مُکاشفہ 22:15 - پنجابی نواں عہد نامہ نظرثانی شدہ چھپائی

¹⁵ پر کُتّے تے جادُوگر تے حرامکار تے خُونی تے بُت پرست تے جُھوٹھی گلّ دا ہر اِک پسند کرن تے گھڑن والا باہر رہوے گا۔

مُکاشفہ 22:15 ပူးပေါင်းရင်းမြစ်များ

متّی 7:6

پاک شے کُتّیاں نُوں نا دیو تے نا اپنیاں موتِیاں نُوں سُؤراں اگّے سُٹّو۔ اجیہا نا ہوئے پئی اوہ اوہناں نُوں پیراں ہیٹھ لتاڑن تے مُڑ کے تُہانوں پاڑ سُٹّن۔

متّی 8:12

پر بادشاہی دے فرزند باہر لے ہنیرے وِچ سُٹّے جان گے۔ اوتھے رونا تے کچیچیاں وٹنا ہوئے گا۔

یُوحنّا 8:46

تُہاڈے وِچوں کون اے جیہڑا میرے اُتّے گُناہ ثابت کر دا اے جے مَیں سَچ آکھنا آں تُسی مَینُوں کیوں نئیں مَن دے؟

اعمال 8:11

تے اوس بتھیرے چِر دا جادُو نال اوہناں نُوں حَیران کِیتا ہویا سی ایس لئی اوہ اوہنوں مَن دے سن۔

فِلِپّیوں 3:2

کُتّیاں توں خبردار رہو۔ بدکاراں توں خبردار رہو۔ ماس وَڈّھان والیاں توں خبردار رہو۔

کُلُسِّیوں 3:6

کیوں جو اوہناں دے سببّوں خُدا دا غضب نافرمان لوکاں اُتّے آؤندا اے۔

۱-تِیمُتِھیُس 1:10

تے زناہیاں تے مُنڈے بازاں تے بردہ فروشاں تے جُھوٹھیاں تے جُھوٹھی سَونہہ کھان والیاں تے جو کُجھ وی ہور ٹھیک تعلِیم دے اُلٹ ہوئے۔

مُکاشفہ 18:23

تے دِیوے دی روشنی فیر کدی تیرے وِچ نا چمکے گی تے لاڑے وَوہٹی دی اواز فیر کَدے تیرے وِچ سُنی نا جائے گی کیوں جو تیرے سوداگر زمین دے امیر سن۔ تے تیری جادُوگری توں سارِیاں قوماں بدراہ ہوگِئیاں۔

مُکاشفہ 21:27

تے اوہدے وِچ کوئی پلِیت شے یا کوئی جَنا جیہڑا گندا کمّ کر دا یا جُھوٹھیاں گلّاں گھڑدا اے۔ کدی داخل نا ہوئے گا۔ سگوں اوہ ای داخل ہون گے جِنہاں دے ناں لیلے دی زِندگی دی کتاب وِچ لِکھے ہوئے نیں۔

مُکاشفہ 21:8

پر ڈرپوکاں تے بے اِیماناں تے پلِیت لوکاں تے خُونِیاں تے حرامکاراں تے جادُوگراں تے بُت پرستاں تے سارے جُھوٹھیاں دا حِصّہ اَگ تے گندھک دی بلن والی جِھیل وِچ ہوئے گا ایہہ دُوجی مَوت اے۔