رُومِیوں 12:8 - پنجابی نواں عہد نامہ نظرثانی شدہ چھپائی

⁸ تے جے وعظ نصِیحت کرن والا ہوئے۔ تے وعظ نصِیحت وِچ لگّا رہے۔ خَیرات کرن والا کُھلِّیں ہتّھِیں کرے۔ پیشوا کوشش نال پیشوائی کرے۔ رَحم کرن والا خُوشی نال کرے۔

رُومِیوں 12:8 ပူးပေါင်းရင်းမြစ်များ

متّی 25:40

تے بادشاہ اوہناں نُوں جواب وِچ آکھے گا۔ مَیں تُہانوں سَچ آکھنا آں پئی جد تُساں میرے ایہناں سبھناں توں نِکّیاں بھراواں وِچوں اِک نال ایہہ کِیتا تے میرے نال کِیتا۔

اعمال 11:23

جد اوہ اَپڑیا تے خُدا دا فضل ویکھیا۔ تَد خُوش ہویا۔ تے اوس اوہناں سبھناں نُوں نصِیحت کِیتی پئی دِل لا کے خُداوند نال مِلے رہن۔

اعمال 13:12

تَد صُوبے دار ایہہ حال ویکھ کے تے خُداوند دی تعلِیم توں حَیران ہو کے اِیمان لیاندا۔

اعمال 13:15

تے توریت تے نبیاں دی کتاب پڑھن دے مگروں عبادت خانے دے سرداراں اوہناں نُوں اکھوا گھلّیا۔ پئی بھراؤ جے لوکاں لئی کوئی نصِیحت دی گلّ تُہاڈے کول ہوئے تے آکھو۔

اعمال 15:32

تے یہُوداہ تے سِیلاس نے کیوں جو اوہ وی نبی سن بھراواں نُوں بُہت سارِیاں گلّاں دی نصِیحت دے کے تگڑیاں کِیتا۔

اعمال 20:2

تے اوہناں علاقیاں وِچ پھیرا کر کے تے بُہت نصِیحت دے کے۔ یُونان وِچ آیا۔

اعمال 20:28

تُسی اپنی اوس سارے اِجّڑ دی خبرداری کرو۔ جِہدا پاک رُوح نے تُہانوں نِگہبان بنایا۔ پئی خُدا دی کلِیسیا نُوں چارو جِہنُوں اوس اپنے ای لہو نال مُل لیا۔

اعمال 4:36

تے یُوسف قوم دا لاوی سی تے کُپرُس دا سی۔ اوہدا ناں رسُولاں نیں برنباس یعنی نصِیحت دا پُتر رکھیا۔

رُومِیوں 12:13

پاک لوکاں دِیاں لوڑاں پُوریاں کرو۔ مُسافراں دی سیوا وِچ لگے رہو۔

رُومِیوں 13:6

کیوں جو تُسی ایسے سببّوں چُنگی وی بھر دے اوہ۔ پئی اوہ خُدا دے ٹہلئے نیں جیہڑے ایسے کمّ وِچ رُجھّے رہندے نیں۔

۱-کُرِنتھِیوں 12:28

تے خُدا نے کلِیسیا وِچ وَکھو وَکھ بندے مُقرّر کِیتے۔ پہلے رسُول دُوجے نبی ترِیجے اُستاد فیر کراماتاں وکھان والے۔ فیر بیماریاں ولّ کرن والے۔ مدد کرن والے۔ انتظام کرن والے۔ وَن سَووَنِیاں زباناں بولن والے۔

۱-کُرِنتھِیوں 14:3

پر جیہڑا نبُوّت کر دا اے۔ اوہ بندیاں دی ترقی تے نصِیحت تے تسلّی دِیاں گلّاں آکھدا اے۔

۲-کُرِنتھِیوں 1:12

کیوں جو سانُوں اپنے دِل دی ایس گواہی اُتّے فخر اے پئی ساڈا چال چَلّن دُنیا وِچ تے خاص کر تُہاڈے وِچ جِسمانی حِکمت نال نئیں۔ سگوں خُدا دے فضل دے نال یعنی اجیہی پاکیزگی تے صفائی دے نال رہیا۔ جیہڑا خُدا دے لائق اے۔

۲-کُرِنتھِیوں 11:3

پر مَیں ڈرناں آں۔ کِتے اجیہا نا ہوئے۔ جِہیا سَپّ نیں اپنی مکّاری نال حوّا نُوں چُکیا ایسے طرح تُہاڈے خیال وی اوس سادگی تے پاکیزگی توں ہَٹ جان جیہڑی مسِیح دے نال ہونی چاہیدی اے۔

۲-کُرِنتھِیوں 8:12

کیوں جو جے نِیّت ہوئے تے خَیرات اوہدے دے سببّوں قبول ہوئے گی۔ جو کُجھ بندے دے کول اے۔ نا اوس دے سببّوں جو کُجھ اوہدے کول نئیں۔

۲-کُرِنتھِیوں 9:11

تُسی ہر شے نُوں وادھے نال لے کے سبھ طرح دی سخاوت کرو گے۔ جیہڑی ساڈی راہِیں خُدا دی شُکر گُزاری دا سبّب ہوندی اے۔

۲-کُرِنتھِیوں 9:13

ایس لئی پئی جیہڑی نِیّت ایس خِدمت توں ثابت ہوئی اوہدے سببّوں اوہ خُدا دی وڈیائی کر دے نیں پئی تُسی مسِیح دی خُوشخبری دا اِقرار کر کے اوہدے اُتّے تابعداری نال عمل کر دے ہو۔ تے اوہناں دی تے ساریاں لوکاں دی مدد کرن وِچ سخی ہو۔

۲-کُرِنتھِیوں 9:7

جِنّاں کِسے اپنے دِل وِچ ٹھہرایا اے۔ اوناں ای دیوے رنج ہو کے نئیں تے نا لاچاری نال۔ کیوں جو خُدا خُوشی نال دین والے نُوں پیار کر دا اے۔

اِفسِیوں 6:5

نَوکرو۔ جیہڑے جِسم ولّوں تُہاڈے مالک نیں صاف دِلی نال ڈردے تے کمبدے ہوئے اوہناں دے اجیہے آکھے لگو۔ جیویں مسِیح دے۔

کُلُسِّیوں 3:22

نَوکرو جیہڑے جِسم ولّوں تُہاڈے مالک نیں سارِیاں گلّاں وِچ اوہناں دا آکھا مَنّو۔ بندیاں دے خُوش کرن والیاں وانگر وکھا لے لئی نئیں سگوں صاف دِلی تے خُدا دے خَوف نال۔

۱-تھِسّلُنِیکوں 2:3

کیوں جو ساڈی نصِیحت نا بدراہی نال نا ناپاکی نال نا دھوکھے بازی نال اے۔

۱-تھِسّلُنِیکوں 2:8

ایسے طرح اسی تُہاڈے چاہ وند ہو کے نِرے خُدا دی خُوشخبری نئیں پر اپنی جان تِیکر دے دین نُوں راضی ساں۔ ایس لئی پئی تُسی ساڈے پیارے ہوگئے سو۔

۱-تِیمُتِھیُس 4:13

جد تِیکر مَیں نا آواں۔ پڑھن تے نصِیحت کرن تے سکھان ولّ دھیان رکھ۔

۱-تِیمُتِھیُس 5:17

جیہڑے بزُرگ چَنگے آگُو نیں۔ خاص کر کے اوہ جیہڑے کلام تے تعلِیم دی محنت کر دے نیں دُونی عِزّت دے قابل سمجھے جان۔

۱-تِیمُتِھیُس 6:18

تے نیکی کرن تے چنگے کمّاں وِچ دَولتمند بنن تے سخی ہون نُوں تیار تے مدد کرن اُتّے قیم ہون۔

عِبرانیوں 10:25

تے اکٹّھے ہون توں نا مُڑیئے۔ جیویں کئیاں لوکاں دی عادت اے۔ سگوں آپو وِچ نصِیحت کریئے تے جِنّاں اوس دِن نُوں نیڑے ہوندیاں ویکھدے ہو۔ اوناں ای ایہہ گلّاں وَدّھ کریا کرو۔

عِبرانیوں 13:17

اپنے راہبراں دے آکھے لگو تے تابعیاں رہو کیوں جو اوہ تُہاڈیاں جاناں دے فائدے لئی اوہناں وانگر جاگدے رہندے نیں۔ جِنہاں نُوں حِساب دینا پَوے گا تاں جو اوہ خُوشی نال ایہہ کمّ کرن نا دُکھ نال کیوں جو ایس گلّ توں تُہانوں کُجھ فائدہ نئیں۔

عِبرانیوں 13:22

بھراؤ مَیں تُہاڈی مِنّت کرنا آں۔ پئی تُسی ایس نصِیحت دے کلام دی برداشت کرو۔ کیوں جو مَیں تُہانوں تھوڑیاں گلّاں وِچ لِکھیا اے۔

عِبرانیوں 13:24

اپنے سارے رہبراں تے سارے پاک لوکاں نُوں سلام آکھو۔ اِطالِیہ والے تُہانوں سلام آکھدے نیں۔

عِبرانیوں 13:7

جیہڑے تُہاڈے رہبر سن تے جِنہاں تُہانوں خُدا دا کلام سُنایا اوہناں نُوں یاد رکھو اوہناں دی زِندگی دے نتیجے اُتّے دھیان کر کے اوہناں جیہے اِیماندار ہو جاؤ۔