مُکاشفہ 2:25 - پنجابی نواں عہد نامہ نظرثانی شدہ چھپائی

²⁵ بے شک جو کُجھ تُہاڈے کول اے۔ میرے آؤن تِیکر گُھٹ کے پَھڑی رکھو۔

مُکاشفہ 2:25 ပူးပေါင်းရင်းမြစ်များ

یُوحنّا 14:3

تے جے مَیں جا کے تُہاڈے لئی تھاں تیار کراں مَیں مُڑ آ کے تُہانوں اپنے نال لے لاں گا پئی جِتّھے مَیں آں تُسی وی ہوؤ۔

اعمال 11:28

اوہناں وِچوں اِک اَگَبُس کر کے اُٹھیا۔ تے رُوح دی راہِیں خبر دِتّی۔ پئی ساری دُنیا وِچ بڑا کال پَین والا اے۔ تے کلَودِیُس دے سَمے وِچ ایہہ کال پَے گیا۔

رُومِیوں 12:9

مُحبّت بِناں مکّارِیوں ہوئے۔ بُریائی توں نفرت کرو۔ بھلیائی نال چمبڑے رہو۔

۱-کُرِنتھِیوں 11:26

کیوں جو جدوں کَدے تُسی ایہہ روٹی کھاندے تے ایس پیالے وِچوں پِیندے اوہ۔ تے خُداوند دی مَوت دا ہوکا دیندے اوہ۔ جد تِیکر نا آوے۔

۱-کُرِنتھِیوں 4:5

سو جد تِیکر خُداوند نا آوے۔ ویلے توں پہلاں کِسے کمّ دا فیصلہ نا کرو اوہو ہنیرے دِیاں چُھپیاں ہویاں گلّاں نُوں روشن کر دے گا۔ تے دِلاں دے منصُوبے ظاہر کر دے گا۔ اوس ویلے ہر اِک دی وڈیائی خُدا ولّوں ہوئے گی۔

۱-تھِسّلُنِیکوں 5:21

سارِیاں گلّاں پرکھو جیہڑی چنگی اے اوہنوں قابُو رکھو۔

عِبرانیوں 10:23

تے اپنی آس دے اِقرار نُوں پَکّی طرح نال پَھڑی رکھیے کیوں جو جِس وعدہ کِیتا اے اوہ سَچّا اے۔

عِبرانیوں 3:6

پر مسِیح پُتر وانگر اوہدے سارے گھر دا مُختِیار اے۔ تے اوہدا گھر اسی آں۔ پر ایہہ شرط اے۔ پئی اپنی دلیری تے آس دا فخر اوڑک تِیکر قیم رکھیے۔

عِبرانیوں 4:14

سو جد ساڈا اجیہا اِک وَڈا سردار کاہِن اے جیہڑا اسماناں وِچوں لنگھ گیا۔ یعنی خُدا دا پُتر یِسُوع۔ تے اسی اپنے اِقرار اُتّے پکّے پَیر رہئے۔

۲-پطرس 3:10

پر خُداوند دا دِن چور وانگر آوے گا۔ اوس دِن اسمان بڑے شور نال برباد ہو جان گے۔ تے عناصر ڈاہڈی گرمی نال پِگھر جان گے۔ تے زمین تے اوہدے کمّ سڑ جان گے۔

مُکاشفہ 1:7

ویکھو اوہ بدّلاں دے نال آؤن والا اَے۔ تے ہر اِک اَکھ اوہنوں ویکھے گی۔ تے جِنہاں اوہنوں وِنّھیا سی۔ اوہ وی ویکھن گے تے زمین دے سارے خاندان اوہدے سبّب پٹنگے بے شک۔ آمِین۔

مُکاشفہ 22:20

جیہڑا ایہناں گلّاں دی گواہی دیندا اے۔ اوہ ایہہ آکھدا اے۔ پئی بے شک مَیں چھیتی آؤن والا آں۔ آمِین اَے خُداوند یِسُوع آ۔

مُکاشفہ 22:7

تے ویکھ مَیں چھیتی آؤن والا آں۔ مُبارک اوہ اے جیہڑا ایس کتاب دی نبُوّت دِیاں گلّاں اُتّے عمل کر دا اے۔

مُکاشفہ 3:11

مَیں چھیتی آؤن والا آں جو کُجھ تیرے کول اے اوہنوں گُھٹ کے پَھڑی رکھ پئی کوئی تیرا تاج نا کھوہ لَوے۔

مُکاشفہ 3:3

تَد یاد کر پئی تُوں کِیویں دی تعلِیم سِکھی تے سُنی سی۔ تے اوہدے اُتّے قیم رہو تے تَوبہ کر۔ جے تُوں جاگدا نا رہیں گا۔ تے مَیں چور وانگر آ جاواں گا تے تینُوں کدی پتا نا ہوئے گا۔ پئی مَیں کیہڑے ویلے تیرے اُتّے آپَواں گا