مُکاشفہ 4:10 - پنجابی نواں عہد نامہ نظرثانی شدہ چھپائی

¹⁰ تے اوہ چوّی بزُرگ اوہدے سامھنے جیہڑا تخت اُتّے بَیٹھا ہویا اے ڈِگّ پَین گے تے اوہنوں سجدہ کرن گے جیہڑا ہمیشہ تِیکر زِندہ رہے گا۔ تے اپنے تاج ایہہ آکھ کے اوس تخت دے سامھنے دھر دین گے۔ پئی۔

مُکاشفہ 4:10 ပူးပေါင်းရင်းမြစ်များ

متّی 2:11

تے اوہناں اوس گھر دے اندر جا کے بال نُوں اوہدی ماں مریم دے نال ویکھیا۔ تے پَیرِیں پَے کے اوہنوں سجدہ کِیتا۔ تے اپنیاں تھیلِیاں کھول کے سونا تے لوبان تے مُر اوہدی نذر کِیتا۔

لُوقا 24:52

تے اوہناں اوہنوں سجدہ کِیتا۔ تے بڑی خُوشی نال یرُوشلِیم نُوں مُڑے۔

۱-کُرِنتھِیوں 15:10

پر جو کُجھ آں خُدا دے فضل توں آں۔ تے اوہدا فضل جیہڑا میرے اُتّے ہویا بے فائدہ نا ہویا۔ سگوں مَیں اوہناں ساریاں نالوں وَدّھ محنت کِیتی۔ تے ایہہ میرے ولّوں نئیں ہوئی سگوں خُدا دے فضل توں جیہڑا میرے اُتّے سی۔

مُکاشفہ 10:6

تے جیہڑا ہمیشہ تِیکر جِیوندا رہے گا۔ تے جِس اسمان تے اوہدیاں سارِیاں شیواں تے زمین تے اوہدیاں سارِیاں شیواں تے سمُندر تے اوہدیاں سارِیاں شیواں پَیدا کِیتیاں نیں اوہدی سَونہہ کھا کے آکھیا پئی ہُن ہور چِر نا لگّے گا۔

مُکاشفہ 11:16

تے چَوہاں بزُرگاں جیہڑے خُدا دے سامھنے اپنیاں اپنیاں تختاں اُتّے بَیٹھے ہوئے سن مُنھ پرنے ڈِگّ کے خُدا نُوں سجدہ کِیتا۔

مُکاشفہ 15:4

اے خُداوند! کون تَیتھوں نا ڈرے گا؟ تے کون تیرے جلال دا ناں ظاہر نا کرے گا؟ کیوں جو نِرا توں ای قُدُّوس ایں تے سارِیاں قوماں آ کے تینُوں سجدہ کرن گِیاں کیوں جو تیرے انصاف دے کمّ ظاہر ہو گئے نیں۔

مُکاشفہ 15:7

تے اوہناں چَوہاں جانداراں وِچوں اِک نے سَتّ سونے دے پیالے ہمیشہ تِیکر زِندہ رہن والے خُدا دے قَہر نال بھرے ہوئے اوہناں ستّاں فرِشتیاں نُوں دِتّے۔

مُکاشفہ 19:4

تے چَوہاں بزُرگاں تے چَوہاں جانداراں ڈِگّ کے خُدا نُوں سجدہ کِیتا جیہڑا تخت اُتّے بَیٹھا ہویا سی۔ تے ایہہ آکھیا پئی آمِین ہلَّلُویاہ۔

مُکاشفہ 4:2

جھٹ پَٹ مَیں رُوح وِچ آگیا تے کِیہ ویکھنا آں پئی اسمان دے وِچ اِک تخت ڈَٹّھا ہویا اے۔ تے اوس تخت اُتّے کوئی بَیٹھا ہویا اے۔

مُکاشفہ 4:4

تے اوس تخت دے آلے دوالے چوّی تخت تے اوہناں تختاں اُتّے چوّی بزُرگ چِٹّے کپڑے پا کے بَیٹھے ہوئے نیں۔ تے اوہناں دے سِراں اُتّے سونے دے تاج نیں۔

مُکاشفہ 4:9

تے جد اوہ جاندار اوہدی وڈیائی تے عِزّت تے شُکر گُزاری کرن گے جیہڑا تخت اُتّے بَیٹھا اے تے ہمیشہ تِیکر زِندہ رہے گا۔

مُکاشفہ 5:14

تے چَوہاں جانداراں آکھیا۔ آمِین۔ تے بزُرگاں ڈِگّ کے سجدہ کِیتا۔

مُکاشفہ 5:8

جد اوس کتاب لے لئی تے اوہ چارے جاندار تے چوّی بزُرگ اوس لیلے دے سامھنے ڈِگّ پئے تے ہر اِک دے ہتّھ وِچ بربط تے دُھوف نال بھرے ہوئے سونے دے پیالے سن۔ ایہہ پاک لوکاں دِیاں دُعاواں نیں۔

مُکاشفہ 7:11

تے سارے فرِشتے اوس تخت تے بزُرگان تے چَوہاں جانداراں دے آلے دوالے کھلوتے نیں۔ فیر اوہ تخت دے اگّے مُنھ پرنے ڈِگّ پئے تے خُدا نُوں سجدہ کر کے۔