مُکاشفہ 3:4 - پنجابی نواں عہد نامہ نظرثانی شدہ چھپائی

⁴ بے شک سردِیس وِچ تیری تھاں تھوڑے اجیہے بندے نیں۔ جِنہاں اپنے کپڑے پلِیت نئیں کِیتے۔ اوہ چِٹّی پوشاک پا کے میرے نال سَیر کرن گے۔ کیوں جو اوہ ایسے لائق نیں۔

مُکاشفہ 3:4 ပူးပေါင်းရင်းမြစ်များ

متّی 10:11

تے جِس شہر یا پِنڈ وِچ جاؤ پَتا لوؤ پئی ایس تھاں وِچ کون لائق اے تے جِنّاں چِر تُسی ٹُر نا پَو اوتھے ای رہو۔

مرقس 16:5

تے قبر وِچ جا کے اوہناں اِک جوان نُوں چِٹّے کپڑے پایاں ہویاں سَجّے پاسے بَیٹھا ویکھیا۔ تے اوہ گھبرا گِئیاں۔

لُوقا 20:35

پر جیہڑے لوک ایس لائق سمجھے گئے نیں۔ پئی اوس دُنیا نُوں حاصِل کرن۔ تے مُردیاں وِچوں جی اُٹھن۔ اوہ نا ویاہ کر دے نا ویاہے جاندے نیں۔

لُوقا 21:36

پر ہر ویلے جاگدے رہو تے دُعا منگو پئی تُسی ایہناں سارِیاں شیواں توں جیہڑیاں ہون والِیاں نیں بچ سکو۔ تے اِبنِ آدم دے اگّے کھلو سکو۔

اعمال 1:15

تے اوہناں دِناں وِچ پطرس بھراواں دے وِچ جیہڑے اِکّو تھانویں اِک سو وِیہہ کُو بندے سن کھلو کے آکھن لگّا۔

۲-تھِسّلُنِیکوں 1:5

ایہہ خُدا دی سَچّی عدالت دی صاف نشانی اے۔ تاں جو تُسی خُدا دی بادشاہی دے قابل ٹھیرو۔ جِہدے لئی تُسی دُکھ وی سَہندے ہو۔

یہُوداہ 1:23

تے کئیاں نُوں پھڑ کے اَگ وِچوں کڈھو۔ تے کئیاں اُتّے ڈر کے رَحم کرو۔ سگوں اوس کپڑیوں وی گھِن کرو۔ جیہڑا جِسم دے سبّب داغی ہوگیا اے۔

مُکاشفہ 1:11

پئی جو کُجھ تُوں ویکھنا ایں۔ اوہنوں کتاب وِچ لِکھ کے ستّاں کلِیسیاواں دے کول گھل دے۔ جیہڑیاں اِفِسُس تے سمُرنہ تے پرگُمن تے تھواتِیرہ تے سردِیس تے فِلَدِلفیہ تے لَودِیکیہ وِچ نیں۔

مُکاشفہ 11:13

فیر اوسے ویلے اِک وَڈا سارا بھنچال آگیا تے شہر دا دسواں حِصّہ ڈِگّ پیا تے اوس بھنچال نال سَتّ ہزار بندے مر گئے تے باقی ڈر گئے۔ تے اسمان دے خُدا دی وڈیائی کِیتی۔

مُکاشفہ 14:4

ایہہ اوہ نیں جیہڑے زنانِیاں نال پلید نئیں ہوئے تے سگوں کوارے نیں ایہہ اوہ نیں جیہڑے لیلے دے پِچّھے پِچّھے جِتّھے اوہ جاندا اے ٹُردے نیں۔ ایہہ خُدا تے لیلے دے لئی پہلے پَھل ہون لئی بندیاں وِچوں مُل لَئے گئے نیں۔

مُکاشفہ 19:14

تے اسمان دِیاں فَوجاں چِٹّے گھوڑیاں اُتّے سوار ہو کے تے چِٹّے تے صاف سُچے کتانی کپڑے پا کے اوہدے پِچّھے پِچّھے نیں۔

مُکاشفہ 19:8

تے اوہنوں چمکن والے تے صاف مہِین کتانی کپڑے پان دا اختیار دِتّا گیا اے کیوں جو سُچے کتانی کپڑیاں توں پاک لوکاں دی راستبازی دے کمّ مُراد نیں۔

مُکاشفہ 3:18

مَیں تینُوں صلاح دینا آں۔ پئی مَیتھوں اَگ وِچ تایا ہویا سونا مُل لے لے۔ پئی تُوں دَھنی ہو جائیں۔ تے چِٹّے کپڑے پا لے پئی اوہناں نُوں پا کے تُوں ننگے پن دی بے لہنگی توں بچیں۔ تے اَکھّیاں وِچ پان لئی سُرمہ لے پئی فیر سُجاکھا ہو جاویں۔

مُکاشفہ 3:5

جیہڑا جِتّے اوہنوں ایسے طرح چِٹّے کپڑے پوائے جان گے تے مَیں اوہدا ناں زِندگی دی کتاب وِچوں کدی نا کٹّاں گا۔ سگوں اپنے باپ تے اوہدے فرِشتیاں اگّے اوہدے ناں دا اِقرار کراں گا۔

مُکاشفہ 4:4

تے اوس تخت دے آلے دوالے چوّی تخت تے اوہناں تختاں اُتّے چوّی بزُرگ چِٹّے کپڑے پا کے بَیٹھے ہوئے نیں۔ تے اوہناں دے سِراں اُتّے سونے دے تاج نیں۔

مُکاشفہ 6:11

تے اوہناں وِچوں ہر اِک نُوں چِٹّا چوغہ دِتّا گیا تے اوہناں نُوں آکھیا گیا۔ پئی ہور تھوڑا چِر آرام کرو۔ جد تِیکر تُہاڈے سَنگیاں تے بھراواں دی گنتری پُوری نا ہو جائے۔ جیہڑے تُہاڈے وانگر قتل ہون والے نیں۔

مُکاشفہ 7:9

اوہناں گلّاں دے پِچّھوں مَیں دھیان کِیتا۔ تے کِیہ ویکھنا آں پئی ہر اِک قوم تے گھرانے تے اُمّت تے اہلِ زبان دی اِک ایڈی وڈّی بِھیڑ جِہنُوں کوئی گِن نئیں سکدا چِٹّے کپڑے پا کے تے کھجور دِیاں ٹہنِیاں اپنیاں ہتّھاں وِچ لے کے تخت تے لیلے دے اگّے کھلوتی اے۔