رُومِیوں 3:4 - پنجابی نواں عہد نامہ نظرثانی شدہ چھپائی

⁴ کدی نئیں سگوں خُدا سَچّا ٹھہرے۔ بھانویں سارے بندے جُھوٹھے ہون جیویں لِکھیا اے۔ پئی تُوں اپنیاں گلّاں وِچ سَچّا ٹھہریں۔ تے عدالت وِچ جِت جاویں۔

رُومِیوں 3:4 ပူးပေါင်းရင်းမြစ်များ

متّی 11:19

اِبنِ آدم کھاندا پَیندا آیا۔ تے اوہ آکھدے نیں پئی ویکھو کھاؤُ تے شرابی بندہ۔ محصُولِیاں تے گُناہِیاں دا یار۔ پر دانائی اپنیاں کمّاں توں سَچّی ٹھہری۔

لُوقا 20:16

اوہ آوے گا تے اوہناں مالِیاں دا ناس کرے گا۔ تے انگور دا باغ ہورناں نُوں دے وے گا۔ اوہناں ایہہ سُن کے آکھیا۔ خُدا نا کرے۔

یُوحنّا 3:33

جِس اوہدی گواہی مَنّی اے اوہنے اوس گلّ اُتّے مُہر کِیتی اے۔ پئی خُدا سَچّا اے۔

رُومِیوں 11:1

فیر مَیں آکھنا آں کِیہ خُدا نے اپنی قوم نُوں رَدّ کر دِتّا؟ خُدا نا کرے۔ کیوں جو مَیں وی تے ابرہام دی نسلوں بِنیمِین دے فِرقے دا اِسرائیلی آں۔

رُومِیوں 11:11

فیر مَیں آکھنا آں اوہناں ایس لئی ٹھیڈا کھادا پئی ڈِگّ پَین؟ خُدا نا کرے سگوں اوہناں دی بُھل دے سبّب غیر قوماں نُوں نجات مِلی۔ تاں جو اوہناں نُوں غیرت آوے۔

رُومِیوں 3:31

فیر اسی شریعت نُوں اِیمان دی راہِیں ردّ کرنے آں؟ خُدا نا کرے۔ سگوں اسی تے شریعت نُوں قیم رکھنے آں۔

رُومِیوں 6:15

فیر کِیہ ہویا ایس کر کے پئی اسی شریعت ہیٹھ نئیں سگوں فضل ہیٹھ آں۔ اسی گُناہ کریئے؟ خُدا نا کرے۔

رُومِیوں 6:2

خُدا نا کرے۔ اسی جیہڑے گُناہ ولّوں مر گئے کِیویں اگّے نُوں اوہدے وِچ زِندگی کِٹئے؟

رُومِیوں 7:13

پر جیہڑی شے چنگی اے۔ کِیہ میرے لئی مَوت بن گئی؟ خُدا نا کرے۔ پر گُناہ نے اوس چنگی شے دی راہِیں میرے لئی مَوت پَیدا کِیتی۔ پئی اوہدا گُناہ ہونا ظاہر ہوئے تاں جو گُناہ حُکم دی راہِیں حدّوں وَدّھ بُرا معلُوم ہوئے۔

رُومِیوں 7:7

فیر اسی کِیہ آکھیئے؟ شریعت گُناہ اے؟ خُدا نا کرے سگوں بِناں شریعت دے مَیں گُناہ نُوں نئیں پچھاندا۔ کیوں مَیں لالچ نا جان دا جے شریعت نا آکھدی پئی تُوں لالچ نا کر۔

رُومِیوں 9:14

فیر اسی کِیہ آکھئے پئی خُدا دی درگاہ وِچ بے انصافی اے؟ خُدا نا کرے۔

۱-کُرِنتھِیوں 6:15

تُسی نئیں جان دے پئی تُہاڈے بدن مسِیح دے انگ نیں؟ سو مَیں مسِیح دے انگ لے کے کسبی دے انگ بناواں؟ کدی نئیں۔

۲-کُرِنتھِیوں 1:18

خُدا دی سچیائی دی سَونہہ پئی ساڈے اوس کلام وِچ جیہڑا تُہاڈے نال کِیتا جاندا اے۔ ہاں تے نئیں دونویں ای نئیں ہوندے۔

گلتِیوں 2:17

پر اسی جیہڑے مسِیح وِچ راستباز ٹھہرن دی چاہ کرنے آں جے آپی گُناہیں نِکلئے تے دسو گُناہ دا مسِیح سیوادار اے؟ کدی وی نئیں۔

گلتِیوں 2:21

مَیں خُدا دے فضل نُوں ایویں نئیں گواؤندا۔ کیوں جو جے راست بازی شریعت دی راہِیں ہوندی اے تے مسِیح ایویں موئیا۔

گلتِیوں 6:14

پر خُدا نا کرے۔ پئی مَیں کِسے شے اُتّے فخر کراں۔ بِناں اپنے خُداوند یِسُوع مسِیح دی صلِیب دے جِہدے توں دُنیا میرے ولّوں صلِیب دِتّی گئی۔ تے مَیں دُنیا دے ولّوں۔

۱-تِیمُتِھیُس 3:16

ایہدے وِچ شک نئیں پئی دِینداری دا بھید وَڈا اے یعنی اوہ جیہڑا جِسم وِچ ظاہر ہویا۔ تے رُوح وِچ راستباز مِتھیا گیا۔ تے فرِشتیاں وِچ وکھالی دِتّا۔ غیر قوماں وِچ اوہدی منادی ہوئی دُنیا وِچ مَنّیا گیا۔ تے جلال وِچ اُتانہہ چُکیا گیا۔

طِطُس 1:2

اوس سدا دی زِندگی دی آس وِچ جِہدا وعدہ مُڈھ تِھیں خُدا کِیتا سی۔ جیہڑا جُھوٹھ نئیں مار سکدا۔

عِبرانیوں 6:18

تاں جو دو نا بدلن والِیاں شیواں دے سبّب جِنہاں دی بابت خُدا دا جُھوٹھ بولنا مُمکِن نئیں۔ ساڈی چنگی طرح دِل دی تسلّی ہو جائے۔ جیہڑے پناہ لین نُوں ایس لئی دَوڑنے آں۔ پئی اوس آس کِیتی ہوئی شے نُوں جیہڑی اگّے رکھی ہوئی اے۔ ہتّھ وِچ لے لَئے۔

۱-یُوحنّا 5:10

جیہڑا خُدا دے پُتر اُتّے اِیمان لیاؤندا اے گواہی اوہدے وِچ ای اے تے جِس خُدا دی گواہی نئیں مَنّی اوس اوہنوں جُھوٹھا بنایا۔ کیوں جو اوس گواہی اُتّے جیہڑی خُدا اپنے پُتر دی بابت دِتّی اوہنے اِیمان نئیں لیاندا۔

۱-یُوحنّا 5:20

تے ایہہ وی جاننے آں پئی خُدا دا پُتر آگیا اے۔ تے اوس سانُوں سمجھ دِتّی اے۔ تاں جو اوہنوں جیہڑا اصلی اے جانئے۔ تے اسی اوہدے وِچ۔ جیہڑا اصلی اے یعنی اوہدے پُتر یِسُوع مسِیح وِچ آں۔ اصلی خُدا تے ہمیشہ دی زِندگی ایہی اے۔

مُکاشفہ 3:7

تے فِلَدِلفیہ دی کلِیسیا دے فرِشتے نُوں ایہہ لِکھ پئی۔ جیہڑا قُدُّوس تے سَچّا اے تے داؤد دی کُنجی اوہدے کول اے جِہدے کھولے ہوئے نُوں کوئی بند نئیں کر دا تے بند کِیتے ہوئے نُوں کوئی کھولدا نئیں۔ اوہ ایہہ آکھدا اے۔