رُومِیوں 1:1 - پنجابی نواں عہد نامہ نظرثانی شدہ چھپائی

¹ پَولُس ولّوں جیہڑا یِسُوع مسِیح دا غلام سدّیا ہویا رسُول تے خُدا دی خُوشخبری لئی وَکھ کِیتا گیا۔

رُومِیوں 1:1 ပူးပေါင်းရင်းမြစ်များ

مرقس 1:14

تے یُوحنّا دے پھڑے جان دے پِچّھوں یِسُوع خُدا دی اِنجِیل دی منادی کر دا تے ایہہ آکھدا گلِیل وِچ آیا۔

یُوحنّا 12:26

جے کوئی میری سیوا کرے تے اوہ میرے مگر آئے۔ تے جِتّھے مَیں آں میری سیوا کرن والا وی اوتھے ہوئے گا۔ جے کوئی میری سیوا کرے تے باپ اوہدی عِزّت کرے گا۔

یُوحنّا 15:15

ایدوں اگّے مَیں تُہانوں نوکر نئیں آکھاں گا کیوں جو نوکر نئیں جان دا پئی اوہدا مالک کِیہ کر دا اے۔ پر مَیں تُہانوں دوست آکھیا اے۔ کیوں جو ساریاں گلّاں جیہڑیاں مَیں اپنے باپ کولوں سُنیاں نیں تُہانوں دسیاں۔

یُوحنّا 15:20

اوہ گلّ یاد کرو جیہڑی مَیں تُہانوں آکھی پئی نوکر اپنے مالک نالوں وَڈا نئیں۔ جے اوہناں مَینُوں ستایا تے تُہانوں وی ستاؤن گے۔ جے اوہناں میرے کلام نُوں مَنّیاں تے تُہاڈے کلام نُوں وی مَنّن گے۔

اعمال 13:9

تَد ساؤُل جِہدا ناں پَولُس وی اے پاک رُوح نال بھر کے اوہدے اُتّے تاڑ لائی۔

اعمال 20:24

پر مَیں اپنی جان دا خیال بالکل نئیں کر دا۔ پئی اوہ مَینُوں پیاری لگدی اے۔ تاں جو مَیں اپنی دَوڑ نُوں تے اوس خِدمت نُوں جیہڑی خُداوند یِسُوع توں مَینُوں سپُرد ہوئی۔ پُورا کراں۔ تے خُدا دے کرم دی خُوشخبری اُتّے گواہی دیاں۔

اعمال 21:40

جد اوس اوہنوں اجازت دِتّی تَد پَولُس پَوڑِیاں اُتّے کھلو کے لوکاں نُوں ہتّھ نال سینت کِیتی۔ تے جد سارے چُپ کر گئے۔ عِبرانی بولی وِچ اوہ آکھن لگّا۔

اعمال 22:21

تَد اوس مَینُوں آکھیا۔ ٹُرپَو۔ کیوں جو مَیں تینُوں دُراڈے سارے غیر قوماں ولّ گھلاں گا۔

اعمال 22:7

تے مَیں زمین اُتّے ڈِگّ پیا۔ تے اواز سُنی جیہڑی مَینُوں آکھدی سی۔ اَے ساؤُل اَے ساؤُل تُوں مَینُوں کیوں ستانا ایں؟

اعمال 26:1

تے اگرِپّا پَولُس نُوں آکھیا۔ تینُوں اپنی بابت بولن دی اجازت اے۔ تَد پَولُس اپنا ہتّھ وَدّھا کے جواب دین لگّا۔

اعمال 26:14

تے جد اسی سارے زمین اُتّے ڈِگّ پئے مَیں اِک اواز سُنی جیہڑی عِبرانی بولی وِچ آکھدی سی۔ اَے ساؤُل اَے ساؤُل تُوں مَینُوں کیوں ستانا ایں؟ پرانی اُتّے چھڑ مارنا تیرے لئی اَوکھا اے۔

اعمال 27:23

کیوں جو خُدا جِہدا مَیں آں تے جِہدی عبادت وی کرنا آں۔ اوہدا فرِشتہ اَج راتِیں میرے کول آیا۔

اعمال 9:15

پر خُداوند اوہنوں آکھیا تُوں جا۔ کیوں جو اوہ غیر قوماں تے بادشاہاں تے بنی اِسرائیل دے اگّے میرا ناں پُہنچان نُوں میرا چُنیا ہویا وسیلہ اے۔

رُومِیوں 1:16

کیوں جو مَیں اِنجِیل توں شرماں دا نئیں۔ ایس کر کے پئی اوہ ہر اِک دی نجات دے لئی۔ جیہڑا اِیمان لیاؤندا اے۔ پہلاں یہُودی تے فیر یُونانی دے لئی خُدا دی قُدرت اے۔

رُومِیوں 1:5

جِہدی راہِیں سانُوں فضل تے رسالت مِلی۔ تاں جو اوہدے ناں واسطے سارِیاں قوماں وِچوں لوک اِیمان دے تابعیاں ہون۔

رُومِیوں 1:9

تے خُدا جِہدی بندگی مَیں اپنی رُوح نال اوہدے پُتر دی خُوشخبری سُنان وِچ کرنا آں۔ میرا گواہ اے پئی کِس طرح ہرویلے تُہانوں یاد رکھنا آں۔

رُومِیوں 11:13

پر مَیں تُساں غیر قوماں نال گلّ کرنا آں۔ سو جِس حال وِچ مَیں غیر قوماں دا رسُول آں مَیں اپنی خِدمت نُوں وڈیاناں آں۔

رُومِیوں 15:16

پئی مَیں خُدا دی خُوشخبری دی سیوا کاہِن وانگر کر کے غیر قوماں دے لئی مسِیح یِسُوع دا سیوک ہوواں۔ تاں جو غیر قوماں دا چڑھاوا پاک رُوح توں پاک ہو کے منظُور کِیتا جاوے۔

رُومِیوں 15:29

تے مَیں جاننا آں پئی جدوں تُہاڈے کول آواں گا۔ تدوں مسِیح دی پُوری برکت لے کے آواں گا۔

رُومِیوں 16:18

کیوں جو ایہو جِہے ساڈے خُداوند مسِیح دے غلام نئیں سگوں اپنے ڈِھڈ دے غلام نیں۔ تے چوپڑیاں چاپڑیاں گلّاں نال اوہ بھولیاں دیاں دِلاں نُوں بھچلاندے نیں۔

رُومِیوں 16:25

ہُن اوہدی جِہدی قُدرت اے۔ پئی میری خُوشخبری تے یِسُوع مسِیح دے ناں دی منادی دے سببّوں تُہانوں قیم رکھّے۔ اوس بھید دے ظاہر ہون دے سببّوں جیہڑا مُڈھوں ای چُھپیا رہیا۔

۱-کُرِنتھِیوں 1:1

پَولُس ولّوں جیہڑا خُداوند دی مرضی نال یِسُوع مسِیح دا رسُول ہون لئی سدّیا گیا تے بھرا سوستِھینس ولّوں۔

۱-کُرِنتھِیوں 9:1

کِیہ مَیں اَزاد نئیں؟ مَیں رسُول نئیں؟ مَیں یِسُوع نُوں نئیں ویکھیا۔ جیہڑا ساڈا خُداوند اے؟ تُسی خُداوند وِچ میرے لئی بنائے ہوئے نئیں؟

۲-کُرِنتھِیوں 1:1

پَولُس ولّوں جیہڑا خُدا دی مرضی نال مسِیح یِسُوع دا رسُول اے۔ تے بھرا تِیمُتِھیُس ولّوں خُدا دی اوس کلِیسیا دے ناں جیہڑی کُرِنتِھس وِچ اے۔ تے کُل اَخیہ دے ساریاں پاک لوکاں دے ناں۔

۲-کُرِنتھِیوں 11:5

مَیں تے اپنے آپ نُوں اوہناں وڈّیاں رسُولاں نالوں کُجھ گھٹ نئیں سمجھدا۔

۲-کُرِنتھِیوں 11:7

کِیہ ایہہ مَیتھوں خطا ہوئی؟ پئی مَیں تُہانوں خُدا دی خُوشخبری مُفت اپڑا کے اپنے آپ نُوں نِیویاں کِیتا۔ تاں جو تُسی اُچّے ہو جاؤ؟

۲-کُرِنتھِیوں 12:11

مَیں مُورکھ تے بنیاں پر تُساں ای مَینُوں لاچار کِیتا کیوں جو تُہانوں میری وڈیائی کرنی چاہیدی سی۔ ایس لئی پئی مَیں اوہناں وڈّیاں رسُولاں نالوں کِسے گلّ وِچ گھٹ نئیں بھانویں کُجھ وی نئیں ساں۔

۲-کُرِنتھِیوں 2:12

تے جد مَیں مسِیح دی خُوشخبری دین لئی تروآس وِچ آیا۔ تے خُداوند وِچ میرے لئی بُوہا کُھل گیا۔

۲-کُرِنتھِیوں 4:5

کیوں جو اسی اپنی نئیں سگوں مسِیح یِسُوع دی منادی کرنے آں۔ پئی اوہ خُداوند اے۔ تے اپنی بابت ایہہ آکھنے آں۔ پئی یِسُوع دی خاطر تُہاڈے نوکر آں۔

گلتِیوں 1:1

پَولُس ولّوں جیہڑا نا بندیاں ولّوں تے نا بندیاں دی راہِیں پر یِسُوع مسِیح تے خُدا باپ ولّوں جِس اوہنوں مُردیاں وِچوں جوالیا رسُول اے۔

اِفسِیوں 1:1

پَولُس ولّوں جیہڑا خُدا دی مرضی نال مسِیح یِسُوع دا رسُول اے۔ اِفِسُس دے پاک لوکاں دے ناں جیہڑے مسِیح یِسُوع وِچ اِیماندار نیں۔

اِفسِیوں 1:13

تے تُساں وی جدوں سچیائی دا کلام سُنیا جیہڑا تُہاڈی نجات دی خُوشخبری اے۔ نالے اوہدے اُتّے اِیمان لیاندا تے مسِیح وِچ تُہاڈے اُتّے وعدہ کِیتے ہوئے پاک رُوح دی مُہر لگّی۔

اِفسِیوں 4:11

تے اوسے ای بعضیاں نُوں رسُول تے بعضیاں نُوں نبی تے بعضیاں نُوں اِنجِیل سُنان والے تے بعضیاں نُوں آجڑی تے اُستاد بنا کے دے دِتّا۔

فِلِپّیوں 1:1

مسِیح یِسُوع دیاں غلاماں پَولُس تے تِیمُتِھیُس ولّوں فِلپّی دیاں ساریاں پاک لوکاں دے ناں جیہڑے مسِیح یِسُوع وِچ نیں نگہباناں تے خادماں سَنے۔

فِلِپّیوں 2:11

تے خُدا باپ دے جلال دے لئی ہر اِک زبان مَن لَئے پئی یِسُوع مسِیح خُداوند اے۔

کُلُسِّیوں 1:1

پَولُس ولّوں جیہڑا خُدا دی مرضی نال مسِیح یِسُوع دا رسُول اے تے بھرا تِیمُتِھیُس ولّوں۔

کُلُسِّیوں 1:25

جِہدا مَیں خُدا دے اوس بندوبست دے سببّوں نوکر بنیاں۔ جیہڑا تُہاڈے لئی میرے سپُرد ہویا۔ تاں جو مَیں خُدا دے کلام دی پُوری پُوری منادی کراں۔

۱-تھِسّلُنِیکوں 2:2

سگوں تُہانوں پتا اے۔ پئی بھانویں اساں فِلپّی وِچ دُکھ جھلیا تے بے عِزّت ہوئے۔ پر فیر وی سانُوں اپنے خُداوند وِچ ایہہ دلیری مِلی۔ پئی خُداوند دی خُوشخبری جان توڑ کے تُہانوں سُنائیے۔

۱-تھِسّلُنِیکوں 2:8

ایسے طرح اسی تُہاڈے چاہ وند ہو کے نِرے خُدا دی خُوشخبری نئیں پر اپنی جان تِیکر دے دین نُوں راضی ساں۔ ایس لئی پئی تُسی ساڈے پیارے ہوگئے سو۔

۱-تھِسّلُنِیکوں 2:9

کیوں جو بھراؤ تُہانوں ساڈی محنت تے سختی یاد اے۔ دِنے راتِیں مزدُوری کر کے تُہاڈے کول خُدا دی خُوشخبری دی منادی کِیتی۔ تاں جو تُہاڈے وِچوں کِسے اُتّے بھارُو نا ہوئے۔

۱-تِیمُتِھیُس 1:1

پَولُس ولّوں جیہڑا ساڈے نجات دین والے خُدا تے ساڈی آس۔ مسِیح یِسُوع دے حُکم نال مسِیح یِسُوع دا رسُول اے۔

۱-تِیمُتِھیُس 2:7

مَیں سَچ آکھناں آں تے جُھوٹھ نئیں آکھدا۔ پئی مَیں ایسے مطلب نال منادی کرن والا تے رسُول تے غیر قوماں نُوں اِیمان تے سچیائی دِیاں گلّاں سکھان والا لگّا آں۔

۲-تِیمُتِھیُس 1:11

جِہدے لئی مَیں مَنّاد تے رسُول تے اُستاد بنیا آں۔

طِطُس 1:1

پَولُس ولّوں جیہڑا خُدا دا غلام تے یِسُوع مسِیح دا رسُول اے خُدا دے چُنیاں ہویاں دے اِیمان تے اوس سچیائی دی پچھان لئی جیہڑی دِینداری سیتی اے۔

عِبرانیوں 5:4

تے کوئی بندہ آپے ایہہ عِزّت نئیں لَیندا جد توڑی ہارُون وانگر خُدا ولّوں نا سدّیا جائے۔

عِبرانیوں 7:26

کیوں جو سانُوں ایس طرح دا سردار کاہِن پھبدا سی جیہڑا پاک تے صاف دِل تے بے داغ تے گُنہگاراں توں وکھرا تے اسماناں توں اُچّا کِیتا گیا ہوئے۔

یعقُوب 1:1

خُدا دے تے خُداوند یِسُوع مسِیح دے غلام یعقُوب ولّوں اوہناں باراں قبیلیاں نُوں جیہڑے تھائِیں تھائِیں رہندے نیں سلام۔

۱-پطرس 4:17

کیوں جو اوہ ویلا آ پُجیا اے پئی خُدا دے گھروں عدالت شُروع ہوئے۔ تے جد ساتھوں ای شُروع ہوئے گی تے اوہناں دا کِیہ اوڑک ہوئے گا جیہڑے خُدا دی خُوشخبری نُوں نئیں مَن دے۔

۲-پطرس 1:1

شمعُون پطرس ولّوں جیہڑا یِسُوع مسِیح دا غلام تے رسُول اے۔ اوہناں لوکاں دے ناں جِنہاں ساڈے خُدا تے نجات دین والے یِسُوع مسِیح دی راستبازی دی راہِیں ساڈے وانگر قِیمتی اِیمان پایا اے۔

یہُوداہ 1:1

یہُوداہ ولّوں جیہڑا یِسُوع مسِیح دا غلام تے یعقُوب دا بھرا اے۔ اوہناں سَدّے ہویاں دے ناں جیہڑے خُدا باپ وِچ پیارے تے یِسُوع مسِیح لئی رکھّے ہوئے نیں۔

مُکاشفہ 1:1

یِسُوع مسِیح دا مُکاشفہ جیہڑا اوہنوں خُدا ولّوں ایس لئی ہویا۔ پئی اپنے بندیاں نُوں اوہ گلّاں وکھائے جیہڑیاں چھیتی ہون والیاں نیں۔ تے اوس اپنے فرِشتے نُوں گھلّیا۔ پئی اوہدی راہِیں اوہناں نُوں اپنے بندے یُوحنّا اُتّے ظاہر کرے۔

مُکاشفہ 22:6

فیر اوس مَینُوں آکھیا پئی ایہہ گلّاں سَچ تے برحق نیں تے خُداوند نے جیہڑا نبیاں دِیاں رُوحاں دا خُدا اے اپنے فرِشتے نُوں ایس لئی گھلّیا پئی اپنیاں بندیاں نُوں اوہ گلّاں وکھائے جیہڑیاں ضرُور چھیتی ہونیاں نیں۔

مُکاشفہ 22:9

اوس مَینُوں آکھیا خبردار ایہہ نا کر مَیں تیرے نال دا تے تیرے بھراواں نبیاں دے نال دا تے ایس کتاب دِیاں گلّاں اُتّے عمل کرن والیاں دے نال دا بندہ آں۔ خُدا نُوں ای سجدہ کر۔