رُومِیوں 1:11 - پنجابی نواں عہد نامہ نظرثانی شدہ چھپائی

¹¹ کیوں جو مَینُوں تُہاڈے ویکھن دا بُہت ای شَوق اے۔ پئی کوئی رُوحانی بخشِش تُہانوں پُچاواں۔ جِہدے نال تُسی تگڑے ہو جاؤ۔

رُومِیوں 1:11 ပူးပေါင်းရင်းမြစ်များ

اعمال 16:5

سو کلِیسیاواں اِیمان وِچ تگڑیاں۔ تے گنتری وِچ دِن بدن وَدّھ ہُندیاں گِئیاں۔

اعمال 19:21

جدوں ایہہ گلّاں ہو گِئیاں۔ تَد پَولُس دِل وِچ فیصلہ کِیتا۔ پئی مَکِدُنیہ تے اَخیہ دے وِچوں ہو کے یرُوشلِیم نُوں جاوے۔ تے آکھیا پئی اوتھے جان دے مگروں مَینُوں رُومہ وی ویکھنا پَوے گا۔

اعمال 19:6

جدوں پَولُس اوہناں اُتّے ہتّھ رکھّے۔ تے پاک رُوح اوہناں اُتّے آیا۔ تے اوہ بولیاں بولن تے نبُوّت کرن لگّے۔

رُومِیوں 1:12

سو مَینُوں وی تُہاڈے وِچ ہو کے تُہاڈے نال اوس اِیمان دے سببّوں تسلّی مِلے۔ جیہڑا میرے تے تُہاڈے دوہاں وِچ اے۔

رُومِیوں 15:23

پر ہُن ایسے کر کے پئی ایہناں دیساں وِچ تاں نئیں رہیا۔ نالے بتھیرے ورھیاں توں مَینُوں تُہاڈے کول آؤن دا دِلی شَوق سی۔

رُومِیوں 15:29

تے مَیں جاننا آں پئی جدوں تُہاڈے کول آواں گا۔ تدوں مسِیح دی پُوری برکت لے کے آواں گا۔

رُومِیوں 15:32

تے مَیں جے خُدا چاہے تُہاڈے کول خُوشی نال آواں تے تُہاڈی سنگت وِچ سُکھ پاواں۔

رُومِیوں 16:25

ہُن اوہدی جِہدی قُدرت اے۔ پئی میری خُوشخبری تے یِسُوع مسِیح دے ناں دی منادی دے سببّوں تُہانوں قیم رکھّے۔ اوس بھید دے ظاہر ہون دے سببّوں جیہڑا مُڈھوں ای چُھپیا رہیا۔

۲-کُرِنتھِیوں 1:15

تے ایسے بھروسے اُتّے مَیں ایہہ اِرادہ کِیتا سی پئی پہلاں تُہاڈے کول آواں تاں جو تُہانوں اِک ہور بخشِش مِلے۔

۲-کُرِنتھِیوں 1:21

تے جیہڑا سانُوں تُہاڈے نال مسِیح وِچ قیم کر دا اے۔ تے جِس سانُوں مسَح کِیتا اوہ خُدا اے۔

۲-کُرِنتھِیوں 11:4

کیوں جو جیہڑا آؤندا اے جے اوہ کِسے دُوجے یِسُوع دی منادی کر دا اے۔ جِہدی اساں منادی نئیں کِیتی۔ یا کوئی ہور رُوح تُہانوں مِلدا اے۔ جیہڑا نئیں سی مِلیا۔ یا دُوجی خُوشخبری مِلی۔ جِہنُوں تُساں قبول نئیں سی کِیتا۔ تے تُہاڈا سہہ لینا ٹھیک اے

۲-کُرِنتھِیوں 9:14

تے اوہ تُہاڈے لئی دُعا منگدے نیں تے تُہانوں پیار کر دے نیں۔ ایس لئی پئی تُہاڈے اُتّے خُدا دا بڑا ای فضل اے۔

فِلِپّیوں 1:8

خُدا میرا گواہ اے پئی مَیں کِیویں مسِیح یِسُوع دیاں ترساں نال تُہاڈی ساریاں دی چاہ کرنا آں۔

فِلِپّیوں 2:26

کیوں جو اوہ تُہانوں سبھناں نُوں بُہت چاہندا سی تے ایس کر کے بے چَین رہندا سی۔ پئی تُساں اوہدی بیماری دا حال سُنیا سی۔

فِلِپّیوں 4:1

ایس لئی میرے پیارے بھراؤ! جِنہاں دی مَینُوں چاہ اے۔ تے جیہڑے میری خُوشی تے تاج ہو۔ میرے پیاریو! خُداوند وِچ پکّے رہو۔

۱-تھِسّلُنِیکوں 3:13

تاں جو تُہاڈے دِلاں نُوں اجیہا تگڑیاں کرے۔ پئی جد ساڈا خُداوند یِسُوع اپنے ساریاں پاک لوکاں نال آوے۔ اوہ ساڈے خُدا تے باپ دے سامھنے پاکیزگی وِچ بے عیب ہون۔

۱-تھِسّلُنِیکوں 3:2

تے اساں تِیمُتِھیُس نُوں جیہڑا ساڈا بھرا تے مسِیح دی خُوشخبری وِچ خُدا دا نوکر اے۔ ایسے واسطے گھلّیا پئی اوہ تُہانوں پَکیّاں کرے۔ تے تُہاڈے اِیمان ولّوں تُہانوں تسلّی دیوے۔

۲-تھِسّلُنِیکوں 2:17

تُہاڈے دِلاں نُوں تسلّی دے تے ہر نیک کمّ تے گلّ وِچ پَکیّاں کرے۔

۲-تھِسّلُنِیکوں 3:3

پر خُدا وفادار اے اوہ تُہانوں مضبُوط رکھّے گا۔ تے اوس شریر توں تُہاڈی راکھی کرے گا۔

عِبرانیوں 13:9

وَکھو وَکھ تے اوپریاں تعلِیماں پِچّھے بُھلّے نا پِھرو۔ کیوں جو ایہہ چَنگا اے۔ پئی فضل نال دِل تگڑا رہے اوہناں خُوراکاں نال نئیں جِنہاں دے ورتن والیاں نُوں کُجھ فائدہ نئیں ہویا۔

۱-پطرس 5:10

ہُن تُہاڈے تھوڑے چِر تِیکر تکلیف سہن دے پِچّھوں جیہڑا سارے فضل دا خُدا اے جِس تُہانوں مسِیح وِچ اپنے سدا دے جلال واسطے سدّیا اے۔ آپ ای تُہانوں کامِل تے قیم تے مضبُوط کرے گا۔

۱-پطرس 5:12

مَیں تُہانوں سِلوانُس دی راہِیں جیہڑا میری سمجھ وِچ اِیماندار بھرا اے تھوڑا جِہیا لِکھ کے تُہانوں نصِیحت کِیتی تے ایہہ گواہی دِتّی پئی خُدا دا سَچّا فضل ایہو ای اے۔ ایسے اُتّے قیم رہو۔

۲-پطرس 1:12

ایس لئی مَیں تُہانوں ایہہ گلّاں یاد دوان نُوں سدا تیار رہاں گا۔ بھانویں تُسی اوہناں نُوں جان دے ہو۔ تے اوس سَچّی گلّ اُتّے قیم ہو جیہڑی تُہانوں مِلی ہوئی اے۔