رُومِیوں 2:29 - پنجابی نواں عہد نامہ نظرثانی شدہ چھپائی

²⁹ سگوں ٹھیک یہُودی اوہو اے۔ جیہڑا اندروں اے تے سُنتی بہنا اوہو اے۔ جیہڑا دِل دا اے رسمی نا ہوئے پر رُوحانی ہوئے۔ اجیہے دی وڈیائی بندیاں ولّوں نئیں پر خُدا ولّوں اے۔

رُومِیوں 2:29 ပူးပေါင်းရင်းမြစ်များ

لُوقا 11:39

پر خُداوند اوہنوں آکھیا۔ اَے فرِیسیو۔ تُسی کٹورا تے تھال باہروں تے صاف کر دے اوہ۔ پر تُہاڈے اندر لُٹ تے بُریائی بھری ہوئی اے۔

لُوقا 17:21

تے نا لوک آکھن گے پئی ویکھ ایتھے اے یا اوتھے اے۔ کیوں جو ویکھو خُدا دی بادشاہی تُہاڈے وِچ ای اے۔

یُوحنّا 12:43

کیوں جو اوہ بندیاں دی وڈیائی نُوں خُدا دی وڈیائی نالوں وَدّھ پیار کر دے سن۔

یُوحنّا 4:23

پر ویلا آؤندا اے تے ہُنے اے جدوں سَچّے بَھگت رُوح تے سچیائی نال باپ دی بندگی کرن گے کیوں جو باپ اجیہاں نُوں چاہندا اے۔ پئی اوہدی بندگی کرن۔

یُوحنّا 5:44

تُسی کِیویں اِیمان لیا سکدے ہو جیہڑے اِک دُوجے توں وڈیائی لَیندے ہو تے اوس وڈیائی نُوں جیہڑی اکلّے خُدا ولّوں آؤندی اے نئیں لبّھدے۔

رُومِیوں 14:17

کیوں جو خُداوند دی بادشاہی کھانا پِینا نئیں اے۔ سگوں راستبازی تے میل ملاپ تے پاک رُوح وِچ خُوشی اے۔

رُومِیوں 2:27

تے جیہڑے اُنج بیٹھے ای نئیں۔ جے شریعت نُوں مَنّن اوہ تینُوں جیہڑا سگوں سُنتی بَہہ کے تے کلام نُوں کول رکھ کے شریعت دا ٹالن والا ایں گُناہی نا ٹھہران گے؟

رُومِیوں 3:1

فیر یہُودی کیہڑی گلّوں وَدّھ اے تے سُنتی بہن دا کِیہ فائدہ اے؟

رُومِیوں 7:6

پر اسی اوہدے ولّوں مر کے جِہدے وِچ بَدّھے ساں شریعت توں ہُن ایتھوں تِیکر چھڈائے گئے آں۔ پئی اسی رُوح دے نَوِیں طریقے اُتّے خِدمت کریئے نا حرف دی پرانی رِیت اُتّے۔

۱-کُرِنتھِیوں 4:5

سو جد تِیکر خُداوند نا آوے۔ ویلے توں پہلاں کِسے کمّ دا فیصلہ نا کرو اوہو ہنیرے دِیاں چُھپیاں ہویاں گلّاں نُوں روشن کر دے گا۔ تے دِلاں دے منصُوبے ظاہر کر دے گا۔ اوس ویلے ہر اِک دی وڈیائی خُدا ولّوں ہوئے گی۔

۱-کُرِنتھِیوں 7:19

نا تے سُنت کُجھ شے اے تے نا ناسُنتی سگوں خُدا دے حُکماں اُتّے ٹُرناں ای سبھ کُجھ اے۔

۲-کُرِنتھِیوں 10:18

کیوں جو جیہڑا کوئی اپنی نیک نامی جتاؤندا اے۔ اوہ قبولیا ہویا نئیں۔ سگوں جِہنُوں خُداوند نیک نام ٹھہراؤندا اے اوہو ای قبولیا ہویا اے۔

۲-کُرِنتھِیوں 3:6

جِس سانُوں نَوِیں عہد دے خادم ہون جوگیاں وی کِیتا۔ لفظاں دے خادم نئیں سگوں رُوح دے کیوں جو لفظ مار سُٹّدے نیں پر رُوح جوالدی اے۔

فِلِپّیوں 3:3

کیوں جو سُنت والے تے اسی آں۔ جیہڑے خُدا دے رُوح دی ہدایت نال عبادت کرنے آں۔ تے مسِیح یِسُوع اُتّے فخر کرنے آں۔ تے جِسم دا بھروسا نئیں کر دے۔

۱-تھِسّلُنِیکوں 2:4

پر جیویں اسی خُدا کولوں منظُور ہوئے۔ پئی خُوشخبری ساڈے سپُرد کِیتی جائے۔ اوسے طرح اسی بیان کرنے آں۔ بندیاں نُوں نئیں پر خُدا نُوں خُوش کرن لئی۔ جیہڑا ساڈے دِلاں نُوں پرکھدا اے۔

۱-پطرس 3:4

سگوں تُہاڈے دِل دی چُھپی ہوئی اِنسانِیّت نرمی تے حلِیمی دی نا ناس ہون والی سجاوٹ نال سَجی رہے۔ کیوں جو خُدا دے کول ایہدی بتھیری قدر اے۔