رُومِیوں 1:7 - پنجابی نواں عہد نامہ نظرثانی شدہ چھپائی

⁷ اوہناں ساریاں دے ناں جیہڑے رُومہ وِچ خُدا دے پیارے پاک ہون لئی سَدّے گئے نیں۔ ساڈے باپ خُدا تے خُداوند یِسُوع مسِیح ولّوں تُہانوں فضل تے سلامتی مِلدی رئے۔

رُومِیوں 1:7 ပူးပေါင်းရင်းမြစ်များ

متّی 5:16

ایسے طرح تُہاڈا چانن بندیاں دے سامھنے چمکے۔ تاں جو اوہ تُہاڈے بھلے کمّاں نُوں ویکھن تے تُہاڈے باپ دی جیہڑا اسمان وِچ اے وڈیائی کرن۔

یُوحنّا 20:17

یِسُوع اوہنوں آکھیا مَینُوں نا چُھو کیوں جو اجے مَیں باپ کول اُتانہہ نئیں گیا آں۔ پر میرے بھراواں دے کول جا۔ تے اوہناں نُوں آکھ پئی مَیں اپنے باپ تے تُہاڈے باپ کول تے اپنے خُدا تے تُہاڈے خُدا کول اُتانہہ جانا آں۔

اعمال 15:23

تے اوہناں دے ہتّھ ایہہ لِکھ گھلّیا۔ پئی اوہناں بھراواں نُوں۔ جیہڑے انطاکیہ تے سُوریہ تے کِلِکیہ وِچ رہندے نیں تے غیر قوماں وِچوں نیں۔ رسُولاں تے بزُرگ بھراواں دا سلام۔

اعمال 9:13

حننیاہ جواب دِتّا پئی اے خُداوند مَیں بتھیریاں لوکاں کولوں ایس بندے دے بارے سُنیا اے پئی اوس یرُوشلِیم وِچ تیرے پاک لوکاں نال کِنیاں خرابیاں کِیتیاں۔

رُومِیوں 1:6

اوہناں قوماں وِچوں تُسی وی یِسُوع مسِیح دے ہون لئی سَدّے گئے ہو۔

رُومِیوں 5:1

سو جد اسی اِیمان توں راستباز ٹھہرائے گئے تے اسی اپنے خُداوند یِسُوع مسِیح دی راہِیں خُدا نال صُلح رکھیے۔

رُومِیوں 5:5

تے آس شرمندہ ایس لئی نئیں کر دی۔ پئی خُدا دی مُحبّت پاک رُوح دی راہِیں جیہڑا سانُوں دِتّا گیا ساڈے دِلاں وِچ پائی ہوئی اے۔

رُومِیوں 8:28

تے اسی جاننے آں پئی سارِیاں شیواں اوہناں لئی جیہڑے خُدا نال مُحبّت رکھدے نیں رَل کے فائدہ پَیدا کر دیاں نیں ایہہ اوہ نیں جیہڑے خُدا دے اِرادے دے سببّوں سَدّے گئے نیں۔

رُومِیوں 8:39

نا اُچیائی نا ڈونگھیائی تے نا کوئی ہور مخلُوق سانُوں خُدا دی اوس مُحبّت توں جیہڑی یِسُوع مسِیح ساڈے خُداوند وِچ اے وَکھ کر سکے گی۔

رُومِیوں 9:25

جیویں ہوسیع وِچ وی آکھدا اے۔ پئی جیہڑی میری قوم نئیں سی۔ اوہنوں مَیں اپنی قوم آکھاں گا۔ تے جیہڑی پیاری نئیں سی اوہنوں پیاری آکھاں گا۔

۱-کُرِنتھِیوں 1:24

پر جیہڑے سَدّے ہوئے نیں یہُودی ہون بھانویں یُونانی۔ اوہناں بھانے مسِیح خُدا دی قُدرت تے خُدا دی حِکمت اے۔

۱-کُرِنتھِیوں 16:23

خُداوند یِسُوع مسِیح دا فصل تُہاڈے اُتّے ہوندا رہے۔

۲-کُرِنتھِیوں 13:14

خُداوند یِسُوع مسِیح دا فضل تے خُدا دی مُحبّت تے پاک رُوح دی سنگت تُہاڈے سبھناں نال ہوندی رہے۔

گلتِیوں 6:18

بھراؤ! ساڈے خُداوند یِسُوع مسِیح دا فضل تُہاڈی رُوح دے نال رہے۔ آمِین۔

اِفسِیوں 1:2

ساڈے باپ خُدا تے خُداوند یِسُوع مسِیح ولّوں تُہانوں فضل تے تسلّی مِلدی رہے۔

اِفسِیوں 6:23

خُدا باپ تے خُداوند یِسُوع مسِیح ولّوں بھراواں نُوں تسلّی مِلے۔ تے اوہناں وِچ اِیمان دے نال مُحبّت ہوئے۔

فِلِپّیوں 1:2

ساڈے باپ خُدا تے خُداوند یِسُوع مسِیح ولّوں تُہانوں فضل تے تسلّی مِلدی رہے۔

فِلِپّیوں 4:13

جیہڑا مَینُوں طاقت دیندا اے اوہدے سببّوں مَیں سبھ کُجھ کر سکنا آں۔

فِلِپّیوں 4:20

ساڈے خُدا تے باپ دی وڈیائی سدا تِیکر ہوندی رہے۔ آمِین۔

فِلِپّیوں 4:23

خُداوند یِسُوع مسِیح دا فضل تُہاڈی رُوح دے نال رہے۔

کُلُسِّیوں 1:2

اوہناں پاک لوکاں یعنی مسِیح وِچ اِیماندار بھراواں دے نال جیہڑے کُلُسِّے وِچ نیں۔ ساڈے باپ خُدا ولّوں تُہانوں فضل تے تسلّی مِلدی رہے۔

کُلُسِّیوں 3:12

سو خُدا دے چُنیاں ہویاں وانگر۔ جیہڑے پاک تے پیارے نیں۔ رَحم دِلی تے مِہربانی تے عاجزی تے حلِیمی تے برداشت دا لباس پاؤ۔

کُلُسِّیوں 3:15

تے مسِیح دی تسلّی جِہدے لئی تُسی اِک تَن ہو کے سَدّے گئے سو۔ تُہاڈے دِلاں وِچ حکُومت کرے تے نالے تُسی شُکر کرو۔

۱-تھِسّلُنِیکوں 1:1

پَولُس تے سِلوانُس تے تِیمُتِھیُس ولّوں تھِسّلُنِیکیاں دی کلِیسیا دے ناں جیہڑی خُدا باپ تے خُداوند یِسُوع مسِیح وِچ اے فضل تے تسلّی تُہانوں مِلدی رہے۔

۱-تھِسّلُنِیکوں 1:3

تے اپنے خُدا تے باپ اگّے تُہاڈے اِیمان دے کمّ تے مُحبّت دی محنت تے اوس آس دے صبر نُوں جیہڑا ساڈے خُداوند یِسُوع مسِیح دے اُتّے اے۔ ہر ویلے یاد کرنے آں۔

۱-تھِسّلُنِیکوں 1:4

بھراؤ! خُدا دے پیاریو! اسی جاننے آں۔ پئی تُسی چُنے ہوئے اوہ۔

۱-تھِسّلُنِیکوں 4:7

ایس لئی پئی خُدا سانُوں پلِیتی دے واسطے نئیں پر پاکیزگی دے واسطے سدّیا اے۔

۱-تھِسّلُنِیکوں 5:28

ساڈے خُداوند یِسُوع مسِیح دا فضل تُہاڈے اُتّے رہے۔ آمِین۔

۲-تھِسّلُنِیکوں 1:2

تُہانوں خُدا باپ تے خُداوند یِسُوع مسِیح ولّوں کرم تے تسلّی مِلدی رہے۔

۲-تھِسّلُنِیکوں 3:16

ہُن تسلّی دا خُداوند آپے تُہانوں ہمیشہ تے ہر طرح نال تسلّی بخشے۔ خُداوند تُہاڈے سبھناں نال رہے۔

۲-تھِسّلُنِیکوں 3:18

ساڈے خُداوند یِسُوع مسِیح دا فضل تُہاڈے سبھناں اُتّے ہوئے۔

۱-تِیمُتِھیُس 1:2

تِیمُتِھیُس دے ناں جیہڑا اِیمان وِچ میرا سَچّا پُتر اے خُدا باپ تے ساڈے خُداوند مسِیح یِسُوع ولّوں فضل رَحم تے تسلّی ہوئے۔

۱-تِیمُتِھیُس 6:2

تے جِنہاں دے مالک اِیمان والے نیں اوہ اوہناں نُوں بھرا ہون دے سببّوں حِقیر نا جانن سگوں ایس لئی وَدّھ کے اوہناں دی سیوا کرن۔ پئی فائدہ لین والے اِیماندار تے پیارے نیں۔ تُوں ایہناں گلّاں دی تعلِیم تے نصِیحت دے۔

۲-تِیمُتِھیُس 1:2

پیارے پُتر تِیمُتِھیُس دے ناں۔ خُدا باپ تے ساڈے خُداوند مسِیح یِسُوع ولّوں فضل تے رَحم تے تسلّی ہوئے۔

۲-تِیمُتِھیُس 4:22

خُداوند تیری رُوح دے نال رہے۔ تُہاڈے اُتّے فضل ہوندا رہے۔

طِطُس 1:4

طِطُس دے ناں جیہڑا اِیمان دی سانجھ وِچ میرا سَچّا پُتر اے۔ خُدا باپ تے ساڈے نجات دین والے مسِیح یِسُوع ولّوں فضل تے تسلّی ہوئے۔

فلِیمون 1:25

ساڈے خُداوند یِسُوع مسِیح دا فضل تُہاڈی رُوح اُتّے ہوندا رہے۔ آمِین۔

فلِیمون 1:3

فضل تے تسلّی ساڈے باپ خُدا تے خُداوند یِسُوع مسِیح ولّوں تُہانوں مِلدی رہے۔

یعقُوب 1:1

خُدا دے تے خُداوند یِسُوع مسِیح دے غلام یعقُوب ولّوں اوہناں باراں قبیلیاں نُوں جیہڑے تھائِیں تھائِیں رہندے نیں سلام۔

۱-پطرس 1:15

سگوں جیویں تُہاڈا سَدّن والا پاک اے اوسے طرح تُسی وی اپنے چال چَلّن وِچ پاک بنو۔

۱-یُوحنّا 3:1

ویکھو باپ ساڈے نال کیڈی مُحبّت کِیتی اے۔ پئی اسی خُدا دے پُتر اکھوایئے تے اسی ہاں وی۔ دُنیا سانُوں ایس لئی نئیں جاندی پئی اساں اوہنوں نئیں جانیا۔

۲یُوحنّا 1:3

خُدا باپ تے باپ دے پُتر یِسُوع مسِیح ولّوں سچیائی تے مُحبّت وِچ فضل تے رَحم تے تسلّی ساڈے نال رہوے گی۔

مُکاشفہ 2:1

اِفِسُس دی کلِیسیا دے فرِشتے نُوں ایہہ لِکھ۔ پئی جِس اپنے سَجّے ہتّھ وِچ سَتّ تارے لَئے ہوئے نیں تے سونے دِیاں ستّاں دِیویاں وِچ پِھردا اے۔ اوہ ایہہ آکھدا اے پئی۔

مُکاشفہ 2:12

تے پرگُمن دی کلِیسیا دے فرِشتے نُوں ایہہ لِکھ پئی جِہدے کول دو مُونہی تِکھی تلوار اے اوہ ایہہ آکھدا اے پئی۔

مُکاشفہ 2:18

تے تھواتِیرہ دی کلِیسیا دے فرِشتے نُوں ایہہ لِکھ پئی۔ خُدا دا پُتر جِہدِیاں اَکھّیاں اَگ دی لاٹ وانگر تے پَیر خالص پِتّل وانگر نیں ایہہ آکھدا اے پئی۔

مُکاشفہ 2:29

جِہدے کنّ ہَین اوہ سُنے پئی رُوح کلِیسیاواں نُوں کِیہ آکھدا اے۔

مُکاشفہ 2:8

تے سمُرنہ دی کلِیسیا دے فرِشتے نُوں ایہہ لِکھ پئی جیہڑا شُروع تے اخِیر اے تے جیہڑا مر گیا سی تے جِیوپیا۔ اوہ ایہہ آکھدا اے۔

مُکاشفہ 22:21

خُداوند یِسُوع دا فضل پاک لوکاں دے نال رہے۔ آمِین۔

مُکاشفہ 3:14

تے لَودِیکیہ دی کلِیسیا دے فرِشتے نُوں ایہہ لِکھ پئی جیہڑا آمِین تے سَچّا تے برحق گواہ تے خُدا دی خلقت دا مُڈھ اے اوہ ایہہ آکھدا اے پئی۔

مُکاشفہ 3:22

جِہدے کنّ ہَین سُنے پئی رُوح کلِیسیاواں نُوں کِیہ آکھدا اے۔

مُکاشفہ 3:7

تے فِلَدِلفیہ دی کلِیسیا دے فرِشتے نُوں ایہہ لِکھ پئی۔ جیہڑا قُدُّوس تے سَچّا اے تے داؤد دی کُنجی اوہدے کول اے جِہدے کھولے ہوئے نُوں کوئی بند نئیں کر دا تے بند کِیتے ہوئے نُوں کوئی کھولدا نئیں۔ اوہ ایہہ آکھدا اے۔