رُومِیوں 3:31 - پنجابی نواں عہد نامہ نظرثانی شدہ چھپائی

³¹ فیر اسی شریعت نُوں اِیمان دی راہِیں ردّ کرنے آں؟ خُدا نا کرے۔ سگوں اسی تے شریعت نُوں قیم رکھنے آں۔

رُومِیوں 3:31 ပူးပေါင်းရင်းမြစ်များ

متّی 15:6

اوہ بے شک اپنے باپ دی عِزّت نا کرے۔ ایس لئی تُساں اپنی رِیت رِوایت دے سبّب خُدا دے کلام نُوں رَدّ کِیتا۔

متّی 3:15

تے یِسُوع اوہنوں جواب دِتّا۔ حالی تے ہون دے کیوں جو سانُوں چاہیدا ایہہ پئی ایسے طرح ساری راست بازی نُوں پُورا کریئے۔ تَد اوس ہون دِتّا۔

متّی 5:17

ایہہ خیال نا کرو پئی مَیں توریت نُوں یا پیغمبراں نُوں کھنڈن آیا۔ مَیں کھنڈن نئیں سگوں پُوریاں کرن نُوں آیا آں۔

متّی 5:20

مَیں تُہانوں دسنا آں پئی جے تُہاڈی راستبازی فقِیہاں تے فرِیسیاں دی راستبازی نالوں وَدّھ نا جائے گی تُسی اسمان دی بادشاہی وِچ کدی وی نا جاؤ گے۔

لُوقا 20:16

اوہ آوے گا تے اوہناں مالِیاں دا ناس کرے گا۔ تے انگور دا باغ ہورناں نُوں دے وے گا۔ اوہناں ایہہ سُن کے آکھیا۔ خُدا نا کرے۔

رُومِیوں 10:4

کیوں جو راستبازی لئی مسِیح ہر اِک اِیمان لیاؤن والے واسطے شریعت دا خاتمہ اے۔

رُومِیوں 2:20

تے ناداناں دا گُرو تے نیانیاں دا اُستاد آں تے شریعت دے عِلم تے سچیائی دا نمونہ میرے کول اے۔

رُومِیوں 3:4

کدی نئیں سگوں خُدا سَچّا ٹھہرے۔ بھانویں سارے بندے جُھوٹھے ہون جیویں لِکھیا اے۔ پئی تُوں اپنیاں گلّاں وِچ سَچّا ٹھہریں۔ تے عدالت وِچ جِت جاویں۔

رُومِیوں 3:6

کدی وی نئیں۔ جے ہوئے تے خُدا دُنیا دی عدالت کِیویں کرے گا؟

رُومِیوں 4:14

پر جے شریعت والے ای وارث نیں۔ تے اِیمان بے فائدہ تے وعدہ ردّیا گیا۔

رُومِیوں 7:22

کیوں جو مَیں تے دِلوں خُدا دی شریعت توں خُوش آں۔

رُومِیوں 7:25

مَیں اپنے خُداوند یِسُوع مسِیح دی راہِیں خُدا دا شُکر کرنا آں۔ ایس طرح مَیں آپ اپنی عقل نال تے خُدا دی شریعت دا غلام آں۔ پر اپنے جِسم نال گُناہ دی شریعت دا۔

رُومِیوں 8:4

تاں جو شریعت دا راست حُکم ساڈے وِچ جیہڑے جِسم دے سببّوں نئیں سگوں رُوح دے سببّوں ٹُر نیں آں۔ پُورا کِیتا جائے۔

۱-کُرِنتھِیوں 9:21

بے شریعت لوکاں لئی مَیں بے شریعت بنیا۔ تاں جو بے شریعت لوکاں نُوں کھِچّ لیاواں (بھانویں خُدا دے اگّے بے شریعت نئیں) سگوں مسِیح دی شریعت دے تابع۔

گلتِیوں 2:19

ایس کر کے پئی مَیں شریعت دی راہِیں شریعت ولّوں مر گیا تاں جو خُدا ولّوں جِیُوپَواں۔

گلتِیوں 2:21

مَیں خُدا دے فضل نُوں ایویں نئیں گواؤندا۔ کیوں جو جے راست بازی شریعت دی راہِیں ہوندی اے تے مسِیح ایویں موئیا۔