رُومِیوں 1:30 - پنجابی نواں عہد نامہ نظرثانی شدہ چھپائی

³⁰ بُرا آکھن والے۔ خُدا اگّے نفرتی۔ طعنے مارن والے گُھمنّڈی۔ گپّی۔ بدیاں دے بانی۔ ماپیاں دا آکھا نا مَنّن والے۔

رُومِیوں 1:30 ပူးပေါင်းရင်းမြစ်များ

متّی 15:4

کیوں جو خُدا حُکم دے کے آکھیا پئی ماں پئیو دی عِزّت کر۔ تے جیہڑا پئیو یا ماں نُوں مَندا بولے اوہ جانوں ماریا جاوے۔

متّی 16:21

اوس ویلے توں یِسُوع اپنے شاگِرداں نُوں دسن لگّا پئی ضرُور اے۔ پئی مَیں یرُوشلِیم نُوں جاواں تے بزُرگاں تے سردار کاہِناں تے فقِیہاں کولوں بُہت دُکھ جھلّاں تے ماریا جاواں تے ترِیجے دِہاڑے جی اُٹھاں۔

لُوقا 21:16

تے ماں پئیو تے بھرا تے ساک تے دوست وی تُہانوں پھڑن گے تے تُہاڈے وِچوں کئیاں نُوں مروا چھڈن گے۔

یُوحنّا 7:7

دُنیا تُہاڈے نال وَیر نئیں رکھ سکدی۔ پر میرے نال ایس لئی رکھدی اے کیوں جو مَیں اوہدے حق وِچ گواہی دینا آں پئی اوہدے کمّ بُرے نیں۔

اعمال 5:36

کیوں جو ایہناں دِناں توں پہلاں تھیُوداس نے اُٹھ کے آکھیا پئی مَیں وی کُجھ آں۔ اوہدے نال چار کُو سو بندے رَل گئے اوہ تاں مار یا گیا تے جِنّے اوہنوں مَن دے سن سارے کھِلرپُلر گئے۔ تے اوہناں دا ککّھ نئیں رہیا۔

رُومِیوں 2:17

پر جے تُوں یہُودی اکھواؤندا ایں۔ تے شریعت اُتّے بھروسا رکھنا ایں۔ تے خُدا اُتّے فخر کرنا ایں۔

رُومِیوں 2:23

تُوں جیہڑا شریعت اُتّے فخر کرنا ایں۔ شریعت دے ٹالن نال خُدا دی بے عِزّتی کرنا ایں؟

رُومِیوں 3:27

فیر ہُن فخر کِتّھے رہیا۔ اوہدا تھاں ای نا رہیا کیہڑی شریعت نال؟ عملاں دی شریعت نال؟ نئیں سگوں اِیمان دی شریعت نال۔

۲-کُرِنتھِیوں 10:15

تے اسی اندازیوں وَدّھ کے یعنی ہورناں دِیاں محِنتاں اُتّے فخر نئیں کر دے۔ پر اُمّیدوار آں پئی جد تُہاڈے اِیمان وِچ وادھا ہوئے تے اسی تُہاڈے سببّوں اپنی حد دے سببّوں ہور وی وَدِھیئے۔

۲-کُرِنتھِیوں 12:20

کیوں جو مَیں ڈرنا آں۔ کِتے اجیہا نا ہوئے۔ پئی مَیں آ کے جیویں تُہانوں چاہناں آں ایہو جِہیا نا ویکھیاں۔ تے مَینُوں جیہا تُسی نئیں چاہندے اوہو جِہیا ای ویکھو۔ پئی تُہاڈے وِچ جھگڑا۔ ساڑا۔ غُصّہ۔ جُدائِیاں۔ بدگوئِیاں۔ چُغلیاں۔ شیخیاں تے فساد ہون۔

۲-تھِسّلُنِیکوں 2:4

جیہڑا مخالفت کر دا اے۔ تے ہر اِک کولوں جیہڑا خُدا اکھواؤندا اے۔ یا جِہدی مَنتا ہوندی اے۔ اپنے آپ نُوں اُچّا کر دا اے۔ ایتھوں تِیکر پئی اوہ خُدا دے مَقدِس وِچ بَہہ کے اپنے آپ نُوں خُدا ظاہر کر دا اے۔

۲-تِیمُتِھیُس 3:2

پئی بندے خود غرض پَیسے دے پیارے شیخی مارن والے مغرُور بُرا آکھن والے ماں پئیو دے نافرمان ناشکرے تے ناپاک۔

طِطُس 3:3

کیوں جو اسی وی پہلاں نادان۔ نافرمان۔ دھوکھا کھان والے تے بُریاں خواہشاں تے خُوشیاں دے غلام ساں۔ تے دُکھ۔ تے ساڑا کر دے ساں۔ نفرت دے لائق ساں تے آپو وِچ وَیر رکھدے ساں۔

یعقُوب 3:5

ایسے طرح جِیبھ وی اِک نِکّا جِہیا انگ اے تے بڑی شیخی مار دی اے۔ ویکھو تھوڑی جِہی اَگ کیڈے وڈّے بیابان وِچ اَگ لا دیندی اے۔

یعقُوب 4:16

پر ہُن تُسی اپنیاں شیخیاں دا فخر کر دے ہو۔ پر تُہاڈا فخر بَھیڑا اے۔

۲-پطرس 2:18

اوہ مغرُوری دِیاں واہیات گلّاں بَک بَک کے لُچ پُنے دی راہِیں اوہناں لوکاں نُوں جِسمانی خواہشاں وِچ پھساندے نیں جیہڑے بدراہاں وِچوں مَساں مَساں پئے نِکلدے نیں۔

یہُوداہ 1:16

ایہہ بُڑبُڑ تے شکایت کرن والے نیں تے اپنیاں حِرصاں دے اُتّے ٹُر دے نیں۔ نالے اپنے مُنھوں وڈّے وڈّے بول بولدے نیں۔ تے نفع لئی لوکاں دی رَئی کر دے نیں۔