مُکاشفہ 9:15 - پنجابی نواں عہد نامہ نظرثانی شدہ چھپائی

¹⁵ تے اوہ چارے فرِشتے کُھل گئے جیہڑے مُقرّر کِیتی گئی گھڑی تے دِن تے مہینے تے ورھے دے لئی بندیاں دا ترِیجا حِصّہ مارن نُوں تیار کِیتے گئے سن۔

مُکاشفہ 9:15 ပူးပေါင်းရင်းမြစ်များ

مُکاشفہ 20:7

تے جد ہزار ورھے مُک جان گے تے شیطان قید وِچوں چھڈیا جائے گا۔

مُکاشفہ 8:10

تے جد ترِیجے فرِشتے تُرہی نُوں پُھوک ماری تے اِک وَڈا سارا تارہ مشال وانگر بلدا ہویا اسمانوں ٹُٹ پیا تے ترِیجے حِصّے دریاواں تے پانی دے چشمیاں اُتّے آ پیا۔

مُکاشفہ 8:7

تے جد پہلی تُرہی وَجّی تے گڑے تے اَگ جِنہاں وِچ لہو رلیا ہویا سی جمّے تے زمین اُتّے سُٹّے گئے۔ تے زمین دا ترِیجا حِصّہ سڑ گیا تے ترِیجا حِصّہ بُوٹے تے سارا ہرا گھاہ سڑ گیا۔

مُکاشفہ 8:8

تے جد دُوجے فرِشتے تُرہی نُوں پُھوک ماری تے اَگ نال بلدا ہویا اِک وَڈا پہاڑ سمُندر وِچ سُٹّیا گیا تے سمُندر دا ترِیجا حِصّہ لہو ہو گیا۔

مُکاشفہ 8:9

تے سمُندر دی جیوندی خلقت دا ترِیجا حِصّہ مر گیا۔ تے بیڑیاں دا ترِیجا حِصّہ برباد ہوگیا۔

مُکاشفہ 9:10

تے اوہناں دے بُونڈے ٹھوہنیاں وانگر سن تے اوہناں دے وِچ ڈنگ وی ہے سن تے اوہناں دیاں بُونڈیاں وِچ پنج مہینے تِیکر بندیاں نُوں نُقصان پَہُچان دی طاقت سی۔

مُکاشفہ 9:18

اوہناں تِنّاں آفتاں یعنی اوس اَگ تے دُھوں تے گندھک نال جیہڑی اوہناں دے مُنھوں نِکلدی سی ترِیجا حِصّہ بندے مر گئے۔

مُکاشفہ 9:5

تے اوہناں نُوں جانوں مارن دا نئیں سگوں پنجاں مہِینیاں تِیکر لوکاں نُوں تڑپان دا اختیار دِتّا گیا تے اوہناں دی پِیڑ اجیہی سی جیویں ٹُھوہاں دے ڈنگ مارن توں بندے نُوں ہوندی اے۔