مُکاشفہ 22:18 - پنجابی نواں عہد نامہ نظرثانی شدہ چھپائی

¹⁸ مَیں ہر اِک بندے اگّے جیہڑا ایس کتاب دی نبُوّت دِیاں گلّاں سُندا اے گواہی دینا آں۔ پئی جے کوئی بندہ ایہناں وِچ کُجھ وَدھائے تے خُدا ایس کتاب وِچ لِکھیاں ہوئیاں آفتاں اوہدے اُتّے وَدھائے گا۔

مُکاشفہ 22:18 ပူးပေါင်းရင်းမြစ်များ

متّی 15:13

اوس جواب دِتّا پئی ہر اِک بُوٹا جیہڑا میرے اسمانی باپ نئیں لایا سو جڑاں سَنے پُٹیا جائے گا۔

اِفسِیوں 4:17

ایس لئی مَیں ایہہ آکھنا آں تے خُدا ولّوں ایہہ دس دینا آں پئی جِیکن غیر قوماں اپنے واہیات خیالاں وِچ ٹُردیاں نیں۔ تُسی اوس طرح نا ٹُرناں۔

۱-تھِسّلُنِیکوں 4:6

تے کوئی بندہ اپنے بھرا نال ایس گلّ وِچ وادھا تے دَغا نا کرے۔ کیوں جو خُدا ایہناں ساریاں کمّاں دا بدلہ دین والا اے۔ جیویں اساں پہلاں تُہانوں صاف صاف دس چھڈیا۔

مُکاشفہ 1:3

ایس نبُوّت دی کتاب دا پڑھن والا تے اوہدے سُنن والے تاں جو کُجھ اوہدے وِچ لِکھیا ہویا اَے اوہدے اُتّے عمل کرن والے مُبارک نیں۔ کیوں جو ویلا نیڑے اے۔

مُکاشفہ 15:1

فیر مَیں اسمان اُتّے اِک ہور وَڈا تے اچرج نِشان ویکھیا یعنی ستّاں فرِشتیاں پِچّھلیاں سَتّ آفتاں لئیاں ہویاں سن کیوں جو ایہناں آفتاں وِچ خُدا دا قَہر مُک گیا اے۔

مُکاشفہ 15:6

تے اوہ سَتّے فرِشتے جِنہاں کول سَتّے آفتاں سن تیز تے چمکدار جواہراں دے نال سَجّے ہوئے تے سینے اُتّے سونے دی پیٹی بَنّھ کے خُدا دی ہیکل وِچوں نِکلے۔

مُکاشفہ 19:20

تے اوہ پشُو تے اوہدے نال اوہ جُھوٹھا نبی پھڑیا گیا۔ جِس اوہدے سامھنے ایہو جئے نِشان وکھائے سن جِنہاں نال اوس پشُو دا ٹھپّہ لین والیاں تے اوہدے بُت دی پُوجا کرن والیاں نُوں بدراہ کر دِتّا سی۔ اوہ دونویں اَگ دی اوس جِھیل وِچ جِیوندے سُٹّے گئے۔ جیہڑی گندھک نال بَلدی اے۔

مُکاشفہ 20:10

تے اوہناں دا بدراہ کرن والا ابلیس اَگ تے گندھک دی اوس جِھیل وِچ سُٹّیا جائے گا۔ جِتّھے اوہ پشُو تے جُھوٹھا نبی وی ہوئے گا۔ تے اوہ دِنے راتِیں ہمیشہ تِیکر عذاب وِچ رہن گے۔

مُکاشفہ 20:15

تے جِس کِسے دا ناں حیاتی دی کتاب وِچ نا لَبّھیا۔ اوہ اَگ دی جِھیل وِچ سُٹّیا گیا۔

مُکاشفہ 22:10

فیر اوس مَینُوں آکھیا ایس کتاب دی نبُوّت دِیاں گلّاں اُتّے مُہر نا لا۔ کیوں جو ویلا نیڑے آگیا اے۔

مُکاشفہ 22:16

مَیں یِسُوع اپنا فرِشتہ ایس لئی گھلّیا۔ پئی کلِیسیاواں دی بابت تُہاڈے اگّے ایہناں گلّاں دی گواہی دے۔ مَیں داؤد دی اصل تے نسل تے صُبح دا چمکدا ہویا تارا ہاں۔

مُکاشفہ 22:7

تے ویکھ مَیں چھیتی آؤن والا آں۔ مُبارک اوہ اے جیہڑا ایس کتاب دی نبُوّت دِیاں گلّاں اُتّے عمل کر دا اے۔

مُکاشفہ 22:9

اوس مَینُوں آکھیا خبردار ایہہ نا کر مَیں تیرے نال دا تے تیرے بھراواں نبیاں دے نال دا تے ایس کتاب دِیاں گلّاں اُتّے عمل کرن والیاں دے نال دا بندہ آں۔ خُدا نُوں ای سجدہ کر۔

مُکاشفہ 3:14

تے لَودِیکیہ دی کلِیسیا دے فرِشتے نُوں ایہہ لِکھ پئی جیہڑا آمِین تے سَچّا تے برحق گواہ تے خُدا دی خلقت دا مُڈھ اے اوہ ایہہ آکھدا اے پئی۔