رُومِیوں 1:21 - پنجابی نواں عہد نامہ نظرثانی شدہ چھپائی

²¹ کیوں جو اوہناں بھانویں خُدا نُوں پچھانیاں تے وی اوہدی خُدائی دے لائق اوہدی وڈیائی نا کِیتی۔ تے نا اوہدا شُکر کِیتا۔ سگوں اپنے بَھرماں وِچ نکمّے ہوگئے۔ نالے اوہناں دے بے سمجھ دِل ہنیرے ہوگئے۔

رُومِیوں 1:21 ပူးပေါင်းရင်းမြစ်များ

۲-تِیمُتِھیُس 3:2

پئی بندے خود غرض پَیسے دے پیارے شیخی مارن والے مغرُور بُرا آکھن والے ماں پئیو دے نافرمان ناشکرے تے ناپاک۔

مُکاشفہ 14:7

تے اوس اُچّی اواز نال آکھیا پئی خُدا توں ڈرو تے اوہدا جلال ظاہر کرو۔ کیوں جو اوہدی عدالت دا ویلا آ گیا اے تے اوسے دی بندگی کرو جِس اسمان تے زمین تے سمُندر تے پانی دے چشمے پَیدا کِیتے۔

یُوحنّا 3:19

تے عدالت ایہی اے۔ پئی چانن دُنیا وِچ آیا اے تے بندیاں ہنیرے نُوں چانن نالوں وَدّھ پیار کِیتا ایس کر کے پئی اوہناں دے کمّ بَھیڑے سن۔

مُکاشفہ 15:4

اے خُداوند! کون تَیتھوں نا ڈرے گا؟ تے کون تیرے جلال دا ناں ظاہر نا کرے گا؟ کیوں جو نِرا توں ای قُدُّوس ایں تے سارِیاں قوماں آ کے تینُوں سجدہ کرن گِیاں کیوں جو تیرے انصاف دے کمّ ظاہر ہو گئے نیں۔

۱-پطرس 2:9

پر تُسی اِک چُنی ہوئی نسل تے بادشاہی کاہِناں دا فِرقہ پاک قوم تے اجیہی اُمّت ہو جیہڑی خُدا دی خاص ملکیّت اے۔ تاں جو اوہدیاں خُوبِیاں ظاہر کرو۔ جِس تُہانوں ہنیرے وِچوں اپنے عجب چانن وِچ سدّیا اے۔

رُومِیوں 11:10

اوہناں دِیاں اَکھّیاں اگّے ہنیرا آ جائے پئی اوہ نا ویکھن۔ تے تُوں اوہناں دی پِٹھ سدا کُبّی رکھ۔

رُومِیوں 1:28

تے جدوں خُدا نُوں اپنی پِچھّاں وِچ رکھناں اوہناں نُوں چَنگا نا لگّا تَد خُدا وی اوہناں نُوں بیواقوفی وِچ چھڈ دِتّا۔ پئی نالائق کمّ کرن۔

رُومِیوں 1:19

کیوں جو خُدا دی بابت جو کُجھ معلُوم ہوسکدا اے۔ اوہناں دے دِل وِچ ظاہر اے۔ کیوں جو خُدا اوہناں اُتّے اوہنوں ظاہر کر دِتّا۔

رُومِیوں 15:9

تے غیر قوماں رَحم دے سببّوں خُدا دی وڈیائی کرن جیویں لِکھیا ہویا اے۔ پئی ایس لئی مَیں غیر قوماں وِچ تیرا قرار کراں گا۔ تے تیرے ناں دا گِیت گاواں گا۔

اعمال 26:18

پئی تُوں اوہناں دِیاں اَکھّیاں کھولیں۔ تاں جو اوہ ہنیریوں چانن ولّ۔ تے شیطان دے وَس توں خُدا ولّ مُڑن پئی گُناہاں دی مُعافی لین۔ تے اوہناں لوکاں وِچ جیہڑے میرے اُتّے اِیمان رکھن نال پاک ہوئے نیں وِرثہ لین۔

۱-پطرس 1:18

کیوں جو تُسی جان دے ہو پئی تُہاڈا نکمّا چال چَلّن جیہڑا پئیو دادیاں توں لگا آؤندا سی۔ اوہدے توں تُہاڈی خلاصی ناس ہون والِیاں شیواں یعنی سونے چاندی نال نئیں ہوئی۔