مُکاشفہ 20:6 - پنجابی نواں عہد نامہ نظرثانی شدہ چھپائی

⁶ مُبارک تے پاک اوہ اے جیہڑا پہلی قیامت وِچ شریک ہوئے اجیہاں اُتّے دُوجی مَوت دا کُجھ وَس نئیں سگوں اوہ خُدا تے مسِیح دے کاہِن ہون گے۔ تے اوہدے نال ہزار ورھے تِیکر بادشاہی کرن گے۔

مُکاشفہ 20:6 ပူးပေါင်းရင်းမြစ်များ

لُوقا 14:15

تے اوہناں وِچوں جیہڑے اوہدے نال کھان بَیٹھے سن اِک ایہہ سُن کے اوہنوں آکھیا۔ دھنّ اے اوہ جیہڑا خُدا دی بادشاہی وِچ روٹی کھائے گا۔

رُومِیوں 12:1

سو بھراؤ۔ مَیں خُدا دِیاں مہربانِیاں دے سببّوں تُہاڈی مِنّت کرنا آں۔ پئی تُسی اپنے بدناں نُوں جیوندی پاک قُربانی چڑھاؤ۔ جیہڑی خُدا نُوں چنگی لگّے۔ پئی ایہو تُہاڈی رُوحانی بندگی اے۔

رُومِیوں 8:17

تے جد بچّے ہوئے تے وارث وی یعنی وارث خُدا دے۔ تے وِرثے وِچ مسِیح نال شریک ایس شرط اُتّے پئی اسی اوہدے نال دُکھ وِچ بھوگِیئے پئی اوہدے نال سانُوں وی جلال لَبھّے۔

۲-تِیمُتِھیُس 2:12

جے اسی دُکھ سہاں گے۔ تے اوہدے نال بادشاہی وی کراں گے۔ جے اسی اوہدا اِنکار کراں گے۔ تے اوہ وی ساڈا اِنکار کرے گا۔

۱-پطرس 2:5

تُسی وی جِیوندے پتّھراں وانگر رُوحانی گھر بندے جاندے ہو۔ تاں جو کاہِناں دا پاک فِرقہ بن کے اجیہاں رُوحانی قُربانِیاں چاہڑو۔ جیہڑیاں یِسُوع مسِیح دی راہِیں چَنگیاں لگدِیاں نیں

۱-پطرس 2:9

پر تُسی اِک چُنی ہوئی نسل تے بادشاہی کاہِناں دا فِرقہ پاک قوم تے اجیہی اُمّت ہو جیہڑی خُدا دی خاص ملکیّت اے۔ تاں جو اوہدیاں خُوبِیاں ظاہر کرو۔ جِس تُہانوں ہنیرے وِچوں اپنے عجب چانن وِچ سدّیا اے۔

مُکاشفہ 1:6

تے سانُوں اِک بادشاہی بنایا تے اپنے خُدا تے باپ دے لئی کاہِن وی بنا دِتّا۔ اوہدا جلال تے سلطنت ہمیشہ تِیکر رہے۔ آمِین۔

مُکاشفہ 14:13

فیر مَیں اسمان وِچوں ایہہ اواز سُنی پئی لِکھ دھنّ نیں اوہ مُردے جیہڑے ہُن توں خُداوند وِچ مر دے نیں۔ رُوح آکھدا اے۔ پئی بے شک کیوں جو اوہ اپنیاں محِنتاں توں آرام پان گے تے اوہناں دے عمل اوہناں دے نال نال ہوندے نیں۔

مُکاشفہ 2:11

جِہدے کنّ ہَین اوہ سُن لَئے پئی رُوح کلِیسیاواں نُوں کِیہ آکھدا اے۔ جیہڑا جِتّے اوہنوں دُوجی مَوت توں نُقصان نا پہنچے گا۔

مُکاشفہ 20:14

فیر مَوت تے پاتال اَگ دی جِھیل وِچ سُٹّے گئے۔ ایہہ اَگ دی جِھیل دُوجی مَوت اے۔

مُکاشفہ 21:8

پر ڈرپوکاں تے بے اِیماناں تے پلِیت لوکاں تے خُونِیاں تے حرامکاراں تے جادُوگراں تے بُت پرستاں تے سارے جُھوٹھیاں دا حِصّہ اَگ تے گندھک دی بلن والی جِھیل وِچ ہوئے گا ایہہ دُوجی مَوت اے۔

مُکاشفہ 22:5

تے فیر رات نا ہوئے گی۔ تے اوہناں نُوں دِیوے تے سُورج دی روشنی دی لوڑ نئیں ہوئے گی۔ کیوں جو خُداوند خُدا اوہناں نُوں روشن کرے گا۔ تے اوہ ہمیشہ تِیکر بادشاہی کرن گے۔

مُکاشفہ 22:7

تے ویکھ مَیں چھیتی آؤن والا آں۔ مُبارک اوہ اے جیہڑا ایس کتاب دی نبُوّت دِیاں گلّاں اُتّے عمل کر دا اے۔

مُکاشفہ 3:21

جیہڑا جِتّے مَیں اوہنوں اپنے نال تخت اُتّے بہاواں گا۔ جیویں مَیں وی جِت کے اپنے باپ نال اوہدے تخت اُتّے بَہہ گیا۔

مُکاشفہ 5:10

تے اوہناں نُوں ساڈے خُدا دے لئی اِک بادشاہی تے کاہِن بنا دِتّا۔ تے اوہ زمین اُتّے بادشاہی کر دے نیں۔