رُومِیوں 13:7 - پنجابی نواں عہد نامہ نظرثانی شدہ چھپائی

⁷ سبھناں دا حق دے چھڈو۔ جِہنُوں چُنگی چاہیدی اے۔ چُنگی دیو جِہنُوں محصُول چاہیدا اے۔ اوہنوں محصُول دیو۔ جِہدے کولوں ڈرنا چاہیدا اے ڈرو۔ جِہدی عِزّت کرنی چاہیدی اے۔ عِزّت کرو۔

رُومِیوں 13:7 ပူးပေါင်းရင်းမြစ်များ

متّی 17:25

اوہ آکھن لگّا آہو دیندا اے تے جد اوہ گھر آیا یِسُوع اگّوں ای اوہنوں آکھیا شمعُون تُوں کِیہ سمجھنا ایں پئی دُنیا دے بادشاہ کِنّاں کولوں چُنگی یا محصُول لَیندے نیں؟ اپنیاں پُتراں کولوں یا پرایاں کولوں۔

متّی 22:21

اوہ اوہنوں آکھن لگّے قَیصر دی۔ تَد اوہ اوہناں نُوں آکھن لگّا۔ فیر جو قَیصر دا اے قَیصر نُوں دیو تاں جو خُدا دا اے خُدا نُوں۔

مرقس 12:17

تَد یِسُوع اوہناں نُوں آکھیا جیہڑیاں شیواں قَیصر دِیاں نیں۔ سو قَیصر نُوں دیو۔ تے جیہڑیاں خُدا دِیاں نیں خُدا نُوں دیو تے اوہ اوہدے توں بُہت حَیران ہوئے۔

لُوقا 20:22

سانُوں قَیصر نُوں جزیہ دینا جائز اے کہ نئیں؟

لُوقا 20:25

اوس اوہناں نُوں آکھیا بس فیر جو کُجھ قَیصر دا اے قَیصر نُوں دیو۔ تے جو خُدا دا اے خُدا نُوں۔

لُوقا 23:2

تے اوہناں اوہدے اُتّے نالشاں کرنِیاں شُروع کِیتیاں پئی اساں ایہنوں ویکھیا پئی ساڈی قوم نُوں ورغلاؤندا اے۔ تے منع کر دا اے پئی قَیصر نُوں جزیہ نا دین۔ نالے آکھدا اے۔ پئی مَیں آپ مسِیح بادشاہ آں۔

رُومِیوں 12:10

بھراواں وَرگی مُحبّت نال آپو وِچ بڑا پیار رکھو۔ عِزّت ولّوں اِک دُوجے نُوں چَنگا سمجھو۔

رُومِیوں 13:6

کیوں جو تُسی ایسے سببّوں چُنگی وی بھر دے اوہ۔ پئی اوہ خُدا دے ٹہلئے نیں جیہڑے ایسے کمّ وِچ رُجھّے رہندے نیں۔

اِفسِیوں 5:33

ہر صُورت تُہاڈے وِچوں وی ہر اِک اپنی زنانی نُوں اپنے وانگر پیار کرے۔ تے زنانی ایس گلّ دا خیال رکھّے پئی اپنے گھر والے کولوں ڈر دی رہے۔

اِفسِیوں 6:5

نَوکرو۔ جیہڑے جِسم ولّوں تُہاڈے مالک نیں صاف دِلی نال ڈردے تے کمبدے ہوئے اوہناں دے اجیہے آکھے لگو۔ جیویں مسِیح دے۔

۱-تِیمُتِھیُس 5:13

تے نالے گھر گھر پِھرکے وِھلِیاں رہناں سِکھ جاندِیاں نیں تے نِریاں وِھلِیاں ای نئیں رہندیاں سگوں بکواس کر دیاں رہندیاں نیں تے دُوجیاں دے کمّاں وِچ دخل وی دیندیاں نیں تے ناجائز گلّاں آکھدیاں نیں۔

۱-تِیمُتِھیُس 5:17

جیہڑے بزُرگ چَنگے آگُو نیں۔ خاص کر کے اوہ جیہڑے کلام تے تعلِیم دی محنت کر دے نیں دُونی عِزّت دے قابل سمجھے جان۔

۱-تِیمُتِھیُس 6:1

جیہڑے نوکر جُولے ہیٹھ نیں اپنے اپنے مالکاں نُوں پُوری عِزّت دے قابل جانن۔ تاں جو خُدا دا ناں تے تعلِیم بدنام نا ہوئے۔

۱-پطرس 3:7

گھر والیو! تُسی وی اپنیاں زنانِیاں نال عقل نال وسّیا کرو تے زنانی نُوں کمزور جان کے اوہدی عِزّت کرو تے ایسے طرح سمجھو پئی اسی دونویں زِندگی دی نِعمت دے وارث آں۔ تاں جو تُہاڈیاں دُعاواں رُک نا جان۔