رُومِیوں 10:12 - پنجابی نواں عہد نامہ نظرثانی شدہ چھپائی

¹² کیوں جو یہُودی تے یُونانی وِچ کُجھ فرق نئیں اے۔ ایس لئی پئی سبھناں دا اوہی خُدا اے۔ جیہڑا اپنے سوالِیاں دے لئی دَھنّی اے

رُومِیوں 10:12 ပူးပေါင်းရင်းမြစ်များ

اعمال 7:59

تے ایہہ تاں ستِفنُس نُوں روڑے مار دے رہے تے اوہ ایہہ آکھ کے دُعا پیا منگدا سی۔ پئی اَے خُداوند یِسُوع میری رُوح نُوں قبول کر۔

اعمال 9:14

تے ایتھے وی سردار کاہِناں ولّوں اوہنوں اختیار مِلیا اے۔ پئی تیرا ناں لین والیاں سبھناں نُوں بَنّھ لَوے۔

رُومِیوں 14:9

کیوں جو ایسے واسطے مسِیح مویا تے جِیو پیا۔ پئی مُردیاں تے جِیوندیاں دا وی خُداوند ہوئے۔

رُومِیوں 15:12

تے فیر یسعیاہ ایہہ آکھدا اے۔ یسّی دی جڑ ظاہر ہوئے گی۔ تے جیہڑا غیر قوماں اُتّے حکُومت کرن نُوں اُٹھدا اے۔ اوہدے اُتّے غیر قوماں آس رکھن گِیاں۔

رُومِیوں 2:4

یا تُوں اوہدی مِہربانی تے تحمّل تے صبر دی دَولت نُوں ماڑا جاننا ایں۔ تے نئیں سمجھدا پئی خُدا دی مِہربانی تینُوں تَوبہ دے راہ پاندی اے؟

رُومِیوں 3:22

یعنی خُدا دی اوہ راستبازی جیہڑی یِسُوع مسِیح اُتّے اِیمان لیاؤن نال ساریاں اِیمانداراں نُوں مِلدی اے کیوں جو کُجھ فرق نئیں۔

۱-کُرِنتھِیوں 1:2

خُدا دی اوس کلِیسیا نُوں جیہڑی کُرِنتِھس وِچ اے۔ یعنی اوہناں نُوں جیہڑے مسِیح یِسُوع دی راہِیں پاک کِیتے گئے تے پاک لوک ہون دے لئی سَدّے گئے نیں تے اوہناں ساریاں نُوں وی جیہڑے سبھنیں تھائِیں ساڈے تے اپنے خُداوند یِسُوع مسِیح دا ناں لَیندے نیں۔

۱-کُرِنتھِیوں 15:47

پہلا بندہ زمین وِچوں یعنی خاکی سی دُوجا بندہ اسمانی اے۔

۲-کُرِنتھِیوں 8:9

کیوں جو تُسی ساڈے خُداوند یِسُوع مسِیح دے فضل نُوں جان دے اوہ۔ پئی اوہ بھانویں دَولتمند سی پر تُہاڈی خاطر غرِیب بن گیا۔ تاں جو تُسی اوہدی غرِیبی دے سبّب دَولت مند بن جاؤ۔

گلتِیوں 3:28

نا کوئی یہُودی رہیا نا یُونانی۔ نا کوئی غلام نا اَزاد نا کوئی جَنا نا زنانی۔ کیوں جو تُسی سارے مسِیح یِسُوع وِچ اِک ہو۔

اِفسِیوں 1:7

اسی اوہدے وِچ اوہدے خُون دی راہِیں رہائی یعنی قصوراں دی مُعافی پانے آں۔ اوہدے اوس فضل دی دَولت دے سببّوں۔

اِفسِیوں 2:4

پر خُدا اپنے رَحم دی دَولت نال اوس وڈّی مُحبّت دے سببّوں جیہڑی اوس ساڈے نال کِیتی۔

اِفسِیوں 2:7

ایس کر کے پئی اوہ آؤن والیاں زمانیاں وِچ اپنے فضل دی باہلی دَولت وکھائے جیہڑا مسِیح یِسُوع وِچ ساڈے اُتّے مِہربانی نال ہویا سی۔

اِفسِیوں 3:16

پئی اوہ اپنے جلال دی دَولت دے سببّوں تُہانوں ایہہ بخشے پئی تُسی اوہدی رُوح توں اپنی اندرلی اِنسانِیّت وِچ چوکھے تگڑے ہو جاؤ۔

اِفسِیوں 3:6

یعنی ایہہ پئی مسِیح یِسُوع وِچ غیر قوم والے خُوشخبری دی راہِیں وِرثے وِچ سانجھے تے بدن وِچ شامل تے وعدے وِچ داخل نیں۔

اِفسِیوں 3:8

میرے اُتّے جیہڑا ساریاں پاک لوکاں وِچ حِقیر توں حِقیر ساں ایہہ فضل ہویا۔ پئی مَیں غیر قوماں نُوں مسِیح دی بے انت دَولت دی خُوشخبری دیاں۔

فِلِپّیوں 2:11

تے خُدا باپ دے جلال دے لئی ہر اِک زبان مَن لَئے پئی یِسُوع مسِیح خُداوند اے۔

فِلِپّیوں 4:19

میرا خُدا اپنی دَولت دے سببّوں مسِیح یِسُوع وِچ تُہاڈی ہر اِک تُھڑ اپنے جلال نال پُوری کرے گا۔

کُلُسِّیوں 1:27

جِنہاں اُتّے خُدا ظاہر کرنا چاہندا سی۔ پئی غیر قوماں وِچ اوس بھیت دے جلال دی دَولت کیہو جیہی اے۔ تے اوہ ایہہ اے۔ پئی مسِیح جیہڑا جلال دی آس اے۔ تُہاڈے وِچ رہندا اے۔

کُلُسِّیوں 3:11

اوتھے نا یُونانی رہیا نا یہُودی نا سُنتی بَیٹھے ہوئے نا بَیٹھے ہوئے نا وحشی نا سکُوتی نا غلام نا اَزاد نِرا مسِیح سبھ کُجھ تے ساریاں وِچ اے۔

۱-تِیمُتِھیُس 2:5

کیوں جو خُدا اِکّو ای اے تے خُدا تے بندیاں وِچ وچولا وی اِکّو ای اے۔ یعنی یِسُوع مسِیح جیہڑا اِنسان اے۔

مُکاشفہ 17:14

اوہ لیلے نال لڑن گے تے لیلا اوہناں نُوں جِت لے گا۔ کیوں جو اوہ خُداونداں دا خُداوند تے بادشاہاں دا بادشاہ اے۔ تے جیہڑے سَدّے ہوئے تے چُنے ہوئے تے وفادار اوہدے نال نیں اوہ وی جتن گے۔

مُکاشفہ 19:16

تے اوہدیاں کپڑیاں تے پٹّ اُتّے ایہہ ناں لِکھیا ہویا اے۔ بادشاہاں دا بادشاہ تے خُداونداں دا خُداوند۔