رُومِیوں 1:8 - پنجابی نواں عہد نامہ نظرثانی شدہ چھپائی

⁸ پہلاں تے مَیں یِسُوع مسِیح دی راہِیں تُہاڈے سبھناں لئی اپنے خُدا دا شُکر کرنا آں۔ پئی تُہاڈے اِیمان دی مشہُوری سارے جہان وِچ ہوندی اے۔

رُومِیوں 1:8 ပူးပေါင်းရင်းမြစ်များ

متّی 24:14

تے بادشاہی دی ایس خُوشخبری دی منادی ساری دُنیا وِچ کِیتی جائے گی۔ تاں جو سارِیاں قوماں نُوں گواہی ہوئے تَد اخِیر ہوئے گا۔

لُوقا 2:1

تے اوہناں دِناں وِچ ایویں ہویا پئی قَیصر اَوگُوستُس ولّوں حُکم جاری ہویا پئی ساری دُنیا دے لوکاں دے ناں لِکھے جان۔

اعمال 11:28

اوہناں وِچوں اِک اَگَبُس کر کے اُٹھیا۔ تے رُوح دی راہِیں خبر دِتّی۔ پئی ساری دُنیا وِچ بڑا کال پَین والا اے۔ تے کلَودِیُس دے سَمے وِچ ایہہ کال پَے گیا۔

اعمال 28:22

پر اسی چاہنے آں پئی تیرے کولوں سُنیے۔ پئی تیرے کِیہ خیال نیں۔ کیوں جو ایس فِرقے دی بابت اسی جاننے آں۔ پئی سبھنیں تھائِیں اوہنوں بُرا آکھدے نیں۔

رُومِیوں 10:18

پر مَیں آکھنا آں کِیہ اوہناں نئیں سُنیا؟ بے شک اوہناں دی اواز ساری دھرتی اُتّے نِکل ٹُری تے اوہناں دا کلام دُنیا دِیاں حداں تِیکر۔

رُومِیوں 16:19

کیوں جو تُہاڈی تابعداری ساریاں وِچ مشہُور ہوئی اے ایس کر کے مَیں تُہاڈے اُتّے خُوش آں پر مَیں چاہناں آں پئی تُسی بھلیائی وِچ سِیانے تے بُریائی وِچ نِیانے رہو۔

رُومِیوں 6:17

پر شُکر خُدا دا پئی بھانویں تُسی گُناہ دے غلام سو۔ تُسی اوس تعلِیم دے جِہدے سَچّے وِچ ڈھالے گئے سو۔ دِلوں تابعدار بنے۔

۱-کُرِنتھِیوں 1:4

مَیں تُہاڈے لئی خُدا دے اوس فضل دے سببّوں جیہڑا مسِیح یِسُوع دی راہِیں تُہاڈے اُتّے ہویا۔ سدا اپنے خُدا دا شُکر کرنا آں۔

۲-کُرِنتھِیوں 2:14

پر خُدا دا شُکر اے۔ جیہڑا مسِیح وِچ سانُوں سدا قیدِیاں وانگُوں گشت کراندا اے۔ تے اپنے عِلم دی خُوشبوئی ساڈی راہِیں ہر تھاں پَھیلاؤندا اے۔

اِفسِیوں 1:15

ایس واسطے مَیں وی تُہاڈے اوس اِیمان دا جیہڑا خُداوند یِسُوع اُتّے اے تے اوس مُحبّت دا جیہڑی ساریاں پاک لوکاں نال اے حال سُن کے۔

اِفسِیوں 1:16

تُہاڈے واسطے ہر ویلے شُکر کر دا رہنا آں تے اپنیاں دُعاواں وِچ تُہاڈا ذِکر کرنا ہُناں آں۔

اِفسِیوں 3:21

کلِیسیا وِچ تے مسِیح یِسُوع وِچ سارِیاں پِیہڑیاں تِیکر تے سدا تِیکر اوسے دا جلال ہوندا رہے۔ آمِین۔

اِفسِیوں 5:20

تے سارِیاں گلّاں واسطے ساڈے خُداوند یِسُوع مسِیح دے ناں اُتّے سدا خُدا باپ دا شُکر کر دے رہو۔

فِلِپّیوں 1:11

تے راستبازی دے پَھل نال جیہڑا مسِیح یِسُوع دے سببّوں اے بھرے رہو۔ تاں جو خُدا دا جلال تے وڈیائی ہوئے۔

فِلِپّیوں 1:3

مَیں جدوں تُہانوں یاد کرنا آں تَد ہرویلے اپنے خُدا دا شُکر کرنا آں۔

کُلُسِّیوں 1:3

اسی تُہاڈے لئی سدا دُعا کر کے اپنے خُداوند یِسُوع مسِیح دے باپ یعنی خُدا دا شُکر کرنے آں۔

۱-تھِسّلُنِیکوں 1:2

تُہاڈے سبھناں ولّوں اسی خُدا دا شُکر کرنے آں۔ تے اپنیاں دُعاواں وِچ سدا تُہانوں یاد کرنے آں۔

۱-تھِسّلُنِیکوں 2:13

ایس لئی اسی وی ہر ویلے خُدا دا شُکر کرنے آں پئی جدوں تُساں خُدا دے سنیہے دا کلام ساڈی راہِیں سُنیاں تدوں تُساں اوہنوں بندیاں دا کلام سمجھ کے نئیں پر (جو اوہ سَچ مُچ ہے وی۔) خُدا دا کلام جان کے قبول کِیتا تے اوہ تُہاڈے اِیمان لیاؤن والیاں وِچ کمّ وی پیا کر دا اے۔

۲-تھِسّلُنِیکوں 1:3

بھراؤ! تُہاڈے ولّوں ہر ویلے خُدا دا شُکر کرنا ساڈے اُتّے فرض اے تے چاہیدا وی اے۔ کیوں جو تُہاڈا اِیمان بُہت وَدھدا جاندا اے۔ تے تُہاڈی ساریاں دی مُحبّت آپو وِچ بُہت وَدّھدِی جاندی اے۔

۲-تِیمُتِھیُس 1:3

جیہڑے خُدا دی بندگی وِچ صاف دِل نال پئیو دادیاں دے طریقے اُتّے کرنا واں اوہدا شُکر کرنا آں۔ پئی اپنیاں دُعاواں وِچ ہرویلے تینُوں یاد کرنا آں۔

فلِیمون 1:4

مَیں تیرے پیار دا تے اوس اِیمان دا حال سُن کے جیہڑا خُداوند یِسُوع تے ساریاں پاک لوکاں نال اے۔

عِبرانیوں 13:15

سو اسی اوہدی راہِیں شُکر دی قُربانی یعنی اجیہے ہونٹھاں دا پَھل جیہڑے اوہدے ناں دا اِقرار کر دے نیں خُدا دے لئی ہر ویلے چاہڑیا کریئے۔

۱-پطرس 2:5

تُسی وی جِیوندے پتّھراں وانگر رُوحانی گھر بندے جاندے ہو۔ تاں جو کاہِناں دا پاک فِرقہ بن کے اجیہاں رُوحانی قُربانِیاں چاہڑو۔ جیہڑیاں یِسُوع مسِیح دی راہِیں چَنگیاں لگدِیاں نیں

۱-پطرس 4:11

جے کوئی کُجھ آکھے تے اجیہا آکھے جیویں خُدا دا کلام اے۔ جے کوئی سیوا کرے تے اونہی طاقت نال کرے۔ جِنّی خُدا دیندا اے۔ تاں جو سارِیاں گلّاں وِچ یِسُوع مسِیح دی راہِیں خُدا دا جلال ظاہر ہوئے۔ جلال تے سلطنت ہمیشہ تِیکر اوہدی ای اے۔ آمِین۔