رُومِیوں 10:18 - پنجابی نواں عہد نامہ نظرثانی شدہ چھپائی

¹⁸ پر مَیں آکھنا آں کِیہ اوہناں نئیں سُنیا؟ بے شک اوہناں دی اواز ساری دھرتی اُتّے نِکل ٹُری تے اوہناں دا کلام دُنیا دِیاں حداں تِیکر۔

رُومِیوں 10:18 ပူးပေါင်းရင်းမြစ်များ

متّی 24:14

تے بادشاہی دی ایس خُوشخبری دی منادی ساری دُنیا وِچ کِیتی جائے گی۔ تاں جو سارِیاں قوماں نُوں گواہی ہوئے تَد اخِیر ہوئے گا۔

متّی 26:13

مَیں تُہانوں سَچ آکھنا آں پئی سارے جہان وِچ جِتّھے کِتّھے ایس خُوشخبری دی منادی ہوئے گی اوتھے ایہہ وی جو اوس کِیتا اے اوہدی یادگیری لئی آکھیا جائے گا۔

متّی 28:19

ایس کر کے تُسی جاؤ تے سارِیاں قوماں نُوں شاگِرد بناؤ۔ تے باپ تے پُتر تے پاک رُوح دے نال اُتّے اوہناں نُوں بپتِسمہ دیو۔

متّی 4:8

فیر ابلیس اِک بڑے اُچّے پہاڑ اُتّے اوہنوں لے گیا تے دُنیا دِیاں سارِیاں بادشاہیاں تے اوہناں دی شان شوکت اوہنوں وکھائی۔

مرقس 16:15

تے اوس اوہناں نُوں آکھیا۔ تُسی ساری دُنیا وِچ جا کے ساری خلقت دے اگّے اِنجِیل دی منادی کرو۔

مرقس 16:20

تے اوہناں باہر جا کے ہر تھاں منادی کِیتی۔ تے خُداوند اوہناں دے نال ہو کے کمّ کر دا تے کلام نُوں اوہناں مُعجزیاں دے راہِیں جیہڑے نال نال ہوندے سن ثابت کر دا سی۔ آمِین۔

اعمال 1:8

پر جدوں پاک رُوح تُہاڈے اُتّے آوے گا۔ تے تُہانوں طاقت مِلے گی۔ تے یرُوشلِیم تے سارے یہُودیہ تے سامریہ وِچ نالے دھرتی دے اخِیر تِیکر۔ تُسی میرے گواہ ہوؤ گے۔

اعمال 26:20

پر پہلاں دمِشق تے یرُوشلِیم دے رہن والیاں نُوں تے یہُودیہ دے سارے دیس وِچ تے غیر قوماں نُوں وی دسدا رہیا۔ پئی تَوبہ کرو تے خُدا ولّ پھر کے تَوبہ دے لائق کمّ کرو۔

اعمال 28:23

تے جد اوہناں اوہدے لئی اِک دِن مُقرّر کِیتا۔ بتھیرے اوہدے ڈیرے اُتّے اوہدے کول آئے اوہناں نُوں اوس کھول کے سکھالیا تے خُدا دی بادشاہی دی گواہی دِتّی تے سویرے توں لے کے شام تِیکر مُوسیٰ دی توریت تے نبیاں دِیاں کِتاباں وِچوں یِسُوع دی بابت دلِیلاں کڈھ کے دسیاں۔

رُومِیوں 1:8

پہلاں تے مَیں یِسُوع مسِیح دی راہِیں تُہاڈے سبھناں لئی اپنے خُدا دا شُکر کرنا آں۔ پئی تُہاڈے اِیمان دی مشہُوری سارے جہان وِچ ہوندی اے۔

رُومِیوں 15:19

بھانویں نشانِیاں تے کراماتاں دی قُدرت نال بھانویں پاک رُوح دی قُدرت نال۔ ایتھوں تِیکر پئی یرُوشلِیم توں لے کے اِلّرِکُم تِیکر وی مَیں پھیرا مار کے مسِیح دی خُوشخبری دی پُوری منادی کِیتی۔

کُلُسِّیوں 1:23

ایس شرط نال پئی تُسی اِیمان دی نِینّھ اُتّے قیم تے پکّے رہو۔ تے اوس خُوشخبری دی آس نُوں جِہنُوں تُساں سُنیا اے۔ نا چھڈو۔ جِہدی منادی اسمان دے ہیٹھ ساری خلقت وِچ کِیتی گئی۔ تے مَیں پَولُس اوسے دا نوکر بنیاں۔

کُلُسِّیوں 1:6

جیہڑا تُہاڈے کول اَپڑیا اے۔ تے سارے جہان وِچ پَھلدا اے۔ تے وَدھدا جاندا اے۔ تُہاڈے وِچ وی جد توں تُساں خُدا دے فضل نُوں سُنیا تے اوہنوں سَچ کر کے جانیا اے۔ اینج ای کر دا اے۔

۱-تھِسّلُنِیکوں 1:8

کیوں جو تُہاڈے کولوں نا نِرا مَکِدُنیہ تے اَخیہ وِچ خُداوند دے کلام دی پُکار ہوئی سگوں تُہاڈا اِیمان جیہڑا خُدا اُتّے اے ہر تھاں اجیہا دُھم گیا۔ پئی ساڈے آکھن دی کوئی لوڑ نئیں۔