رُومِیوں 12:3 - پنجابی نواں عہد نامہ نظرثانی شدہ چھپائی

³ کیوں جو اوس فضل نال جیہڑا مَینُوں بخشیا گیا اے۔ مَیں تُہاڈے وِچوں ہر اِک نُوں آکھنا آں۔ پئی جیہڑا اپنی بابت تُہانوں خیال کرنا چاہیدا اے۔ اوہدے توں وَدّھ نا کرو۔ پر سُرت نال اوسے طرح خیال کرو۔ جیویں خُدا نے ہر اِک نُوں اِیمان دا حِصّہ ونڈ دِتّا۔

رُومِیوں 12:3 ပူးပေါင်းရင်းမြစ်များ

لُوقا 18:11

فریسی کھلو کے اپنے جی وِچ ایویں دُعا منگن لگّا۔ اَے خُدا مَیں تیرا شُکر کرنا آں پئی مَیں ہورناں لوکاں وانگُوں لُٹیرا ظالم زانی یا ایس محصُولئے جِہیا نئیں آں۔

یُوحنّا 3:34

کیوں جو جِہنُوں خُدا گھلّیا اوہ خُدا دِیاں گلّاں کر دا اے۔ ایس لئی پئی اوہ رُوح مِن کے نئیں دیندا۔

رُومِیوں 1:5

جِہدی راہِیں سانُوں فضل تے رسالت مِلی۔ تاں جو اوہدے ناں واسطے سارِیاں قوماں وِچوں لوک اِیمان دے تابعیاں ہون۔

رُومِیوں 11:20

ہَچھّا اوہ تے بے اِیمانی دے سبّب بَھن کے سُٹِّیاں گِئیاں۔ تے تُوں اپنے اِیمان دے سبّب کھلوتا ایں۔ مغرُور نا بن سگوں ڈر۔

رُومِیوں 11:25

بھراؤ کِتے اجیہا نا ہوئے پئی تُسی اپنے آپ نُوں سِیانے سمجھو۔ مَیں نئیں چاہندا۔ پئی تُسی ایس بھید توں ناواقِف رہو۔ پئی اِسرائیل دے اِک حِصّے اُتّے۔ جد تِیکر غیر قوماں دی بھرتی پُوری نا ہوئے۔ سخت دِلی آگئی اے۔

رُومِیوں 12:16

آپو وِچ اِکّو جِہیا خیال رکھو۔ اُچّے اُچّے خیال نا بنھنو۔ سگوں نِیویاں ولّ دھیان کرو۔ اپنے ولّوں سِیانے نا بن بَیٹھو۔

۱-کُرِنتھِیوں 15:10

پر جو کُجھ آں خُدا دے فضل توں آں۔ تے اوہدا فضل جیہڑا میرے اُتّے ہویا بے فائدہ نا ہویا۔ سگوں مَیں اوہناں ساریاں نالوں وَدّھ محنت کِیتی۔ تے ایہہ میرے ولّوں نئیں ہوئی سگوں خُدا دے فضل توں جیہڑا میرے اُتّے سی۔

۱-کُرِنتھِیوں 3:10

مَیں اوس توفِیق دے سببّوں جیہڑی خُدا مَینُوں بخشی۔ عقلمند راج وانگر نِینّھ رکھی تے دُوجا اوہدے اُتّے عمارت اُسار دا اے۔ سو ہر اِک خبردار رہے۔ پئی کہیو جِہی عمارت اُسار دا اے۔

۱-کُرِنتھِیوں 7:17

پر جیہا خُدا ہر اِک نُوں حِصّہ دِتّا اے تے جیویں خُدا ہر اِک نُوں سدّیا اے۔ اوہ اوسے طرح ٹُرے۔ تے مَیں ساریاں کلِیسیاواں وِچ ایسے طرح حُکم دینا آں۔

۲-کُرِنتھِیوں 10:13

پر اسی اندازیوں وَدّھ فخر نا کراں گے۔ سگوں اوسے ای حد دے اندازے دے سببّوں جیہڑی خُدا ساڈے لئی مُقرّر کِیتی اے۔ جِہدے اندر تُسی وی آگئے ہو۔

۲-کُرِنتھِیوں 12:13

تُسی کیہڑی گلّ وِچ ہورناں کلِیسیاواں نالوں گھٹ نِکلے۔ ایہدے سِوا پئی مَیں تُہاڈے اُتّے بھار نا پایا؟ میری ایہہ بے انصافی مُعاف کرو۔

۲-کُرِنتھِیوں 12:7

تے الہاماں دے بُہتے ہون دے سببّوں پئی متے مَیں پُھل نا جاواں میرے جِسم وِچ کنڈا چوبھیا گیا اے۔ یعنی شیطان دا گھلّیا ہویا تاں جو مَینُوں ہُورے مارے تے مَیں پُھل نا جاواں۔

گلتِیوں 6:3

کیوں جو جے کوئی اپنے آپ نُوں کُجھ سمجھے تے اصل ہوئے کُجھ نا۔ تاں اوہ اپنے آپ نُوں دھوکھا دیندا اے۔

اِفسِیوں 3:2

شاید تُساں خُدا دے فضل دا ناں سُنیا ہوئے گا۔ جیہڑا تُہاڈے لئی مَینُوں مِلیا۔

اِفسِیوں 3:4

جِہنُوں پڑھ کے تُسی معلُوم کر سکدے ہو۔ پئی مَیں مسِیح دا اوہ بھیت کِتّھوں تِیکر سمجھنا آں۔

اِفسِیوں 4:16

جِہدے توں سارا تَن اِک اِک جوڑ دی مدد نال جوڑیا تے گنڈھیا جاندا اے تے اِک اِک انگ دے ولّ کمّ کرن نال مُحبّت وِچ اپنے آپ نُوں اُسارن لئی تَن دا وادھا ہوندا اے۔

فِلِپّیوں 2:13

کیوں جو جیہڑا تُہاڈے وِچ نِیّت تے عمل دوہاں نُوں اپنا نیک اِرادہ پُورا کرن لئی پَیدا کر دا اے سو خُدا ای اے۔

کُلُسِّیوں 1:29

تے ایسے لئی مَیں اوہدی اوس قُوّت دے سببّوں دِل توڑ کے محنت کرنا آں۔ جیہڑی میرے وِچ زور نال اثر کر دی اے۔

کُلُسِّیوں 2:13

تے اوس تُہانوں وی جیہڑے اپنے قصوراں تے جِسم دی نا سُنتی دے سببّوں موئے ہوئے سو اوہدے نال جوالیا تے سارے ساڈے قصور بخش دِتّے۔

۱-تِیمُتِھیُس 1:14

تے ساڈے خُداوند دا فضل اوس اِیمان تے پیار دی راہِیں جیہڑا مسِیح یِسُوع وِچ اے بُہت وَدّھ کے ہویا۔

۱-تِیمُتِھیُس 2:15

پر اولاد جمّن دے سببّوں نجات پائے گی۔ جے اِیمان تے پیار تے پاکیزگی تے پرہیزگاری اُتّے قیم رہے۔

۱-تِیمُتِھیُس 2:9

ایسے طرح زنانِیاں سُچجیاں کپڑیاں نال لنگھ تے سُرت نال اپنے آپ نُوں سنگارن۔ وال گُندن۔ تے سونے تے موتِیاں تے بُہتے مُل والیاں کپڑیاں نال نئیں۔

طِطُس 2:12

تے سانُوں سِکھاؤندا اے۔ پئی بیدینی تے دُنیاوی خواہشاں نُوں چھڈ کے ایس جہان وِچ پرہیز تے نیکی تے دِینداری نال زِندگی کٹیئے۔

طِطُس 2:2

ایہہ پئی بُڈّھے پرہیزگار سنجیدہ تے سُرت والے ہون۔ اوہناں دا اِیمان۔ تے مُحبّت۔ تے صبر ٹھیک ہوئے۔

طِطُس 2:4

مُٹیاراں نُوں سکھان پئی اپنے اپنے گھر والیاں نُوں پیار کرن بچّیاں نُوں پیار کرن۔

طِطُس 2:6

جواناں نُوں وی ایسے طرح مَت دے۔ پئی پرہیزگار بنن۔

یعقُوب 4:6

اوہ تے بُہتا فضل دیندا اے۔ ایس لئی ایہہ لِکھیا ہویا اے۔ پئی خُدا مغرُوراں دا سامنا کر دا اے۔ تے حلِیماں نُوں فضل دیندا اے۔

۱-پطرس 1:13

ایس واسطے اپنی عقل دا لکّ بَنّھ کے تے ہُشیار ہو کے اوس فضل دی پُوری آس رکھو جیہڑا یِسُوع مسِیح دے وکھالی دین دے ویلے تُہاڈے اُتّے ہون والا اے۔

۱-پطرس 4:11

جے کوئی کُجھ آکھے تے اجیہا آکھے جیویں خُدا دا کلام اے۔ جے کوئی سیوا کرے تے اونہی طاقت نال کرے۔ جِنّی خُدا دیندا اے۔ تاں جو سارِیاں گلّاں وِچ یِسُوع مسِیح دی راہِیں خُدا دا جلال ظاہر ہوئے۔ جلال تے سلطنت ہمیشہ تِیکر اوہدی ای اے۔ آمِین۔

۱-پطرس 4:7

سارِیاں شیواں ہُن مُک چلیاں نیں ایس لئی سُرت والے ہوؤ تے دُعاواں لئی تیار رہو۔

۱-پطرس 5:5

جوانو! تُسی وی بزُرگاں دی تابعیاں وِچ رہو اِک دُوجے دی سیوا واسطے عاجزی نال لکّ بنھیں رکھو۔ ایس لئی پئی خُدا مغرُوراں دا سامنا کر دا اے پر عاجزاں نُوں فضل دیندا اے۔

۱-پطرس 5:8

تُسی ہوش رکھو تے جاگدے رہو تُہاڈا وَیری ابلیس گرجن والے شیر وانگر لَبّھدا پِھردا اے پئی کِنوں پاڑ کھاواں۔

۳-یُوحنّا 1:9

مَیں کلِیسیا نُوں کُجھ لِکھیا سی پر دِیُترِفِیس جیہڑا اوہناں وِچوں وَڈا ہونا چاہندا اے۔ سانُوں قبول نئیں کر دا۔