مُکاشفہ 6:16 - پنجابی نواں عہد نامہ نظرثانی شدہ چھپائی

¹⁶ تے پہاڑاں تے چٹاناں نُوں آکھن لگّے پئی ساڈے اُتّے ڈِگّ پَوو تے سانُوں اوہدی نظر توں جیہڑا تخت اُتّے بَیٹھا ہویا اے تے لیلے دے غضب توں لُکا لوؤ۔

مُکاشفہ 6:16 ပူးပေါင်းရင်းမြစ်များ

متّی 26:64

یِسُوع اوہنوں آکھیا تُوں آپے آکھ دِتّا اے فیر وی مَیں تُہانوں آکھنا آں پئی ایدوں اگّے تُسی اِبنِ آدم نُوں قُدرت دے سَجّے ہتّھ بَیٹھیاں ہویاں تے اسمان دے بدّلاں اُتّے آؤندیاں ویکھو گے۔

مرقس 3:5

تَد اوس اوہناں دی سخت دِلی دے سبّب اُداس ہو کے غُصّے دی نظر نال اوہناں ولّ ویکھیا تے اوس بندے نُوں آکھیا اپنا ہتّھ وَدّھا۔ تے اوس وَدھایا تے اوہدا ہتّھ ٹھیک ہوگیا۔

لُوقا 23:30

تَد پہاڑاں نُوں آکھن گے پئی ساڈے اُتّے ڈِگّ پَوو۔ تے ٹِبّیاں نُوں پئی سانُوں لُکاؤ۔

مُکاشفہ 10:6

تے جیہڑا ہمیشہ تِیکر جِیوندا رہے گا۔ تے جِس اسمان تے اوہدیاں سارِیاں شیواں تے زمین تے اوہدیاں سارِیاں شیواں تے سمُندر تے اوہدیاں سارِیاں شیواں پَیدا کِیتیاں نیں اوہدی سَونہہ کھا کے آکھیا پئی ہُن ہور چِر نا لگّے گا۔

مُکاشفہ 19:15

تے قوماں دے مارن لئی اوہدے مُنھ وِچوں اِک تیز تلوار پئی نِکلدی اے۔ تے اوہ لوہے دے ڈنڈے نال اوہناں اُتّے حکُومت کرے گا تے قادرِ مُطلق خُدا دے سخت غضب دی مَے دے حوض وِچ انگور لتاڑے گا۔

مُکاشفہ 20:11

فیر مَیں اِک وڈّے چِٹّے تخت نُوں تے اوہنوں جیہڑا اوہدے اُتّے بَیٹھا ہویا سی ویکھیا۔ جِہدے اگّوں زمین تے اسمان بھج گئے۔ تے اوہناں نُوں کِدھرے تھاں نا مِلیا۔

مُکاشفہ 4:2

جھٹ پَٹ مَیں رُوح وِچ آگیا تے کِیہ ویکھنا آں پئی اسمان دے وِچ اِک تخت ڈَٹّھا ہویا اے۔ تے اوس تخت اُتّے کوئی بَیٹھا ہویا اے۔

مُکاشفہ 4:5

تے اوس تخت وِچوں چمکن تے کڑکن والے بدّل تے اَوازاں پئیاں نِکلدیاں نیں۔ تے اوس تخت دے سامھنے اَگ دِیاں سَتّ بتیاں پئیاں بلدیاں نیں ایہہ خُدا دِیاں سَتّ رُوحاں نیں۔

مُکاشفہ 4:9

تے جد اوہ جاندار اوہدی وڈیائی تے عِزّت تے شُکر گُزاری کرن گے جیہڑا تخت اُتّے بَیٹھا اے تے ہمیشہ تِیکر زِندہ رہے گا۔

مُکاشفہ 5:1

تے جیہڑا تخت اُتّے بَیٹھا سی مَیں اوہدے سَجّے ہتّھ وِچ اِک کتاب ویکھی۔ جیہڑی اندروں باہروں لِکھی ہوئی تے سَتّ مُہراں نال بند کِیتی ہوئی سی۔

مُکاشفہ 6:10

تے اوہ اُچّی اُچّی آکھن لگِیاں پئی اَے مالک قُدُّوس تے سَچّے تُوں کد تِیکر انصاف نا کریں گا تے زمین دے رہن والیاں توں ساڈے خُون دا بدلہ نا لَویں گا؟

مُکاشفہ 9:6

اوہناں دِناں وِچ لوک مَوت لَبّھن گے پرکدی نا مِلے گی۔ تے مرن دی چاہ کرن گے تے مَوت اوہناں توں نسّے گی۔