رُومِیوں 15:1 - پنجابی نواں عہد نامہ نظرثانی شدہ چھپائی

¹ ہُن سانُوں جیہڑے تگڑے آں چاہیدا اے۔ پئی ماڑیاں دِیاں کمزوریاں دی برداشت کریئے۔ تے اپنی خُوشی نا کریئے۔

رُومِیوں 15:1 ပူးပေါင်းရင်းမြစ်များ

رُومِیوں 14:1

اوہنوں جیہڑا اِیمان وِچ کمزور اے۔ تُسی قبول تے کرو۔ پر شک شُبہ دے جھگڑیاں لئی نئیں۔

رُومِیوں 14:2

کِسے دا اِیمان اے پئی مَیں سبھ کُجھ کھاواں پر ہور کوئی جیہڑا کمزور اے۔ سو ساگ پَتّر کھاندا اے۔

رُومِیوں 4:20

خُدا دے وعدے اُتّے بے اِیمانی نال شک نا کِیتا۔ سگوں اِیمان دی راہِیں تگڑیاں ہو کے خُدا دی وڈیائی کِیتی۔

۱-کُرِنتھِیوں 4:10

اسی مسِیح دی خاطر مُورکھ آں۔ پر تُسی مسِیح وِچ عقل والے ہو اسی ماڑے آں تے تُسی زور والے۔ تُسی عِزّت والے اسی بے عِزّت آں۔

۱-کُرِنتھِیوں 9:22

کمزوراں لئی مَیں کمزور بنیا۔ تاں جو کمزوراں نُوں کھِچّ لیاواں۔ مَیں ساریاں بندیاں لئی سبھ کُجھ بنیا ہویا آں۔ تاں جو کِسے طرح نال بعضیاں نُوں بچاواں۔

۲-کُرِنتھِیوں 12:10

ایس لئی مَیں مسِیح دی خاطر کمزوری وِچ۔ بے عزّتِیاں وِچ۔ لوڑاں وِچ۔ ستائے جان وِچ۔ تنگِیاں وِچ خُوش آں۔ کیوں جو جد مَیں کمزور ہوناں آں۔ اوسے ویلے زور والا ہوناں آں۔

اِفسِیوں 6:10

باقی خُداوند تے اوہدی بڑی قُوّت دی طاقت وِچ تگڑے رہو۔

فِلِپّیوں 2:4

ہر کوئی اپنیاں ولّ ای نا ویکھے سگوں دُوجیاں ولّ وی۔

۱-تھِسّلُنِیکوں 5:14

تے بھراؤ! اسی تُہانوں نصِیحت کرنے آں پئی بے قاعدہ ٹُرن والیاں نُوں سمجھاؤ۔ نِگھریاں ہویاں نُوں دلاسا دیو ماڑیاں نُوں سنبھالو۔ سبھناں نال صبر دا سلُوک کرو۔

۲-تِیمُتِھیُس 2:1

سو میرے پُتر تُوں اوس فضل نال جیہڑا مسِیح یِسُوع وِچ اے تگڑا ہو۔

۱-یُوحنّا 2:14

بزُرگو۔ مَیں تُہانوں ایس کر کے لِکھیا اے۔ پئی جیہڑا مُڈھوں اے۔ اوہنوں تُسی جان گئے ہو۔ جوانو۔ مَیں تُہانوں ایس کر کے لِکھیا اے۔ پئی تُسی تگڑے ہو۔ تے خُدا دا کلام تُہاڈے وِچ رہندا اے۔ تے تُساں شریر نُوں جِت لیا اے۔