مُکاشفہ 7:13 - پنجابی نواں عہد نامہ نظرثانی شدہ چھپائی

¹³ تے بزُرگاں وِچوں اِک مَینُوں آکھن لگّا پئی ایہہ جِنہاں چِٹّے کپڑے پائے ہوئے نیں کون نیں تے کِتّھوں آئے ہوئے نیں؟

مُکاشفہ 7:13 ပူးပေါင်းရင်းမြစ်များ

یُوحنّا 7:28

ایس واسطے یِسُوع ہیکل وِچ سکھالن ویلے زور نال آکھیا۔ تُسی نالے مَینُوں جان دے ہو تے نالے ایہہ وی جان دے ہو مَیں کِتّھوں دا ہاں۔ تے مَیں اپنے ولّوں نئیں آیا آں۔ پر میرا گھلّن والا جِہنُوں تُسی نئیں جان دے سَچّا اے۔

اعمال 3:12

تَد پطرس ایہہ حال ویکھ کے لوکاں نُوں آکھیا۔ اَے اِسرائیلیو! ایس گلّ اُتّے تُسی کیوں حَیران ہوندے ہو۔ تے سانُوں کیوں اینج ویکھدے ہو پئی اساں اپنی قُدرت یا دِینداری نال اوہنوں ٹُرن دی طاقت بخشی اے؟

مُکاشفہ 3:4

بے شک سردِیس وِچ تیری تھاں تھوڑے اجیہے بندے نیں۔ جِنہاں اپنے کپڑے پلِیت نئیں کِیتے۔ اوہ چِٹّی پوشاک پا کے میرے نال سَیر کرن گے۔ کیوں جو اوہ ایسے لائق نیں۔

مُکاشفہ 4:10

تے اوہ چوّی بزُرگ اوہدے سامھنے جیہڑا تخت اُتّے بَیٹھا ہویا اے ڈِگّ پَین گے تے اوہنوں سجدہ کرن گے جیہڑا ہمیشہ تِیکر زِندہ رہے گا۔ تے اپنے تاج ایہہ آکھ کے اوس تخت دے سامھنے دھر دین گے۔ پئی۔

مُکاشفہ 4:4

تے اوس تخت دے آلے دوالے چوّی تخت تے اوہناں تختاں اُتّے چوّی بزُرگ چِٹّے کپڑے پا کے بَیٹھے ہوئے نیں۔ تے اوہناں دے سِراں اُتّے سونے دے تاج نیں۔

مُکاشفہ 5:11

تے جد مَیں دھیان کِیتا۔ تے اوس تخت تے اوہناں جانداراں تے بزُرگاں دے آلے دوالے کِنے سارے فرِشتیاں دی اواز سُنی۔ جِنہاں دی گنتری لَکّھاں تے کروڑاں تِیکر سی۔

مُکاشفہ 5:5

فیر اوہناں بزُرگاں وِچوں اِکّی مَینُوں آکھیا نا رو۔ ویکھ یہُوداہ دے گھرانے دا اوہ شیر ببّر جیہڑا داؤد دی نسل اے۔ اوس کتاب تے اوہدیاں ستّاں مُہراں توڑن وِچ غالب آیا۔

مُکاشفہ 7:9

اوہناں گلّاں دے پِچّھوں مَیں دھیان کِیتا۔ تے کِیہ ویکھنا آں پئی ہر اِک قوم تے گھرانے تے اُمّت تے اہلِ زبان دی اِک ایڈی وڈّی بِھیڑ جِہنُوں کوئی گِن نئیں سکدا چِٹّے کپڑے پا کے تے کھجور دِیاں ٹہنِیاں اپنیاں ہتّھاں وِچ لے کے تخت تے لیلے دے اگّے کھلوتی اے۔