مُکاشفہ 4:6 - پنجابی نواں عہد نامہ نظرثانی شدہ چھپائی

⁶ تے اوس تخت دے سامھنے شیشے دا سمُندر بلّور وانگر اے۔ تے تخت وِچ تے آلے دوالے چار جاندار نیں جِنہاں دِیاں اگّے پِچّھے اَکھّیاں نیں۔

مُکاشفہ 4:6 ပူးပေါင်းရင်းမြစ်များ

مُکاشفہ 14:3

اوہ تخت دے سامھنے تے چَوہاں جانداراں تے بزُرگاں دے سامھنے اِک نواں گِیت پئے گاؤندے سن تے اوہناں اِک لَکّھ چتالی ہزار بندیاں دے بِناں جیہڑے دُنیا وِچوں مُل لَئے گئے سن ہور کوئی اوس گِیت نُوں نا سِکھ سکیا۔

مُکاشفہ 15:2

فیر مَیں شیشے دا اِک سمُندر جیہا ویکھیا جِہدے وِچ اَگ مِلی ہوئی سی تے جِنہاں اوس پشُو تے اوہدے بُت تے اوہدے ناں دی گنتری نُوں جِت لیا سی اوہناں نُوں اوس شیشے دے سمُندر کول خُدا دِیاں بربطاں لے کے کھلوتیاں ڈِٹّھا۔

مُکاشفہ 15:7

تے اوہناں چَوہاں جانداراں وِچوں اِک نے سَتّ سونے دے پیالے ہمیشہ تِیکر زِندہ رہن والے خُدا دے قَہر نال بھرے ہوئے اوہناں ستّاں فرِشتیاں نُوں دِتّے۔

مُکاشفہ 19:4

تے چَوہاں بزُرگاں تے چَوہاں جانداراں ڈِگّ کے خُدا نُوں سجدہ کِیتا جیہڑا تخت اُتّے بَیٹھا ہویا سی۔ تے ایہہ آکھیا پئی آمِین ہلَّلُویاہ۔

مُکاشفہ 21:11

اوہدے وِچ خُدا دا جلال سی۔ تے اوہدی چمک بڑے قِیمتی پتّھر یعنی اوس یشب وانگر سی۔ جیہڑا بلّور وانگر چمکدا ہوئے۔

مُکاشفہ 21:18

تے اوہدی چوفیر کندھ وی اُساری یشب دی سی۔ تے شہر اجیہے سُچے سونے دا سی۔ جیہڑا سُچے شیشے وانگر ہوئے۔

مُکاشفہ 21:21

تے باراں پھاٹک باراں موتِیاں دے سن۔ اِک اِک پھاٹک اِک اِک موتی دا سی۔ تے شہر دی سڑک شفاف شیشے وانگر سُچے سونے دی سی۔

مُکاشفہ 22:1

فیر اوس مَینُوں بلّور وانگر چمکدا ہویا حیاتی دے پانی دا اِک دریا وکھایا جیہڑا خُدا تے لیلے دے تخت وِچوں نِکل کے اوس شہر دی سڑک دے وِچ پیا وگدا سی۔

مُکاشفہ 4:4

تے اوس تخت دے آلے دوالے چوّی تخت تے اوہناں تختاں اُتّے چوّی بزُرگ چِٹّے کپڑے پا کے بَیٹھے ہوئے نیں۔ تے اوہناں دے سِراں اُتّے سونے دے تاج نیں۔

مُکاشفہ 5:11

تے جد مَیں دھیان کِیتا۔ تے اوس تخت تے اوہناں جانداراں تے بزُرگاں دے آلے دوالے کِنے سارے فرِشتیاں دی اواز سُنی۔ جِنہاں دی گنتری لَکّھاں تے کروڑاں تِیکر سی۔

مُکاشفہ 5:14

تے چَوہاں جانداراں آکھیا۔ آمِین۔ تے بزُرگاں ڈِگّ کے سجدہ کِیتا۔

مُکاشفہ 5:6

تے مَیں اوس تخت تے چَوہاں جانداراں تے اوہناں بزُرگاں دے وِچکار جیویں حلال کِیتا ہویا لیلا کھلوتا ہوندا اے ویکھیا اوہدے سَتّ سِنگ تے سَتّ اَکھّیاں سن ایہہ خُدا دِیاں سَتّ رُوحاں نیں۔ جیہڑیاں ساری زمین اُتّے گھلّیاں ہویاں نیں۔

مُکاشفہ 5:8

جد اوس کتاب لے لئی تے اوہ چارے جاندار تے چوّی بزُرگ اوس لیلے دے سامھنے ڈِگّ پئے تے ہر اِک دے ہتّھ وِچ بربط تے دُھوف نال بھرے ہوئے سونے دے پیالے سن۔ ایہہ پاک لوکاں دِیاں دُعاواں نیں۔

مُکاشفہ 6:1

فیر مَیں ویکھیا پئی لیلے اوہناں ستّاں مُہراں وِچوں اِک نُوں توڑیا تے اوہناں چَوہاں جانداراں وِچوں اِک دی بدّل دے گجّن وانگر اواز سُنی پئی آ۔

مُکاشفہ 6:6

تے مَیں اوہناں چَوہاں جانداراں وِچوں اِنج دی اواز آؤندی سُنی۔ پئی کنک دینار دی اِک سیر تے جَوں دینار دے تَرے سیر تے تیل تے مَے دا نُقصان نا کر۔

مُکاشفہ 7:11

تے سارے فرِشتے اوس تخت تے بزُرگان تے چَوہاں جانداراں دے آلے دوالے کھلوتے نیں۔ فیر اوہ تخت دے اگّے مُنھ پرنے ڈِگّ پئے تے خُدا نُوں سجدہ کر کے۔

مُکاشفہ 7:17

کیوں جو جیہڑا لیلا تخت دے وِچ اے۔ اوہ اوہناں دی نِگہبانی کرے گا۔ تے اوہناں نُوں زِندگی دے پانی دے سوتیاں کول لے جائے گا۔ تے خُدا اوہناں دِیاں اَکھّیاں توں سارے اتھرُو پُونجھ دے گا۔