رُومِیوں 1:9 - پنجابی نواں عہد نامہ نظرثانی شدہ چھپائی

⁹ تے خُدا جِہدی بندگی مَیں اپنی رُوح نال اوہدے پُتر دی خُوشخبری سُنان وِچ کرنا آں۔ میرا گواہ اے پئی کِس طرح ہرویلے تُہانوں یاد رکھنا آں۔

رُومِیوں 1:9 ပူးပေါင်းရင်းမြစ်များ

مرقس 1:1

خُدا دے پُتر یِسُوع مسِیح دی اِنجِیل دا مُڈھ۔

لُوقا 18:1

فیر اوس اوہناں نُوں ایس مطلب لئی اِک تمثِیل سُنائی۔ پئی سدا دُعا وِچ لگّے رہن۔ ڈِھلّے نا ہون۔

اعمال 12:5

سو قید وِچ پطرس دی خبرداری ہوندی رہی۔ پر کلِیسیا دِل لا کے اوہدے لئی خُدا کولوں دُعا منگدی سی۔

اعمال 19:21

جدوں ایہہ گلّاں ہو گِئیاں۔ تَد پَولُس دِل وِچ فیصلہ کِیتا۔ پئی مَکِدُنیہ تے اَخیہ دے وِچوں ہو کے یرُوشلِیم نُوں جاوے۔ تے آکھیا پئی اوتھے جان دے مگروں مَینُوں رُومہ وی ویکھنا پَوے گا۔

اعمال 24:14

پر ایہہ مَیں تیرے اگّے مَن لینا آں۔ پئی جِس راہ نُوں اوہ بِدعت آکھدے نیں۔ مَیں اوسے دے مطابق اپنے پئیو دادیاں دے خُدا دی سیوا کرنا آں۔ تے جو کُجھ توریت تے نبیاں دِیاں کِتاباں وِچ لِکھیا ہویا اے۔ اوس سارے اُتّے میرا اِیمان اے۔

اعمال 27:23

کیوں جو خُدا جِہدا مَیں آں تے جِہدی عبادت وی کرنا آں۔ اوہدا فرِشتہ اَج راتِیں میرے کول آیا۔

اعمال 3:26

تُہاڈے ای کول سبھ توں پہلاں خُدا اپنے خادم نُوں اُٹھال کے ایس لئی گھلّیا پئی تُہاڈے وِچوں ہر اِک نُوں اوہدیاں بُرائیاں توں پھیر کے برکت دیوے۔

رُومِیوں 9:1

مسِیح وِچ ہو کے مَیں سَچ آکھنا آں۔ جُھوٹھ نئیں آکھدا میرا دِل پاک رُوح وِچ میرے نال ایہو گواہی دیندا اے۔

۲-کُرِنتھِیوں 1:23

مَیں خُدا نُوں گواہ کرناں آں پئی مَیں اجے تِیکر کُرِنتِھس وِچ ایس کر کے نئیں آیا۔ کیوں جو مَینُوں تُہاڈے اُتّے ترس آؤندا سی۔

۲-کُرِنتھِیوں 11:31

خُداوند یِسُوع دا خُدا تے باپ جِہدی سدا تِیکر حمد ہوئے۔ جان دا اے۔ پئی مَیں جُھوٹھ نئیں آکھدا۔

گلتِیوں 1:20

جیہڑیاں گلّاں مَیں تُہانوں لِکھناں آں ویکھو خُدا نُوں گواہ کر کے آکھنا آں۔ پئی اوہ جُھوٹھیاں نئیں۔

اِفسِیوں 6:18

تے ہر ویلے تے سبھنیں گلِّیں رُوح وِچ دُعا تے مِنّت کر دے رہو۔ تے ایسے مطلب واسطے جاگدے رہو پئی تُسی سارے پاک لوکاں لئی دُعا منگدے رہو۔

فِلِپّیوں 1:3

مَیں جدوں تُہانوں یاد کرنا آں تَد ہرویلے اپنے خُدا دا شُکر کرنا آں۔

فِلِپّیوں 1:4

تے ہر اِک دُعا وِچ جیہڑی تُہاڈے لئی منگنا آں سدا خُوشی نال تُہاڈے لئی مِنّت کرنا آں۔

فِلِپّیوں 2:22

پر تُسی اوہدی پکیائی نُوں جان دے ہو۔ پئی جیویں پُتر پئیو دی سیوا کر دا اے اونویں ای اوس میرے نال خُوشخبری سُنان وِچ خِدمت کِیتی۔

فِلِپّیوں 3:3

کیوں جو سُنت والے تے اسی آں۔ جیہڑے خُدا دے رُوح دی ہدایت نال عبادت کرنے آں۔ تے مسِیح یِسُوع اُتّے فخر کرنے آں۔ تے جِسم دا بھروسا نئیں کر دے۔

۱-تھِسّلُنِیکوں 1:2

تُہاڈے سبھناں ولّوں اسی خُدا دا شُکر کرنے آں۔ تے اپنیاں دُعاواں وِچ سدا تُہانوں یاد کرنے آں۔

۱-تھِسّلُنِیکوں 3:10

اسی دِنے راتِیں بُہت وَدّھ کے دُعا منگنے آں۔ پئی تُہاڈی صُورت ویکھئے۔ تے تُہاڈے اِیمان دے گھاٹے نُوں پُوریاں کرئیے۔

۱-تھِسّلُنِیکوں 5:17

ہر ویلے دُعا منگو۔

۱-تِیمُتِھیُس 2:7

مَیں سَچ آکھناں آں تے جُھوٹھ نئیں آکھدا۔ پئی مَیں ایسے مطلب نال منادی کرن والا تے رسُول تے غیر قوماں نُوں اِیمان تے سچیائی دِیاں گلّاں سکھان والا لگّا آں۔

۲-تِیمُتِھیُس 1:3

جیہڑے خُدا دی بندگی وِچ صاف دِل نال پئیو دادیاں دے طریقے اُتّے کرنا واں اوہدا شُکر کرنا آں۔ پئی اپنیاں دُعاواں وِچ ہرویلے تینُوں یاد کرنا آں۔

فلِیمون 1:4

مَیں تیرے پیار دا تے اوس اِیمان دا حال سُن کے جیہڑا خُداوند یِسُوع تے ساریاں پاک لوکاں نال اے۔