مُکاشفہ 21:5 - پنجابی نواں عہد نامہ نظرثانی شدہ چھپائی

⁵ تے جیہڑا تخت اُتّے بَیٹھا ہویا سی۔ اوس آکھیا ویکھ مَیں سارِیاں شیواں نَوِیاں بنا دینا آں۔ فیر اوس آکھیا۔ پئی لِکھ لے۔ کیوں جو ایہہ گلّاں سَچ تے برحق نیں۔

مُکاشفہ 21:5 ပူးပေါင်းရင်းမြစ်များ

لُوقا 5:38

سگوں انگور دی نَوِیں رَس نَوِیاں مشکاں وِچ بھرنی چاہیدی اے۔

۲-کُرِنتھِیوں 5:17

ایس لئی جے کوئی مسِیح وِچ اے۔ تے اوہ نواں مخلُوق اے پرانیاں شیواں جاندِیاں رہیاں۔ ویکھو اوہ نَوِیاں ہوگِئیاں۔

عِبرانیوں 12:27

تے ایہہ گلّ یعنی فیر اِک واری۔ ایس گلّ نُوں ظاہر کر دی اے۔ پئی ہلائِیاں ہویاں شیواں ایس کر کے ٹل جان گِیاں پئی بنائِیاں ہویاں نیں تاں جو جیہڑیاں نئیں ہلائِیاں جاندِیاں قیم رہن۔

مُکاشفہ 1:11

پئی جو کُجھ تُوں ویکھنا ایں۔ اوہنوں کتاب وِچ لِکھ کے ستّاں کلِیسیاواں دے کول گھل دے۔ جیہڑیاں اِفِسُس تے سمُرنہ تے پرگُمن تے تھواتِیرہ تے سردِیس تے فِلَدِلفیہ تے لَودِیکیہ وِچ نیں۔

مُکاشفہ 1:19

تَد جیہڑیاں گلّاں تُوں ویکھیاں نیں تے جیہڑیاں ہَین تے جیہڑیاں ایہناں دے پِچّھوں ہون والیاں نیں۔ اوہناں سارِیاں نُوں لِکھ لے۔

مُکاشفہ 19:9

تے اوس مَینُوں آکھیا لِکھ۔ مُبارک نیں اوہ جیہڑے لیلے دے ویاہ دے میل وِچ سَدّے گئے نیں۔ فیر اوس مَینُوں آکھیا پئی ایہہ خُدا دِیاں سَچیاں گلّاں نیں۔

مُکاشفہ 20:11

فیر مَیں اِک وڈّے چِٹّے تخت نُوں تے اوہنوں جیہڑا اوہدے اُتّے بَیٹھا ہویا سی ویکھیا۔ جِہدے اگّوں زمین تے اسمان بھج گئے۔ تے اوہناں نُوں کِدھرے تھاں نا مِلیا۔

مُکاشفہ 22:19

تے جے کوئی ایس کتاب دی نبُوّت دِیاں گلّاں وِچوں کُجھ کڈھے تے خُدا اوس زِندگی دے بُوٹے تے پاک شہر وِچوں جِنہاں دا ایس کتاب وِچ ذِکر ہویا اے اوہدا حِصّہ کڈھ چھڈے گا۔

مُکاشفہ 22:6

فیر اوس مَینُوں آکھیا پئی ایہہ گلّاں سَچ تے برحق نیں تے خُداوند نے جیہڑا نبیاں دِیاں رُوحاں دا خُدا اے اپنے فرِشتے نُوں ایس لئی گھلّیا پئی اپنیاں بندیاں نُوں اوہ گلّاں وکھائے جیہڑیاں ضرُور چھیتی ہونیاں نیں۔

مُکاشفہ 4:2

جھٹ پَٹ مَیں رُوح وِچ آگیا تے کِیہ ویکھنا آں پئی اسمان دے وِچ اِک تخت ڈَٹّھا ہویا اے۔ تے اوس تخت اُتّے کوئی بَیٹھا ہویا اے۔

مُکاشفہ 4:9

تے جد اوہ جاندار اوہدی وڈیائی تے عِزّت تے شُکر گُزاری کرن گے جیہڑا تخت اُتّے بَیٹھا اے تے ہمیشہ تِیکر زِندہ رہے گا۔

مُکاشفہ 5:1

تے جیہڑا تخت اُتّے بَیٹھا سی مَیں اوہدے سَجّے ہتّھ وِچ اِک کتاب ویکھی۔ جیہڑی اندروں باہروں لِکھی ہوئی تے سَتّ مُہراں نال بند کِیتی ہوئی سی۔