مُکاشفہ 9:20 - پنجابی نواں عہد نامہ نظرثانی شدہ چھپائی

²⁰ تے باقی بندیاں جیہڑے ایہناں آفتاں نال نئیں سن موئے اپنیاں ہتّھاں دے کمّاں توں تَوبہ نا کِیتی۔ پئی شیطان تے سونے چاندی تے پِتّل تے پتّھر تے لکڑ دِیاں مُورتاں دی بندگی توں مُڑ جاندے جیہڑیاں نا ویکھ سکدِیاں نیں نا سُن سکدِیاں نا چَل سکدِیاں نیں۔

مُکاشفہ 9:20 ပူးပေါင်းရင်းမြစ်များ

متّی 21:32

کیوں جو یُوحنّا نیکی دے راہ اُتّے تُہاڈے کول آیا تے تُساں اوہنوں نا مَنّیا پر محصُولِیاں تے کسبیاں نیں اوہنوں مَن لیا۔ پر تُسی ایہہ ویکھ کے مگروں وی نئیں پچھتائے پئی اوہنوں مَن لَیندے۔

اعمال 17:29

سو خُدا دی نسل ہو کے سانُوں نئیں چاہیدا پئی ایہہ سمجھیئے۔ پئی ذاتِ اِلہٰی سونے چاندی یا پتّھر وانگُوں اے۔ جیہڑے بندے دی کاریگری تے عقل نال گھڑے ہوئے نیں۔

اعمال 19:26

تے تُسی ویکھدے تے سُندے ہو۔ پئی نِرا اِفِسُس وِچ نئیں سگوں سارے آسِیہ وِچ۔ ایس پَولُس ایہہ آکھ کے پئی جیہڑے ہتّھاں نال بنائے جاندے نیں۔ اوہ خُدا نئیں۔ بڑی خلقت نُوں سمجھا کے ورغلا یا اے۔

اعمال 7:41

تے اوہناں ای دِناں اوہناں اِک وَچّھا بنایا۔ تے اوس بُت اگّے قُربانی لیائے تے اپنے ہتّھاں دے کمّاں اُتّے خُوشی کِیتی۔

۲-کُرِنتھِیوں 12:21

تے فیر مَیں جد آواں۔ تے میرا خُدا مَینُوں تُہاڈے اگّے عاجز کرے۔ تے مَینُوں بتھیریاں لئی افسوس کرنا پَوے۔ جِنہاں پہلاں گُناہ کِیتے نیں۔ تے اوس پلِیتی تے زنا۔ تے شہوت پرستی توں جیہڑی اوہناں توں ہوئی تَوبہ نا کِیتی۔

۱-تِیمُتِھیُس 4:1

پر رُوح صاف آکھدا اے۔ پئی آؤن والیاں زمانیاں وِچ کُجھ اِیمان نُوں چھڈ جان گے بُھلان والِیاں رُوحاں تے شیطان دِیاں تعلِیماں ولّ گَوہ کرن گے۔ تے اِیمان نُوں بُھل جان گئے۔

مُکاشفہ 15:1

فیر مَیں اسمان اُتّے اِک ہور وَڈا تے اچرج نِشان ویکھیا یعنی ستّاں فرِشتیاں پِچّھلیاں سَتّ آفتاں لئیاں ہویاں سن کیوں جو ایہناں آفتاں وِچ خُدا دا قَہر مُک گیا اے۔

مُکاشفہ 16:8

تے چوتھے اپنا پیالہ سُورج اُتّے لُدیا تے اوہنوں بندیاں نُوں سیک نال ساڑ دین دا اختیار دِتّا گیا۔

مُکاشفہ 9:19

کیوں جو اوہناں گھوڑیاں دی طاقت اوہناں دِیاں پُوشلاں وِچ سی۔ ایسے واسطے پئی اوہناں دِیاں پُوشلاں سپّاں وانگر سن۔ تے پُوشلاں وِچ سِر وی سن۔ اوہناں نال ای اوہ نُقصان کر دے سن۔

مُکاشفہ 9:21

تے خُون تے جادُو تے حرامکاریاں تے چوریاں جیہڑیاں اوہناں کِیتیاں سن اوہناں توں تَوبہ نا کِیتی۔