رُومِیوں 1:6 - پنجابی نواں عہد نامہ نظرثانی شدہ چھپائی

⁶ اوہناں قوماں وِچوں تُسی وی یِسُوع مسِیح دے ہون لئی سَدّے گئے ہو۔

رُومِیوں 1:6 ပူးပေါင်းရင်းမြစ်များ

رُومِیوں 9:24

یعنی سانُوں جِنہاں نُوں اوس نِرا یہُودِیاں وِچوں ای نئیں سگوں غیر قوماں وِچوں وی سدّیا۔

۱-کُرِنتھِیوں 1:9

خُدا سَچّا اے۔ جِس تُہانوں اپنے پُتر ساڈے خُداوند یِسُوع مسِیح دی سنگت لئی سدّیا اے۔

گلتِیوں 1:6

مَینُوں اچرج جاپدا اے پئی تُسی ایڈی چھیتی اوہدے ولّوں پھر کے جِس تُہانوں مسِیح دے فضل نال سدّیا کِسے ہور خُوشخبری ولّ دھیان کر دے ہو۔

اِفسِیوں 1:11

اوسے وِچ اسی وی اوسے اِرادے دے سببّوں جیہڑا اپنی مرضی دی صلاح نال سبھ کُجھ کر دا اے۔ مُڈھوں ای مُقرّر ہو کے وِرثہ بنے۔

کُلُسِّیوں 1:21

تے اوس ہُن اپنے جِسمانی بدن دے سببّوں مَوت دی راہِیں تُہاڈا وی میل کرایا۔

کُلُسِّیوں 1:6

جیہڑا تُہاڈے کول اَپڑیا اے۔ تے سارے جہان وِچ پَھلدا اے۔ تے وَدھدا جاندا اے۔ تُہاڈے وِچ وی جد توں تُساں خُدا دے فضل نُوں سُنیا تے اوہنوں سَچ کر کے جانیا اے۔ اینج ای کر دا اے۔

۱-تھِسّلُنِیکوں 2:12

تاں جو تُہاڈا چال چَلّن اوس خُدا دے وانگُوں ہوئے جیہڑا تُہانوں اپنی بادشاہی تے جلال وِچ سدّدا اے۔

۲-تھِسّلُنِیکوں 2:14

جِہدے لئی اوس تُہانوں ساڈی اِنجِیل دی راہِیں سدّیا تاں جو تُسی ساڈے خُداوند یِسُوع مسِیح دا جلال حاصِل کرو۔

۲-تِیمُتِھیُس 1:9

جِس سانُوں نجات دِتّی تے پاک بُلاوے نال بُلایا۔ ساڈے کمّاں دے سببّوں نئیں۔ سگوں اپنے خاص اِرادے تے اوس فضل دے سببّوں جیہڑا مسِیح یِسُوع وِچ ساڈے اُتّے مُڈھوں ای ہویا۔

عِبرانیوں 3:1

سو پاک بھراؤ! تُسی جیہڑے اسمانی بُلاوے وِچ شریک ہو۔ اوس رسُول تے سردار کاہِن یِسُوع اُتّے دھیان کرو۔ جِہنُوں اسی مَنّنے آں۔

۱-پطرس 2:21

تے تُسی ایسے لئی سَدّے گئے سو۔ کیوں جو مسِیح وی تُہاڈے لئی دُکھ پا کے تُہانوں اِک نمونہ دے گیا تاں جو اوہدے کُھرے اُتّے ٹُرو۔

۱-پطرس 2:9

پر تُسی اِک چُنی ہوئی نسل تے بادشاہی کاہِناں دا فِرقہ پاک قوم تے اجیہی اُمّت ہو جیہڑی خُدا دی خاص ملکیّت اے۔ تاں جو اوہدیاں خُوبِیاں ظاہر کرو۔ جِس تُہانوں ہنیرے وِچوں اپنے عجب چانن وِچ سدّیا اے۔

۲-پطرس 1:10

سو بھراؤ! اپنے بُلاوے تے برگزیدگی نُوں ثابت کرن دی وَدّھ کے کوشش کرو۔ کیوں جو جے تُسی ایس طرح کرو۔ تے کدی وی ٹھیڈا نا کھاؤ گے۔

یہُوداہ 1:1

یہُوداہ ولّوں جیہڑا یِسُوع مسِیح دا غلام تے یعقُوب دا بھرا اے۔ اوہناں سَدّے ہویاں دے ناں جیہڑے خُدا باپ وِچ پیارے تے یِسُوع مسِیح لئی رکھّے ہوئے نیں۔

مُکاشفہ 17:14

اوہ لیلے نال لڑن گے تے لیلا اوہناں نُوں جِت لے گا۔ کیوں جو اوہ خُداونداں دا خُداوند تے بادشاہاں دا بادشاہ اے۔ تے جیہڑے سَدّے ہوئے تے چُنے ہوئے تے وفادار اوہدے نال نیں اوہ وی جتن گے۔