مُکاشفہ 20:2 - پنجابی نواں عہد نامہ نظرثانی شدہ چھپائی

² اوس ناگ یعنی پرانے سَپّ نُوں جیہڑا ابلیس تے شیطان اے پَھڑکے ہزار ورھے لئی بنھیا۔

مُکاشفہ 20:2 ပူးပေါင်းရင်းမြစ်များ

متّی 19:29

تے جِنہاں گھراں یا بھراواں یا بھیناں یا ماپیاں یا بال بچّیاں یا زمین نُوں میرے ناں دی خاطر چھڈ دِتّا اے اوہنوں سَو حِصّے وَدّھ مِلے گا۔ تے اوہ ہمیشہ دی زِندگی دا وارث ہوئے گا۔

متّی 8:29

تے ویکھو اوہناں چِیک مار کے آکھیا۔ اَے خُدا دے پُتر تیرا ساڈے نال کِیہ واسطہ؟ تُوں ویلے توں پہلاں ای سانُوں دُکھ دین نُوں ایتھے آگیا ایں؟

مرقس 4:15

تے راہ دے کنڈھے والے جِتّھے کلام بِیجیا جاندا اے سو اوہ لوک نیں۔ پئی جد اوہناں نیں سُن لیا۔ تَد شیطان اونویں آ کے اوس کلام نُوں لے جاندا اے جیہڑا اوہناں وِچ بِیجیا گیا سی۔

مرقس 5:7

تے اُوچی اواز نال پُکار کے آکھیا میرا تیرا کِیہ لاگا؟ یِسُوع خُدا تعالیٰ دے پُتر۔ تینُوں خُدا دی سَونہہ دینا آں۔ مَینُوں دُکھ نا دے۔

یُوحنّا 12:31

ہُن ایس دُنیا دی عدالت ہوندی اے۔ ہُن ایس دُنیا دا سردار باہر کڈھیا جائے گا۔

یُوحنّا 16:11

عدالت دی بابت ایس لئی پئی دُنیا دا سردار مُجرم کِیتا گیا۔

رُومِیوں 16:20

تسلّی دا خُدا چھیتی تُہاڈے پیراں ہیٹھ شیطان نُوں لتاڑے گا۔ ساڈے خُداوند یِسُوع مسِیح دا فضل تُہاڈے نال ہوئے۔

عِبرانیوں 2:14

سو جِس حال بچّے خُون تے گوشت وِچ سنگی نیں اوسے طرح اوہ اوہناں وانگر آپ وی اوہناں وِچ شریک ہویا۔ تاں جو اوہ مَوت دی راہِیں اوہنوں جِہنُوں مَوت اُتّے طاقت مِلی یعنی ابلیس نُوں بے کار کر دے۔

۱-پطرس 5:8

تُسی ہوش رکھو تے جاگدے رہو تُہاڈا وَیری ابلیس گرجن والے شیر وانگر لَبّھدا پِھردا اے پئی کِنوں پاڑ کھاواں۔

۲-پطرس 2:4

کیوں جو جد خُدا گُناہ کرن والیاں فرِشتیاں نُوں نا چھڈیا۔ سگوں جہنّم وِچ گھل کے ہنیرے کُھوہ وِچ سُٹّیا۔ تاں جو عدالت دے دِن تِیکر ڈَکے رہن۔

یہُوداہ 1:6

تے جِنہاں فرِشتیاں اپنی حکُومت نُوں قیم نا رکھیا۔ سگوں اپنی تھاں نُوں چھڈ دِتّا۔ اوہناں نُوں اوس ہنیرے تے سدا دی قید وِچ اوس وڈّے دِن دی عدالت تِیکر رکھیا اے۔

مُکاشفہ 12:13

تے جد ناگ ڈِٹّھا پئی مَیں زمین اُتّے ڈیگیا گیا آں تے اوس زنانی نُوں ستایا جِس پُتر جمّیا سی۔

مُکاشفہ 12:15

تے سَپّ نے اوس زنانی دے مگر اپنے مُنھ توں ندی وانگر پانی وگایا۔ پئی اوہنوں ایس ندی نال روہڑ دیوے۔

مُکاشفہ 12:17

تے ناگ نُوں زنانی اُتّے غُصّہ آیا۔ تے اوہدی باقی اولاد نال جیہڑی خُدا دے حُکماں اُتّے عمل کر دی اے تے یِسُوع دی گواہی دین اُتّے قیم اے لڑن نِکلیا۔

مُکاشفہ 12:3

فیر اِک ہور نِشان اسمان اُتّے دِسّیا۔ یعنی اِک وَڈا سارا لال ناگ۔ اوہدے سَتّ سِر تے دَس سِنگ سن تے اوہدے سِراں اُتّے سَتّ تاج۔

مُکاشفہ 12:4

تے اوہدی پُوشل نے اسمان دے ترِیجے حِصّہ تاریاں نُوں کھِچّ کے زمین اُتّے سُٹ لیا تے اوہ ناگ اوس زنانی دے اگّے جا کھلوتا جیہڑی جمّن والی سی پئی جدوں اوہ جمّے اوہدے بچّے نُوں کھالَئے۔

مُکاشفہ 12:9

تے اوہ وَڈا ناگ یعنی اوہو ای پرانا سَپّ جیہڑا ابلیس تے شیطان اکھواؤندا اے تے سارے جہان نُوں بدراہ کر دیندا اے۔ زمین اُتّے ڈیگیا گیا تے اوہدے فرِشتے وی اوہدے نال ڈیگے گئے۔

مُکاشفہ 13:2

تے جیہڑا پشُو مَیں ویکھیا سی اوہدی شکل چِیتے وانگر سی تے پَیر رِچھ وانگر تے مُنھ شیرببر وانگر۔ تے اوس ناگ اپنی قُدرت تے اپنا تخت تے بڑا اختیار اوہنوں دے دِتّا۔

مُکاشفہ 13:4

تے ایس واسطے پئی اوس ناگ اپنا اختیار اوس بیابانی نُوں دے دِتّا سی ایس لئی اوہناں لوکاں ناگ دی پُوجا کِیتی تے اوس پشُو دی وی ایہہ آکھ کے پُوجا کِیتی۔ پئی ایس پشُو وانگر کون اے؟ تے کون اوہدے نال بِھڑ سکدا اے؟

مُکاشفہ 20:10

تے اوہناں دا بدراہ کرن والا ابلیس اَگ تے گندھک دی اوس جِھیل وِچ سُٹّیا جائے گا۔ جِتّھے اوہ پشُو تے جُھوٹھا نبی وی ہوئے گا۔ تے اوہ دِنے راتِیں ہمیشہ تِیکر عذاب وِچ رہن گے۔

مُکاشفہ 20:7

تے جد ہزار ورھے مُک جان گے تے شیطان قید وِچوں چھڈیا جائے گا۔

مُکاشفہ 9:11

اتھاہ کھڈے دا فرِشتہ اوہناں اُتّے بادشاہ سی اوہدا ناں عِبرانی وِچ ابدّون تے یُونانی وِچ اپُلّیون اے۔