مُکاشفہ 21:1 - پنجابی نواں عہد نامہ نظرثانی شدہ چھپائی

¹ فیر مَیں اِک نَوِیں اسمان تے نَوِیں زمین نُوں ویکھیا کیوں جو پہلا اسمان تے پہلی زمین جاندے رہے۔ تے سمُندر وی نا رہیا۔

مُکاشفہ 21:1 ပူးပေါင်းရင်းမြစ်များ

رُومِیوں 8:21

ایس آس اُتّے پئی خلقت فنا دے قبضے توں چُھٹ کے خُدا دے بچّیاں دی جلال والی خلاصی نُوں حاصِل کرے گی۔

۲-پطرس 3:10

پر خُداوند دا دِن چور وانگر آوے گا۔ اوس دِن اسمان بڑے شور نال برباد ہو جان گے۔ تے عناصر ڈاہڈی گرمی نال پِگھر جان گے۔ تے زمین تے اوہدے کمّ سڑ جان گے۔

۲-پطرس 3:13

پر اوہدے وعدے دے سببّوں اسی نَوِیں اسمان تے نَوِیں زمین دی اوڈِیک وِچ آں جِہدے وِچ راستبازی وَسدی اے۔

مُکاشفہ 13:1

تے سمُندر دی ریت اُتّے جا کھلوتا۔ فیر مَیں اِک پشُو نُوں سمُندر وِچوں نِکلدیاں ویکھیا اوہدے دَس سِنگ تے سَتّ سِر سن تے اوہدیاں سِنگاں اُتّے دَس تاج تے اوہدیاں سِراں اُتّے کُفر دے ناں لِکھے ہوئے سن۔

مُکاشفہ 20:11

فیر مَیں اِک وڈّے چِٹّے تخت نُوں تے اوہنوں جیہڑا اوہدے اُتّے بَیٹھا ہویا سی ویکھیا۔ جِہدے اگّوں زمین تے اسمان بھج گئے۔ تے اوہناں نُوں کِدھرے تھاں نا مِلیا۔

مُکاشفہ 21:5

تے جیہڑا تخت اُتّے بَیٹھا ہویا سی۔ اوس آکھیا ویکھ مَیں سارِیاں شیواں نَوِیاں بنا دینا آں۔ فیر اوس آکھیا۔ پئی لِکھ لے۔ کیوں جو ایہہ گلّاں سَچ تے برحق نیں۔

مُکاشفہ 6:14

تے اسمان اینج کھِسک گیا جیویں لِکھیا ہویا مُٹّھا وھلیٹن نال کھِسک جاندا اے۔ تے ہر اِک پہاڑ تے ٹاپُو اپنے اپنے تھاں توں ٹل گئے۔