رُومِیوں 1:13 - پنجابی نواں عہد نامہ نظرثانی شدہ چھپائی

¹³ بھراؤ مَیں نئیں چاہندا۔ پئی تُسی ایس گلّوں بے خبر رہو۔ پئی مَیں کئی وار تُہاڈے کول آؤن دا اِرادہ کِیتا۔ پئی جیویں مَینُوں ہورناں غیر قوماں وِچ پَھل مِلیا اے۔ اوسے طرح تُہاڈے وِچ وی مِلے۔ پر اَج تِیکر رُکیا رہیا۔

رُومِیوں 1:13 ပူးပေါင်းရင်းမြစ်များ

یُوحنّا 12:24

مَیں تُہانوں سَچ سَچ آکھنا آں پئی جِنّاں چِر کنک دا دانہ زمین وِچ پَے کے نا مرے اوہ اکلّا ای رہندا اے۔ پر جے مر جاوے تے بوہتا پَھل لیاؤندا اے۔

یُوحنّا 15:16

تُساں مَینُوں نئیں چُنیا پر مَیں تُہانوں چُنیا تے تُہانوں مُقرّر کِیتا۔ پئی تُسی جاؤ تے پَھل لیاؤ تے تُہاڈا پَھل قیم رہے تاں جو تُسی باپ کولوں میرے ناں اُتّے جو کُجھ منگو گے اوہ تُہانوں دیوے۔

یُوحنّا 4:36

وَڈّھن والے نُوں مزدُوری مِلدی اے تے اوہ سدا دی زِندگی لئی پَھل اکٹّھا کر دا اے تاں جو بِیجن والا تے وَڈّھن والا رَل کے خُوشی کرن۔

اعمال 1:15

تے اوہناں دِناں وِچ پطرس بھراواں دے وِچ جیہڑے اِکّو تھانویں اِک سو وِیہہ کُو بندے سن کھلو کے آکھن لگّا۔

اعمال 14:27

تے اوتھے اَپڑ کے کلِیسیا نُوں اکٹّھا کِیتا۔ تے اوہناں نُوں خبر دِتّی۔ پئی خُدا نے ساڈی راہِیں کِیہ کِیہ کمّ کِیتے۔ تے غیر قوماں دے اگّے اِیمان دا بُوہا کھول دِتّا۔

اعمال 15:12

تَد ساری جماعت چُپ کر گئی۔ تے برنباس تے پَولُس توں سُنن لگّے۔ پئی خُدا نے کہیو جِہیاں نشانِیاں تے کراماتاں اوہناں دی ہتّھِیں غیر قوماں وِچ وکھالِیاں سن۔

اعمال 19:21

جدوں ایہہ گلّاں ہو گِئیاں۔ تَد پَولُس دِل وِچ فیصلہ کِیتا۔ پئی مَکِدُنیہ تے اَخیہ دے وِچوں ہو کے یرُوشلِیم نُوں جاوے۔ تے آکھیا پئی اوتھے جان دے مگروں مَینُوں رُومہ وی ویکھنا پَوے گا۔

اعمال 21:19

تے جد اوس اوہناں نُوں سلام آکھیا۔ تَد جو کُجھ خُدا غیر قوماں وِچ اوہدی خِدمت دی راہِیں کرایا سی سبھ کُجھ دس دِتّا۔

اعمال 28:14

اوتھے سانُوں بھرا مِلے۔ جِنہاں ساڈی مِنّت کِیتی۔ پئی اِک ہفتہ ساڈے کول رہ جاؤ۔

رُومِیوں 1:12

سو مَینُوں وی تُہاڈے وِچ ہو کے تُہاڈے نال اوس اِیمان دے سببّوں تسلّی مِلے۔ جیہڑا میرے تے تُہاڈے دوہاں وِچ اے۔

رُومِیوں 11:25

بھراؤ کِتے اجیہا نا ہوئے پئی تُسی اپنے آپ نُوں سِیانے سمجھو۔ مَیں نئیں چاہندا۔ پئی تُسی ایس بھید توں ناواقِف رہو۔ پئی اِسرائیل دے اِک حِصّے اُتّے۔ جد تِیکر غیر قوماں دی بھرتی پُوری نا ہوئے۔ سخت دِلی آگئی اے۔

رُومِیوں 7:1

بھراؤ! تُسی نئیں جان دے (مَیں اوہناں نُوں آکھنا آں جیہڑے شریعت توں واقف نیں) پئی بندہ جد تیک جِیوندا رہندا اے اوہدے اُتّے شریعت دا وَس چلدا اے۔

۱-کُرِنتھِیوں 1:10

ہُن بھراؤ! مَیں یِسُوع مسِیح دا جیہڑا ساڈا خُداوند اے ناں یاد دوا کے تُہاڈے اگّے مِنّت کرنا آں۔ پئی اِکّو جِہی گلّ آکھو تے تُہاڈے وِچ دُوجا پن نا ہوئے۔ سگوں آپو وِچ اِک دِل تے اِک صلاح ہو کے کامِل بنے رہو۔

۱-کُرِنتھِیوں 10:1

بھراؤ! مَیں نئیں چاہندا۔ پئی تُسی ایس گلّ نُوں نا جانو۔ پئی ساڈے سارے پئیو دا دے بدّل دے ہیٹھ سن۔ تے سارے سمُندر وِچوں لنگھ گئے۔

۱-کُرِنتھِیوں 12:1

ہُن بھراؤ! مَیں نئیں چاہندا پئی تُسی رُوحانی نِعمتاں ولّوں بے خبر رہو۔

۱-کُرِنتھِیوں 14:20

بھراؤ! تُسی سمجھ وِچ بچّے نا بنو۔ بُریائی وِچ تے بچّے رہو پر سمجھ وِچ جوان بنو۔

۱-کُرِنتھِیوں 14:26

سو بھراؤ! کِیہ کرنا چاہیدا اے؟ جد تُسی اکٹّھے ہوندے ہو تے ہر اِک دے دِل وِچ زبُور یا تعلِیم یا مُکاشفہ یا اوپری زبان یا ترجمہ ہوندا اے۔ سبھ کُجھ رُوحانی ترقی دے لئی ہونا چاہیدا اے۔

۱-کُرِنتھِیوں 9:2

جے مَیں ہورناں دا رسُول نئیں۔ پر تُہاڈے لئی تے ضرُور آں۔ کیوں جو تُسی آپ ای خُداوند وِچ میرے رسُول ہون اُتّے موہر ہو۔

۲-کُرِنتھِیوں 1:8

بھراؤ! اسی نئیں چاہندے پئی تُسی اوس مُصِیبت توں ناواقِف رہو۔ جیہڑی آسِیہ وِچ ساڈے اُتّے پئی۔ تے اسی حدّوں وَدّھ تے طاقتوں باہر تنگ ہوگئے۔ ایتھوں توڑی پئی اساں اپنی جانوں وی ہتّھ دھوئے۔

۲-کُرِنتھِیوں 2:14

پر خُدا دا شُکر اے۔ جیہڑا مسِیح وِچ سانُوں سدا قیدِیاں وانگُوں گشت کراندا اے۔ تے اپنے عِلم دی خُوشبوئی ساڈی راہِیں ہر تھاں پَھیلاؤندا اے۔

گلتِیوں 3:15

بھراؤ! مَیں لوکاں وانگر آکھنا آں۔ پئی بھانویں بندیاں دا ای عہد ہوئے۔ جدوں اوہ پَکّا ہوگیا۔ تدوں کوئی اوہنوں جُھوٹھا نئیں کر دا۔ تے نا اوہدے اُتّے کُجھ وَدھاندا ای اے۔

گلتِیوں 6:18

بھراؤ! ساڈے خُداوند یِسُوع مسِیح دا فضل تُہاڈی رُوح دے نال رہے۔ آمِین۔

فِلِپّیوں 1:22

پر جے میرا جِسم وِچ جِیونا میری کمائی نُوں پَھل لائے۔ تے میری سمجھ وِچ نئیں آؤندا پئی مَیں کِنوں چُناں۔

فِلِپّیوں 4:17

ایہہ نئیں پئی اِنعام منگنا آں پر اجیہا پَھل چاہناں آں۔ جیہڑا تُہاڈے لیکھے وِچ وَدّھ ہو جائے۔

کُلُسِّیوں 1:10

تاں جو تُہاڈا چال چَلّن خُدا دے لائق ہوئے تے تُسی اوہنوں سارِیاں گلّاں وِچ خُوش کرو۔ تے تُہاڈے ساریاں نیک کمّاں وِچ پَھل لگّے۔ تے تُسی خُدا دی پچھان وِچ وَدھدے جاؤ۔

کُلُسِّیوں 1:6

جیہڑا تُہاڈے کول اَپڑیا اے۔ تے سارے جہان وِچ پَھلدا اے۔ تے وَدھدا جاندا اے۔ تُہاڈے وِچ وی جد توں تُساں خُدا دے فضل نُوں سُنیا تے اوہنوں سَچ کر کے جانیا اے۔ اینج ای کر دا اے۔

۱-تھِسّلُنِیکوں 2:18

ایس لئی اساں (یعنی مَیں پَولُس) اِک وار نئیں سگوں دو واری تُہاڈے کول آؤن دا اِرادہ کِیتا۔ تے شیطان سانُوں ڈکیا۔

۱-تھِسّلُنِیکوں 4:13

پر بھراؤ! اسی نئیں چاہندے۔ پئی تُسی اوہناں ولّوں نا واقف رہو۔ جیہڑے سَوں جاندے نیں۔ تاں جو تُسی ہورناں وانگر جیہڑے نا آس نیں غم نا کرو۔

۲-تھِسّلُنِیکوں 2:7

کیوں جو بے دِینی دا بھیت ہُن وی عمل پیا کر دا اے۔ پر ہُن اِک ڈکن والا اے۔ تے جد تِیکر اوہ ہٹایا نا جائے ڈکدا رہے گا۔

۲-تِیمُتِھیُس 4:17

پر خُداوند میرا مددگار سی۔ تے مَینُوں ہِمّت دِتّی۔ تاں جو میری راہِیں اِنجِیل دا سنیہا مشہُور ہو جائے تے سارِیاں قوماں سُن لین۔ تے مَیں شیر دے مُنھ وِچوں چھڈایا گیا۔