رُومِیوں 12:2 - پنجابی نواں عہد نامہ نظرثانی شدہ چھپائی

² تے ایس جہان دی شکل ورگے نا بنو۔ سگوں نَوِیں عقل ہون نال اپنی صُورت بدل دے جاؤ۔ تاں جو خُدا دی نیک تے چنگی لگّن والی تے کامِل مرضی تجربے نال معلُوم کر دے رہو۔

رُومِیوں 12:2 ပူးပေါင်းရင်းမြစ်များ

متّی 13:22

تے اوہ جیہڑا ملہیاں وِچ بِیجیا گیا سو اوہ اے جیہڑا کلام سُندا اے تے زمانے دی سوچ فِکر تے دَولت دا دھوکھا کلام نُوں دَبا لَیندا اے تے اوہ اپّھل ہو جاندا اے۔

مرقس 4:19

تے دُنیا دے فِکر۔ تے دَولت دا دھوکھا۔ تے ہورناں شیواں دا لالچ آ کے کلام نُوں دَبا لَیندا اے۔ تے اوہ اپّھل ہو جاندا اے۔

یُوحنّا 14:30

ایدوں پِچّھوں مَیں تُہاڈے نال بُہت گلّاں نا کراں گا کیوں جو دُنیا دا سردار آؤندا اے تے میرے وِچ اوہدا کُجھ نئیں اے۔

یُوحنّا 15:19

جے تُسی دُنیا دے ہوندے تے دُنیا اپنیاں نُوں پیار کر دی۔ پر تُسی دُنیا دے جو نئیں ہو ایس لئی پئی مَیں تُہانوں دُنیا وِچوں چُنیا دُنیا تُہاڈے نال وَیر رکھدی اے۔

یُوحنّا 17:14

مَیں اوہناں نُوں تیرا کلام دِتّا اے تے دُنیا اوہناں نال وَیر رکھیا کیوں جو اوہ دُنیا دے نئیں جیویں مَیں دُنیا دا نئیں آں۔

یُوحنّا 7:7

دُنیا تُہاڈے نال وَیر نئیں رکھ سکدی۔ پر میرے نال ایس لئی رکھدی اے کیوں جو مَیں اوہدے حق وِچ گواہی دینا آں پئی اوہدے کمّ بُرے نیں۔

رُومِیوں 12:1

سو بھراؤ۔ مَیں خُدا دِیاں مہربانِیاں دے سببّوں تُہاڈی مِنّت کرنا آں۔ پئی تُسی اپنے بدناں نُوں جیوندی پاک قُربانی چڑھاؤ۔ جیہڑی خُدا نُوں چنگی لگّے۔ پئی ایہو تُہاڈی رُوحانی بندگی اے۔

رُومِیوں 13:14

سگوں خُداوند یِسُوع مسِیح نُوں پا لوؤ تے جِسم دِیاں خواہشاں پُوریاں کرن لئی سوچ فِکر نا کرو۔

رُومِیوں 7:12

سو شریعت تے پاک اے۔ تے حُکم پاک تے راست تے چَنگا اے۔

رُومِیوں 7:14

کیوں جو اسی جاننے آں پئی شریعت رُوحانی اے۔ پر مَیں جِسمانی آں تے گُناہ دے ہتّھ وِکیا ہویا۔

رُومِیوں 7:22

کیوں جو مَیں تے دِلوں خُدا دی شریعت توں خُوش آں۔

۱-کُرِنتھِیوں 3:19

کیوں جو دُنیا دی حِکمت خُدا دے بھانے مُورکھ اے۔ جیویں لِکھیا ہویا اے پئی اوہ سیانیاں نُوں اوہناں دی چالاکی وِچ پھسا دیندا اے۔

۲-کُرِنتھِیوں 4:4

یعنی اوہناں بے اِیماناں لئی جِنہاں دِیاں اَکھّیاں نُوں ایس جہان دے خُدا اَنھیاں کر دِتّا اے۔ تاں جو مسِیح جیہڑا خُدا دی صُورت اے اوہدے جلال دی خُوشخبری دا چانن اوہناں اُتّے نا پئے۔

۲-کُرِنتھِیوں 5:17

ایس لئی جے کوئی مسِیح وِچ اے۔ تے اوہ نواں مخلُوق اے پرانیاں شیواں جاندِیاں رہیاں۔ ویکھو اوہ نَوِیاں ہوگِئیاں۔

گلتِیوں 1:4

جِس ساڈیاں گُناہاں دے بدلے اپنے آپ نُوں قُربان کر دِتّا۔ ایس کر کے پئی ساڈے خُدا تے باپ دی مرضی دے سببّوں سانُوں ہُن وی بَھیڑی دُنیا توں چھڈائے۔

اِفسِیوں 1:18

تے تُہاڈے دِل دِیاں اَکھّیاں سوجاکھِیاں ہو جان۔ تاں جو تُہانوں پتا لگّے۔ پئی اوہدے سَدّن توں کیہو جیہی آس اے۔ تے اوہدی میراث دے جلال دی دَولت پاک لوکاں وِچ کیڈی کُو اے۔

اِفسِیوں 2:2

جِنہاں وِچ تُسی پہلاں ایس دُنیا دی چال اُتّے ٹُر دے سو۔ وَا دے پتّے دے حاکم یعنی اوس رُوح دے مگر مگر ٹُردے سو۔ جیہڑی ہُن نافرمان لوکاں وِچ اثر کر دی اے۔

اِفسِیوں 5:17

ایس سبّب بال نا رہو۔ سگوں خُدا دی مرضی نُوں سمجھو۔ پئی کِیہ اے۔

کُلُسِّیوں 1:9

ایس کر کے جد توں اساں سُنیا اے۔ اسی تُہاڈے لئی دُعا تے مِنّت کرنی نئیں چھڈ دے۔ پئی تُسی ساری رُوحانی حِکمت تے سمجھ نال اوہدی مرضی دے عِلم نال بھر جاؤ۔

کُلُسِّیوں 3:10

تے نَوِیں اِنسانِیّت نُوں پالیا اے۔ جیہڑی خُدا دے عِلم لئی اپنے پَیدا کرن والے دی صُورت اُتّے نَوِیں بندی جاندی اے۔

کُلُسِّیوں 4:12

اِپَفراس جیہڑا تُہاڈے وِچوں اے تے مسِیح یِسُوع دا خادم اے تُہانوں سلام آکھدا اے۔ اوہ تُہاڈے لئی دُعا وِچ سدا دَوڑ بھج کر دا رہندا اے۔ تاں جو تُسی خُدا دی پُوری مرضی وِچ کامِل تے پکّے یقِین والے رہو۔

۱-تھِسّلُنِیکوں 4:3

سو خُدا دی مرضی ایہہ اے پئی تُسی پاک بنو تے زنا توں بچے رہو۔

طِطُس 3:5

تے اوس سانُوں چھڈایا۔ پر راستبازی دے کمّاں دے سببّوں نئیں جیہڑے اساں کِیتے پر اپنی رحمت نال نَوِیں پَیدایش تے نہاؤن تے پاک رُوح دے سانُوں نَوِیاں بناؤن دے وسیلے نال۔

یعقُوب 1:27

ساڈے خُدا تے باپ دے اگّے پاک تے بے نُقص دِینداری ایہہ اے پئی دُکھ دے ویلے یتِیماں تے رَنڈِیاں دی خبر لئیے۔ تے اپنے آپ نُوں دُنیا وِچ بے نُقص رکھیے۔

یعقُوب 4:4

زنا کرن والیو! تُسی نئیں جاندِیاں پئی دُنیا دی یاری خُدا دا وَیر اے؟ سو جیہڑا دُنیا دا یار بننا چاہندا اے اوہ اپنے آپ نُوں خُدا دا وَیری بناندا اے۔

۱-پطرس 1:14

تے تابعدار بچّیاں وانگر اپنے آپ نُوں اپنی بیواقوفی دِیاں پرانیاں خواہشاں اُتّے نا ڈولو۔

۱-پطرس 1:18

کیوں جو تُسی جان دے ہو پئی تُہاڈا نکمّا چال چَلّن جیہڑا پئیو دادیاں توں لگا آؤندا سی۔ اوہدے توں تُہاڈی خلاصی ناس ہون والِیاں شیواں یعنی سونے چاندی نال نئیں ہوئی۔

۱-پطرس 2:3

جے تُہانوں خُداوند دے مہربان ہون دا سواد آگیا اے۔

۱-پطرس 4:2

تاں جو تُسی اگّے نُوں باقی عُمر جِسم دِیاں خواہشاں وِچ نئیں سگوں خُدا دی مرضی نال کٹّو۔

۲-پطرس 1:4

تے اوہناں دی راہِیں اوس ساڈے نال قِیمتی تے بتھیرے وڈّے وعدے کِیتے۔ تاں جو اوہناں دی راہِیں تُسی اوس خرابی توں چُھٹ کے جیہڑی دُنیا وِچ بُری خواہش دے سببّوں اے۔ اوہناں دی راہِیں ذاتِ اِلہٰی وِچ سنگی ہو جاؤ۔

۲-پطرس 2:20

تے جد اوہ خُداوند تے نجات دین والے یِسُوع مسِیح دی پہچان دے سببّوں دُنیاوی پلِیتی توں چُھٹ کے فیر اوہدے وِچ پَھسے تے دَبّ گھتّے تے اوہناں دا چھیکڑلا حال پہلاں نالوں بُرا ہویا۔

۱-یُوحنّا 3:13

بھراؤ! جے دُنیا تُہاڈے نال وَیر رکھدی اے۔ تے حَیران نا ہوؤ۔

۱-یُوحنّا 5:19

سانُوں پتا اے پئی اسی خُدا ولّوں آں تے ساری دُنیا اوس شریر دے ہتّھ وِچ پئی ہوئی اے۔

مُکاشفہ 12:9

تے اوہ وَڈا ناگ یعنی اوہو ای پرانا سَپّ جیہڑا ابلیس تے شیطان اکھواؤندا اے تے سارے جہان نُوں بدراہ کر دیندا اے۔ زمین اُتّے ڈیگیا گیا تے اوہدے فرِشتے وی اوہدے نال ڈیگے گئے۔

مُکاشفہ 13:8

تے زمین دے اوہ سارے رہن والے اوہدی پُوجا کرن گے جِنہاں دے ناں اوس لیلے دی حیاتی دی کتاب وِچ لِکھے نئیں سن گئے جیہڑا دُنیا دے مُڈھ توں پہلاں ہلال ہویا ہویا اے۔