رُومِیوں 1:20 - پنجابی نواں عہد نامہ نظرثانی شدہ چھپائی

²⁰ کیوں جو دُنیا دی پَیدایش دے ویلیوں اوہدیاں صِفتاں جیہڑیاں دیکھیاں نئیں جاندِیاں یعنی اوہدی مُڈھ قدِیم دی قُدرت تے خُدائی۔ اوہدی بنائِیاں ہویاں شیواں دی راہِیں صاف ظاہر ہوندیاں نیں۔ ایتھوں توڑی پئی ایہہ بے عُذر نیں۔

رُومِیوں 1:20 ပူးပေါင်းရင်းမြစ်များ

متّی 5:45

تاں جو تُسی اپنے باپ دے جیہڑا اسمان وِچ اے پُتر بن جاؤ کیوں جو اوہ تے اپنے سُورج نُوں بُریاں تے بھلیاں اُتّے چڑھاندا اے۔ نالے نیکاں تے بداں اُتّے مینہ وساؤندا اے۔

مرقس 10:6

پر خلقت دے مُڈھوں اوس اوہناں نُوں نَر تے ناری بنایا۔

یُوحنّا 1:18

خُدا نُوں کدی کِسے نئیں ڈِٹّھا پر اِکلَوتے پُتر نیں جیہڑا باپ دی گدّ وِچ اے اوہنوں ظاہر کِیتا۔

یُوحنّا 15:22

جے مَیں نا آیا ہوندا تے اوہناں نُوں نا دِسدا تَد اوہناں دا گُناہ نا ہوندا۔ پر ہُن تے اوہناں کول اوہناں دے گُناہ دا کُجھ عُذر نئیں۔

اعمال 17:29

سو خُدا دی نسل ہو کے سانُوں نئیں چاہیدا پئی ایہہ سمجھیئے۔ پئی ذاتِ اِلہٰی سونے چاندی یا پتّھر وانگُوں اے۔ جیہڑے بندے دی کاریگری تے عقل نال گھڑے ہوئے نیں۔

اعمال 22:1

میرے بھراؤ تے بزُرگو! میرا عُذر سُنو۔ جیہڑا ایس ویلے مَیں تُہاڈے اگّے کرنا آں۔

رُومِیوں 1:19

کیوں جو خُدا دی بابت جو کُجھ معلُوم ہوسکدا اے۔ اوہناں دے دِل وِچ ظاہر اے۔ کیوں جو خُدا اوہناں اُتّے اوہنوں ظاہر کر دِتّا۔

رُومِیوں 16:26

پر ہُن نبیاں دِیاں کِتاباں دی راہِیں ظاہر کِیتا گیا۔ تے ہمیشہ دے خُدا دے حُکم دے سببّوں سارِیاں قوماں نُوں ایس لئی دسیا گیا۔ پئی اوہ اِیمان دے تابعدار ہون۔

رُومِیوں 2:1

سو اَے عیب لان والیا۔ بھانویں کون ہوویں تُوں جو عیب لانا ایں تیرا کُجھ عُذر نئیں۔ کیوں جو جیہڑی گلّ دا تُوں دُوجے اُتّے عیب لانا ایں اوسے دا تُوں اپنے آپ نُوں وَدّھ عَیبی بنانا ایں۔ تُوں جیہڑا عیب لانا ایں آپے ای اوہو کمّ کرنا ایں۔

رُومِیوں 2:15

کیوں جو شریعت دِیاں گلّاں اپنے دِلاں وِچ لِکھیاں ہویاں وکھاؤندِیاں تے اوہناں دے دِل وی گواہی دیندے نیں۔ تے اوہناں دے خیال آپو وِچ الزام لاندے یا عُذر کر دے نیں۔

۱-کُرِنتھِیوں 1:20

کِتّھوں دا سیانا۔ کِتّھوں دا منشی۔ کِتّھوں دا ایس دُنیا دا بحث کرن والا۔ کِیہ خُدا نے دُنیا دی دنائی نُوں مُورکھ نئیں کِیتا؟

کُلُسِّیوں 1:15

اوہ اَن ویکھے خُدا دی صُورت تے ساری خلقت وِچوں پلیٹھا اے۔

کُلُسِّیوں 2:9

کیوں جو ساری کمال الُوہیّت اوسے وِچ جِسم لے کے وَسدی اے۔

۱-تِیمُتِھیُس 1:17

ہُن جُگّاں دے بادشاہ سدا حیات۔ اَن ڈِٹھ۔ اِکّو خُدا دی عِزّت تے ٹھاٹھ باٹھ سدا دے لئی ہوئے۔ آمِین۔

۱-تِیمُتِھیُس 6:16

بے انت زِندگی نِری اوہدی اے۔ تے اوہ چانن وِچ رہندا اے۔ جِتّھے کوئی اَپڑ نئیں سکدا۔ تے نا کِسے بندے اوہنوں ویکھیا اے۔ تے نا ویکھ سکدا اے۔ اوہدی عِزّت تے بادشاہی سدا تِیکر رہے۔ آمِین۔

عِبرانیوں 11:27

اِیمان دی راہِیں اوس بادشاہ دے غُصّے دا ڈر نا کِیتا تے مِصر نُوں چھڈ دِتّا ایس لئی پئی اوہ اینج پکّے پَیر رہیا جیویں اوہ اَن ڈِٹھ نُوں پیا ویکھدا اے۔

عِبرانیوں 9:14

تے مسِیح دا لہو جِس اپنے آپ نُوں سدا دی رُوح دی راہِیں خُدا دے اگّے بے عیب قُربان کِیتا۔ تُہاڈے دِلاں نُوں مُردہ کمّاں توں کِنّاں کُو چوکھا پاک کرے گا۔ تاں جو تُسی جِیوندے خُدا دی بندگی کرو۔