رُومِیوں 3:26 - پنجابی نواں عہد نامہ نظرثانی شدہ چھپائی

²⁶ تے ایس زمانے وِچ وی اپنی راستبازی ظاہر کرے۔ تاں جو اوہ آپ راستباز رہے۔ تے اوہنوں جیہڑا یِسُوع اُتّے اِیمان لیاوے راستباز ٹھہرائے۔

رُومِیوں 3:26 ပူးပေါင်းရင်းမြစ်များ

لُوقا 1:80

تے اوہ بال وَدھدا گیا۔ تے رُوح وِچ زور پھڑدا گیا۔ تے اِسرائیل اُتّے اپنے ظاہر ہون دے دِن تِیکر بیاباناں وِچ رہیا۔

رُومِیوں 3:25

اوہنوں خُدا نے مُقرّر کِیتا۔ پئی اوہدے لہو اُتّے اِیمان لیاؤن نال کفّارہ ہوئے۔ تاں جو اوہدی راستبازی دِکھائی جاوے۔ کیوں جو خُدا صبر کر کے پِچّھلے گُناہاں نُوں چھڈ دِتّا۔

رُومِیوں 3:27

فیر ہُن فخر کِتّھے رہیا۔ اوہدا تھاں ای نا رہیا کیہڑی شریعت نال؟ عملاں دی شریعت نال؟ نئیں سگوں اِیمان دی شریعت نال۔

رُومِیوں 3:30

کیوں جو اِکّو خُدا اے جیہڑا سُنتی بہن والیاں نُوں اِیمان نال تے نا بہن والیاں نُوں وی اِیمان دی راہِیں راستباز ٹھہراوے گا۔

رُومِیوں 4:5

پر جیہڑا کمّ نئیں کر دا سگوں گُنہگار نُوں راستباز ٹھہران والے اُتّے اِیمان لیاؤندا اے۔ اوہدے لئی اوہدا اِیمان راستبازی گِنیا جاندا اے۔

رُومِیوں 8:33

خُدا دے چُنیاں ہویاں نُوں کیہڑا الزام دے گا؟ ایہہ خُدا ای جیہڑا سَتی بناندا اے۔

مُکاشفہ 15:3

تے اوہ خُدا دے بندے مُوسیٰ دا گِیت تے لیلے دا گِیت گا گا کے آکھدے سن پئی اَے خُداوند خُدا قادرِ مُطلق! تیرے کمّ وڈّے تے اچرج نیں اَے ہمیشہ دے بادشاہ! تیریاں راہاں راست تے ٹھیک نیں۔