مُکاشفہ 2:2 - پنجابی نواں عہد نامہ نظرثانی شدہ چھپائی

² مَیں تیرے کمّ تے تیری محنت تے تیرے صبر نُوں تے جاننا آں تے ایہہ وی پئی تُوں بُریاں نُوں ویکھ نئیں سکدا۔ تے جیہڑے اپنے آپ نُوں رسُول آکھدے نیں تے ہَین نئیں۔ تُوں اوہناں نُوں ازما کے جُھوٹھیاں ویکھیا۔

مُکاشفہ 2:2 ပူးပေါင်းရင်းမြစ်များ

متّی 7:23

تے مَیں اوہناں نُوں تَد صاف آکھاں گا پئی مَیں کدی تُہانوں نئیں جانیا۔ اَے شریعت توڑن والیو مَیتھوں دُراڈے ہو جاؤ۔

یُوحنّا 6:6

تے اوس ایہہ گلّ اوہنوں ازمان لئی آکھی سی کیوں جو اوہ آپ جان دا سی پئی مَیں کِیہ کراں گا۔

گلتِیوں 1:7

پر اوہ دُوجی خُوشخبری نئیں۔ ہاں بعضے اجیہے نیں جیہڑے تُہانوں گھبراؤندے تے مسِیح دی خُوشخبری نُوں وِگاڑنا چاہندے نیں۔

اِفسِیوں 4:14

پئی اسی اگّے نُوں بچّے نا رہیئے۔ یعنی بندیاں دے فریب تے مکر دے سبّب اوہناں دی بھڑکان والی چالاکی پِچّھے ہر اِک تعلِیم دی وَا نال ڈولدے نا پِھریئے۔

۱-تھِسّلُنِیکوں 1:3

تے اپنے خُدا تے باپ اگّے تُہاڈے اِیمان دے کمّ تے مُحبّت دی محنت تے اوس آس دے صبر نُوں جیہڑا ساڈے خُداوند یِسُوع مسِیح دے اُتّے اے۔ ہر ویلے یاد کرنے آں۔

۱-تھِسّلُنِیکوں 5:21

سارِیاں گلّاں پرکھو جیہڑی چنگی اے اوہنوں قابُو رکھو۔

۲-تِیمُتِھیُس 2:19

تَد وی خُدا دی پَکّی نِینّھ قیم رہندی اے۔ تے اوہدے اُتّے ایہہ مُہر اے پئی خُداوند اپنیاں نُوں پچھاندا اے۔ تاں جو کوئی خُداوند دا ناں لَیندا اے۔ ناراستی توں مُڑ جائے۔

عِبرانیوں 6:10

ایس لئی خُدا بے نیاں نئیں پئی تُہاڈے کمّ تے اوس پیار نُوں بُھل جائے۔ جیہڑا تُساں اوہدے ناں لئی ایس طرح ظاہر کِیتا پئی پاک لوکاں دی سیوا کِیتی تے اجے پئے کر دے ہو۔

۱-یُوحنّا 4:1

پیاریو۔ سارِیاں رُوحاں نُوں نا مَنّو۔ سگوں رُوحاں نُوں پر کھو پئی خُدا ولّوں نیں کہ نئیں۔ کیوں جو بتھیرے جُھوٹھے نبی دُنیا وِچ نِکل گئے نیں۔

مُکاشفہ 2:5

ایس لئی تُوں چیتا کر پئی تُوں کِتّھوں ڈِگّا ایں۔ تے تَوبہ کر کے پہلے وانگر کمّ کر۔ تے جے تُوں تَوبہ نا کریں گا۔ تے تیرے کول مَیں آ کے تیرا دِیوا اوہدی تھاں توں ہٹا دیاں گا۔

مُکاشفہ 2:6

بے شک تیرے وِچ ایہہ گلّ تے اے۔ پئی تُوں نِیکُلیوں دے کمّاں توں نفرت کرنا ایں جِنہاں توں مَیں وی نفرت کرنا آں۔

مُکاشفہ 2:9

پئی مَیں تیری مُصِیبت تے غرِیبی نُوں جاننا آں (پر تُوں دَولتمند ایں) تے جیہڑے اپنے آپ نُوں یہُودی آکھدے نیں تے اوہ ہَین نئیں سگوں شیطان دی جماعت نیں اوہناں دِیاں طعنیاں مہِنیاں نُوں وی جاننا آں۔

مُکاشفہ 3:1

تے سردِیس دی کلِیسیا دے فرِشتے نُوں ایہہ لِکھ۔ پئی جِہدے کول خُدا دِیاں سَتّ رُوحاں تے سَتّ تارے نیں اوہ ایہہ آکھدا اے پئی مَیں تیرے کمّاں نُوں جاننا آں پئی تُوں زِندہ اکھواؤندا ایں۔ پر ہیں مُردہ۔

مُکاشفہ 3:15

مَیں تیرے کمّاں نُوں جاننا آں۔ پئی نا تے تُوں ٹھنڈا ایں تے نا گرم۔ چَنگا ہوندا جے تُوں ٹھنڈا ہوندوں یا گرم۔

مُکاشفہ 3:8

پئی مَیں تیرے کمّاں نُوں جاننا آں (ویکھ مَیں تیرے سامھنے اِک بُوہا کھولیا ہویا اے۔ کوئی اوہنوں بند نئیں کر سکدا) کیوں جو تیرے وِچ تھوڑا جِہیا زور اے۔ تے تُوں میرے کلام اُتّے عمل کِیتا اے۔ تے میرے ناں دا اِنکار نئیں کِیتا۔