رُومِیوں 10:14 - پنجابی نواں عہد نامہ نظرثانی شدہ چھپائی

¹⁴ فیر جِہدے اُتّے اِیمان نئیں لیائے۔ اوہ اوہدا ناں کِیویں لین گے؟ تے جِہدی بابت اوہناں سُنیا ای نئیں۔ اوہدے اُتّے کِیویں اِیمان لیاؤن؟ تے منادی کرن والے باہجوں کِیویں سُنن۔

رُومِیوں 10:14 ပူးပေါင်းရင်းမြစ်များ

متّی 20:7

اوہ اوہنوں آکھن لگّے۔ ایس لئی پئی سانُوں کِسے دِہاڑی نئیں لایا۔ اوہ اوہناں نُوں آکھن لگّا تُسی وی انگور دے باغ وِچ جاؤ۔

یُوحنّا 20:31

پر ایہہ لِکھیاں گِئیاں نیں تاں جو تُسی اِیمان لیاؤ پئی یِسُوع جو اے اوہو مسِیح خُدا دا پُتر اے۔ تے اِیمان لیا کے اوہدے ناں توں تُہانوں زِندگی مِلے۔

یُوحنّا 9:36

اوس آکھیا اَے خُداوند اوہ کیہڑا اے پئی مَیں اوہدے اُتّے اِیمان لیاواں؟

اعمال 19:2

تے اوس اوہناں نُوں آکھیا۔ جدوں تُساں اِیمان لیاندا۔ تُہانوں پاک رُوح مِلیا؟ اوہناں اوہنوں آکھیا۔ اساں تے اینا سُنیا وی نئیں۔ پئی پاک رُوح وی کُجھ اے۔

اعمال 8:31

اوس آکھیا۔ مَیں کِیویں سمجھاں۔ جِنّاں چِر کوئی مَینُوں راہ نا پائے؟ تے اوس فِلپُّس دی مِنّت کِیتی پئی چڑھ کے میرے نال بَہو۔

رُومِیوں 1:5

جِہدی راہِیں سانُوں فضل تے رسالت مِلی۔ تاں جو اوہدے ناں واسطے سارِیاں قوماں وِچوں لوک اِیمان دے تابعیاں ہون۔

اِفسِیوں 2:17

تے اوس آ کے خُوشخبری دِتّی۔ تُہاڈے لئی جیہڑے دُراڈے سو صُلح تے اوہناں لئی وی جیہڑے نیڑے سن صُلح دی خُوشخبری دِتّی۔

اِفسِیوں 4:21

سگوں تُساں اوس سچیائی دے سببّوں جیہڑی یِسُوع وِچ اے اوسے دی سُنی تے اوسے دی ایہہ تعلِیم سِکھی۔

۲-تِیمُتِھیُس 4:17

پر خُداوند میرا مددگار سی۔ تے مَینُوں ہِمّت دِتّی۔ تاں جو میری راہِیں اِنجِیل دا سنیہا مشہُور ہو جائے تے سارِیاں قوماں سُن لین۔ تے مَیں شیر دے مُنھ وِچوں چھڈایا گیا۔

طِطُس 1:3

پر اپنے ویلے سِر اپنے کلام نُوں اوس سنیہے وِچ اُگھیڑیا۔ جیہڑا ساڈے نجات دین والے خُدا دے حُکم دے سببّوں میرے سپُرد ہویا۔

عِبرانیوں 11:6

تے بِناں اِیمان اوہنوں پسند آؤنا اَنہونی گلّ اے۔ ایس لئی پئی خُدا دے کول آؤن والے نُوں اِیمان رکھنا پَیندا اے۔ پئی خُدا اے تے اپنے لَبّھن والیاں نُوں اَجر دیندا اے۔

یعقُوب 5:15

جیہڑی دُعا اِیمان نال ہوئے گی۔ اوہدے نال بیمار بچ جاوے گا۔ تے خُداوند اوہنوں بچائے گا۔ تے جے اوس گُناہ کِیتے ہون اوہ وی مُعاف ہو جان گے۔