مُکاشفہ 21:3 - پنجابی نواں عہد نامہ نظرثانی شدہ چھپائی

³ فیر مَیں کِسے نُوں تخت وِچوں اُچّی اواز نال ایہہ آکھدیاں سُنیا۔ پئی ویکھو خُدا دا تنبُو بندیاں دے وِچ اے۔ اوہ اوہناں دے نال تنبُو لائے گا۔ تے اوہ اوہدے لوک ہون گے۔ تے اوہ آپ اوہناں دے نال رہے گا۔ تے اوہناں دا خُدا ہوئے گا۔

مُکاشفہ 21:3 ပူးပေါင်းရင်းမြစ်များ

یُوحنّا 1:14

تے جِسم لیا تے فضل تے سچیائی نال بھرپُور ہو کے ساڈے کول ڈیرہ کِیتا۔ تے اساں اُسدا اجیہا جلال ویکھیا جیویں باپ دے اِکلَوتے دا جلال۔

یُوحنّا 14:23

یِسُوع اوہنوں جواب دِتّا جے کوئی مَینُوں پیار کر دا اے اوہ میرے کلام نُوں مَنّے گا۔ تے میرا باپ اوہنوں پیار کرے گا۔ تے اسی اوہدے کول آواں گے تے اوہدے نال رہاں گے۔

۲-کُرِنتھِیوں 6:16

تے خُدا دے مَقدِس نُوں بُتاں نال کِیہ تعلق اے؟ کیوں جو اسی زِندہ خُدا دا مَقدِس آں۔ جیویں خُدا آکھیا اے پئی مَیں اوہناں وِچ وَسّاں گا تے اوہناں وِچ ٹُراں پھراں گا۔ تے مَیں اوہناں دا خُدا ہوواں گا۔ تے اوہ میری اُمّت ہون گے۔

۲-کُرِنتھِیوں 6:18

تے تُہاڈا باپ ہوواں گا۔ تے تُسی میرے دِھیاں پُتر ہوؤ گے۔ ایہہ خُداوند قادرِ مُطلق دا قَول اے۔

۱-تھِسّلُنِیکوں 3:11

ہُن آپ ساڈا خُدا تے باپ تے ساڈا خُداوند یِسُوع تُہاڈے ولّ ساڈا راہ بنائے۔

عِبرانیوں 11:16

پر اوہ اِک اودُوں چنگے پئی اسمانی مُلک دی چاہ کر دے نیں ایس لئی خُدا اوہناں دا خُدا اکھوان توں نئیں سنگدا ایس لئی پئی اوس اوہناں لئی اِک شہر وی تیار کِیتا اے۔

عِبرانیوں 8:10

فیر خُداوند آکھدا اے۔ پئی جیہڑا عہد اِسرائیل دے ٹبّر نال اوہناں دِناں پِچّھوں بَنّھاں گا اوہ ایہہ اے پئی مَیں اپنے قانُون اوہناں دِیاں عقلاں وِچ پاں گا تے اوہناں دیاں دِلاں اُتّے لِکھاں گا۔ تے مَیں اوہناں دا خُدا ہوواں گا۔ تے اوہ میری اُمّت ہون گے۔

عِبرانیوں 8:2

تے اوس پاک مکان تے سَچّے تنبُو دا ٹہلیا اے جِہنُوں خُداوند کھلھاریا اے اِنسان نے نئیں۔

مُکاشفہ 10:4

جد بدّل دِیاں سَتّ اَوازاں آئِیاں تے مَیں لِکھن لگّا تے اسمانوں ایہہ اواز آؤندی سُنی۔ جیہڑیاں گجّن دِیاں گلّاں ایہناں ستّاں اَوازاں توں سُنیاں نیں اوہناں نُوں ٹھپّی رکھ۔ تے نا لِکھ۔

مُکاشفہ 10:8

تے جِس اواز دین والے نُوں مَیں اسمان اُتّے بولدیاں سُنیا سی اوس فیر مَینُوں آکھیا پئی جا اوس فرِشتے دے ہتھّوں جیہڑا سمُندر تے زمین اُتّے کھلوتا ہویا اے اوہ کُھلی ہوئی کتاب لے لے۔

مُکاشفہ 12:10

فیر مَیں اسمان توں ایہہ زور دی اواز آؤندی سُنی پئی ہُن ساڈے خُدا دی نجات تے قُدرت تے بادشاہی تے اوہدے مسِیح دا اختیار ظاہر ہویا۔ کیوں جو ساڈیاں بھراواں اُتّے الزام لان والا جیہڑا دِنے راتِیں ساڈے خُدا دے اگّے اوہناں اُتّے الزام لاندا رہندا سی ڈیگیا گیا۔

مُکاشفہ 21:7

جیہڑا جِتّے اوہ ای ایہناں شیواں دا وارث ہوئے گا۔ تے مَیں اوہدا خُدا ہوواں گا۔ تے اوہ میرا پُتر ہوئے گا۔

مُکاشفہ 22:3

تے فیر لعنت نا ہوئے گی تے خُدا تے لیلے دا تخت اوس شہر وِچ ہوئے گا۔ تے اوہدے بندے اوہدی بندگی کرن گے۔

مُکاشفہ 7:15

ایسے صدقہ ایہہ خُدا دے تخت اگّے نیں تے ہیکل وِچ دِنے راتِیں اوہدی بندگی کر دے نیں۔ تے جیہڑا تخت اُتّے بَیٹھا ہویا اے اوہ اپنا تنبُو اوہناں دے اُتّے تانیں گا۔