداوند دے جلال دا ایس طرح عکس پَیندا اے جیویں شیشے توں۔ تے اوس خُداوند دی راہِیں جیہڑا رُوح اے۔ اسی اوسے ای جلالی صُورت وِچ درجہ بدرجہ بدلدے جانے آں۔

۲-کُرِنتھِیوں 4:6

ایس لئی پئی خُدا ای اے جِس آکھیا پئی ہنیرے وِچوں نُور چمکے تے اوہو ای ساڈیاں دِلاں وِچ چمکیا۔ تاں جو خُدا دے جلال دی پچھان دا نُور یِسُوع مسِیح دے چِہرے توں چمکارا مارے۔

گلتِیوں 4:6

تے تُسی پُتر جو ہوئے ایس کر کے خُدا اپنے پُتر دا رُوح ساڈیاں دِلاں وِچ گھلّیا جیہڑا ابّا یعنی اَے باپ کر کے پُکار دا اے۔

گلتِیوں 5:22

پر رُوح دا پَھل پیار۔ خُوشی۔ تسلّی۔ برداشت۔ مِہربانی۔ نیکی۔ دیانتداری۔

اِفسِیوں 1:13

تے تُساں وی جدوں سچیائی دا کلام سُنیا جیہڑا تُہاڈی نجات دی خُوشخبری اے۔ نالے اوہدے اُتّے اِیمان لیاندا تے مسِیح وِچ تُہاڈے اُتّے وعدہ کِیتے ہوئے پاک رُوح دی مُہر لگّی۔

اِفسِیوں 4:30

تے خُدا دے پاک رُوح نُوں نا کلپاؤ جِہدی ساڈے اُتّے چُھٹکارے دے دِن لئی مُہر لگّی ہوئی اے۔

فِلِپّیوں 1:20

ایس لئی پئی میرے دِل دی تاہنگ تے آس ایہو ای اے پئی مَیں کِسے گلّ وِچ شرمندہ نا ہوواں سگوں پُوری دلیری صدقہ جیویں مسِیح دی وڈیائی میرے بدن دے سببّوں سدا ہوندی رہی اے اوسے طرح ہُن وی ہوئے گی۔ بھانویں مَیں مر جاواں تے بھانویں مَیں جِیوندا رہاں۔

۱-تھِسّلُنِیکوں 4:8

ایس واسطے جیہڑا نئیں مَندا اوہ بندے دی نئیں پر اوس خُدا دی گلّ نئیں مَندا جیہڑا تُہانوں اپنا پاک رُوح دیندا اے۔

۲-تھِسّلُنِیکوں 2:16

ہُن ساڈا خُداوند یِسُوع مسِیح آپ تے ساڈا باپ خُدا جِس ساڈے نال مُحبّت رکھی تے فضل نال سدا دی تسلّی تے چنگی آس سانُوں بخشی۔

۲-تِیمُتِھیُس 1:12

ایسے سبّب مَیں ایہہ دُکھ وی سہنا آں۔ پر شرماؤندا نئیں۔ کیوں جو جِہدے اُتّے مَیں اِیمان لیاندا اے۔ اوہنوں جاننا آں تے مَینُوں یقِین اے پئی اوہ میری امانت دی اوس دِن تِیکر حفاظت کر سکدا اے۔

۱-یُوحنّا 4:19

اسی ایس لئی مُحبّت کرنے آں پئی پہلا اوس ساڈے نال مُحبّت کِیتی۔