مُکاشفہ 6:4 - پنجابی نواں عہد نامہ نظرثانی شدہ چھپائی

⁴ فیر اِک ہور گھوڑا نِکلیا جیہڑا لال رنگ دا سی تے اوہدے سوار نُوں ایہہ اختیار دِتّا گیا پئی زمین اُتّوں صُلح نُوں چُک لے پئی لوک اِک دُوجے نُوں قتل کرن تے اوہنوں اِک وڈّی ساری تلوار دِتّی گئی۔

مُکاشفہ 6:4 ပူးပေါင်းရင်းမြစ်များ

متّی 10:34

ایہہ نا سمجھو پئی مَیں زمین اُتّے امن کران آیا ہاں۔ مَیں امن کران نئیں۔ سگوں تلوار چلان آیا ہاں۔

متّی 24:6

تے تُسی لڑائِیاں تے لڑائِیاں دِیاں افواواں سُنوں گے۔ خبردار کِتے گھابر نا جانا۔ کیوں جو ایہہ گلّاں تے ہونیاں ای نیں۔ پر اخِیر اجے نئیں اے۔

یُوحنّا 19:11

یِسُوع اوہنوں جواب دِتّا پئی تیرا میرے اُتّے کُجھ وی وَس نا ہوندا جے تینُوں اُتّوں دِتّا نا جاندا۔ ایس لئی جِس مَینُوں تیرے حوالے کِیتا اوہدا وَدّھ گُناہ اے۔

مُکاشفہ 12:3

فیر اِک ہور نِشان اسمان اُتّے دِسّیا۔ یعنی اِک وَڈا سارا لال ناگ۔ اوہدے سَتّ سِر تے دَس سِنگ سن تے اوہدے سِراں اُتّے سَتّ تاج۔

مُکاشفہ 13:10

جِہنُوں قید ہون والی اے اوہ قید وِچ پَوے گا۔ جیہڑا تلوار نال قتل کرے گا اوہ ضرُور تلوار نال قتل کِیتا جائے گا۔ پاک لوکاں دے صبر تے اِیمان دا ایہو ویلا اے۔

مُکاشفہ 17:3

سو اوہ مَینُوں رُوح وِچ بیابان ولّ لے گیا۔ تے مَیں سُوہے رنگ دے پشُو اُتّے جیہڑا کُفر دے نانواں نال بھریا ہویا سی تے جِہدے سَتّ سِر تے دَس سِنگ سن۔ اِک زنانی نُوں بَیٹھے ہویاں ویکھیا۔

مُکاشفہ 17:6

تے مَیں اوس زنانی نُوں پاک لوکاں دے لہو تے یِسُوع دیاں شہیداں دے لہو پِین توں مست ویکھیا تے اوہنوں ویکھ کے بڑا حَیران ہویا۔