رُومِیوں 1:18 - پنجابی نواں عہد نامہ نظرثانی شدہ چھپائی

¹⁸ کیوں جو خُدا دا غضب اوہناں بندیاں دی ساری بے دِینی تے ناراستی اُتّے اسمان توں ظاہر ہوندا اے۔ جیہڑے سچیائی نُوں ناراستی نال دباندے نیں۔

رُومِیوں 1:18 ပူးပေါင်းရင်းမြစ်များ

رُومِیوں 1:19

کیوں جو خُدا دی بابت جو کُجھ معلُوم ہوسکدا اے۔ اوہناں دے دِل وِچ ظاہر اے۔ کیوں جو خُدا اوہناں اُتّے اوہنوں ظاہر کر دِتّا۔

رُومِیوں 1:28

تے جدوں خُدا نُوں اپنی پِچھّاں وِچ رکھناں اوہناں نُوں چَنگا نا لگّا تَد خُدا وی اوہناں نُوں بیواقوفی وِچ چھڈ دِتّا۔ پئی نالائق کمّ کرن۔

رُومِیوں 1:32

اوہ بھانویں خُدا دا حُکم جان دے نیں۔ پئی اجیہے کمّ کرن والے مَوت دے لائق نیں فیر وی نِرے اوہ آپ ای ایہہ کمّ نئیں کر دے پر کرن والیاں نال راضی وی ہوندے نیں۔

رُومِیوں 2:3

اَے مر دا تُوں جیہڑا اجیہے کمّ کرن والیاں اُتّے عیب لانا ایں تے آپ ای اوہو کمّ کرنا ایں۔ ایہہ سمجھنا ایں۔ پئی تُوں خُدا دی عدالت توں بچ نکلیں گا؟

رُومِیوں 3:9

فیر کِیہ ہویا اسی اوہناں نالوں چنگے آں؟ کَدے وی نئیں کیوں جو اسی آکھ بَیٹھے آں۔ پئی یہُودی تے یُونانی ساریاں دے سارے گُناہ دے ہیٹھ نیں۔

رُومِیوں 4:15

کیوں جو شریعت قَہر پَیدا کر دی اے۔ پر جِتّھے شریعت نئیں اوتھے اوہدا ٹالنا وی نئیں۔

رُومِیوں 5:6

ایس کر کے مسِیح جد اسی کمزور ساں ویلے سر بے دِیناں دے بدلے مویا۔

رُومِیوں 5:9

ہُن جد اسی اوہدے خُون نال راستباز ٹھہرائے گئے تے اوہدی راہِیں قَہر توں ضرُور ای بچائے جاواں گے۔

رُومِیوں 6:13

تے نا تُسی اپنے انگاں نُوں گُناہ دے حوالے کرو پئی ناراستی دے ہتّھیار ہون۔ پر اپنے آپ نُوں مُردیاں وِچوں جِیوندے جان کے خُدا دے حوالے کرو۔ تے اپنا انگاں نُوں راستبازی دے ہتّھیار ہون لئی خُدا دے حوالے کرو۔

اِفسِیوں 5:6

کوئی تُہانوں بے فائدہ گلّاں نال دھوکھا نا دے۔ کیوں جو ایہناں دے سببّوں نافرمان لوکاں اُتّے خُدا دا غُصّہ آؤندا اے۔

کُلُسِّیوں 3:6

کیوں جو اوہناں دے سببّوں خُدا دا غضب نافرمان لوکاں اُتّے آؤندا اے۔

۲-تھِسّلُنِیکوں 2:10

تے ہلاک ہون والیاں لئی ناراستی دے ہر طرح دے دھوکھے نال ہوئے گا۔ ایس لئی پئی اوہناں سچیائی دی مُحبّت نُوں قبول نا کِیتا جِہدے نال اوہناں دی نجات ہوندی۔

۲-تھِسّلُنِیکوں 2:6

تے ہُن جیہڑی شے اوہنوں ڈکدی اے۔ پئی اوہ اپنے ویلے سِر ظاہر ہوئے۔ تُسی جان دے اوہ۔