مُکاشفہ 2:18 - پنجابی نواں عہد نامہ نظرثانی شدہ چھپائی

¹⁸ تے تھواتِیرہ دی کلِیسیا دے فرِشتے نُوں ایہہ لِکھ پئی۔ خُدا دا پُتر جِہدِیاں اَکھّیاں اَگ دی لاٹ وانگر تے پَیر خالص پِتّل وانگر نیں ایہہ آکھدا اے پئی۔

مُکاشفہ 2:18 ပူးပေါင်းရင်းမြစ်များ

متّی 17:5

اوہ تے اجے پیا بول دا ای سی تے ویکھو اِک نُورانی بدّل اوہناں اُتّے چھاں کِیتی۔ تے بدّل وِچوں اِک اواز ایہہ آکھدی آئی پئی ”ایہہ میرا پیارا پُتر اے جِس توں مَیں خُوش آں۔ اوہدی سُنو۔“

متّی 27:54

تے صُوبیدار تے اوہدے نال دے جیہڑے یِسُوع دی راکھی کر دے سن بُھچال تے سارا حال ویکھ کے بُہت ڈر گئے تے آکھن لگّے ایہہ سَچ مُچ خُدا دا پُتر سی۔

متّی 3:17

تے ویکھو اسماناں توں اِک اواز آئی پئی ایہہ میرا پیارا پُتر اے جِس توں مَیں بڑا خُوش آں۔

لُوقا 1:35

تے فرِشتے اوہنوں جواب دِتّا پئی پاک رُوح تیرے اُتّے اُترے گا تے خُدا تعالیٰ دی قُدرت تیرے اُتّے پر چھاواں کرے گی۔ ایس واسطے اوہ قُدُّوس جیہڑا جمّے گا خُدا دا پُتر اکھوائے گا۔

یُوحنّا 1:14

تے جِسم لیا تے فضل تے سچیائی نال بھرپُور ہو کے ساڈے کول ڈیرہ کِیتا۔ تے اساں اُسدا اجیہا جلال ویکھیا جیویں باپ دے اِکلَوتے دا جلال۔

یُوحنّا 1:49

نتنی ایل اوہنوں جواب دِتّا۔ اَے ربّی تُوں تے خُدا دا پُتر ایں۔ تُوں تے اِسرائیل دا بادشاہ ایں۔

یُوحنّا 10:36

جِہنُوں باپ نیں مُقدّس کِیتا تے دُنیا وِچ گھلّیا۔ تُسی اوہنوں آکھدے ہو پئی تُوں کُفر بکنا ایں۔ جد مَیں آکھیا پئی مَیں خُدا دا پُتر آں؟

یُوحنّا 3:16

کیوں جو خُدا دُنیا نُوں اجیہا پیار کِیتا پئی اوس اپنا اِکلَوتا پُتر بخشیا تاں جو جیہڑا اوہدے اُتّے اِیمان لیاوے اوہ ہلاک نا ہوئے سگوں اوہنوں سدا دی زِندگی مِلے۔

یُوحنّا 3:18

جیہڑا اوہدے اُتّے اِیمان لیاؤندا اے۔ عدالت وِچ نئیں آؤندا جیہڑا اِیمان نئیں لیاؤندا عدالت وِچ ہُنے آگیا اے کیوں جو خُدا دے اِکلَوتے پُتر دے ناں اُتّے اوہ اِیمان نئیں لِیائیا اے۔

یُوحنّا 5:25

مَیں تُہانوں سَچ سَچ آکھنا آں پئی اوہ گھڑی آؤندی اے تے ہُن ای اے جدوں مُردے خُدا دے پُتر دی اواز سُنن گے تے جیہڑے سُنن گے جِیو پَین گے۔

اعمال 16:14

تے تھواتِیرہ شہر دی اِک زنانی۔ خُدا دی عبادت کرن والی لُدِیہ کر کے جامنو رنگ ویچن والی وی سُندی سی۔ اوہدا دِل خُداوند کھو لیا پئی پَولُس دِیاں گلّاں اُتّے دِل لاوے۔

اعمال 8:36

تے جاندِیاں جاندِیاں راہ وِچ اوہ اِک پانی اُتّے اَپڑے۔ تاں کُھسرے آکھیا۔ ویکھ ایہہ پانی اے بپتِسمہ لین توں مَینُوں کِیہ روکدا اے؟

رُومِیوں 1:4

پر پاکیزگی دی رُوح ولّوں مُردیاں وِچوں جی اُٹھن دے سبّب قُدرت نال خُدا دا پُتر ثابت ہویا۔

رُومِیوں 8:32

جِس اپنے ای پُتر نُوں بچا نا رکھیا۔ سگوں اوہنوں اساں سبھناں دے بدلے حوالے کِیتا سو اوہدے نال ای سانُوں سارِیاں شیواں وی کِیویں نا بخشے گا؟

مُکاشفہ 1:11

پئی جو کُجھ تُوں ویکھنا ایں۔ اوہنوں کتاب وِچ لِکھ کے ستّاں کلِیسیاواں دے کول گھل دے۔ جیہڑیاں اِفِسُس تے سمُرنہ تے پرگُمن تے تھواتِیرہ تے سردِیس تے فِلَدِلفیہ تے لَودِیکیہ وِچ نیں۔

مُکاشفہ 2:1

اِفِسُس دی کلِیسیا دے فرِشتے نُوں ایہہ لِکھ۔ پئی جِس اپنے سَجّے ہتّھ وِچ سَتّ تارے لَئے ہوئے نیں تے سونے دِیاں ستّاں دِیویاں وِچ پِھردا اے۔ اوہ ایہہ آکھدا اے پئی۔

مُکاشفہ 2:24

پر تُہانوں تھواتِیرہ دے لوکاں نُوں جیہڑے اوس تعلِیم نُوں نئیں مَن دے تے اوہناں گلّاں توں جِنہاں نُوں لوک شیطان دِیاں ڈونگھیاں گلّاں آکھدے نیں ناواقِف ہو۔ ایہہ آکھنا آں۔ پئی تُہاڈے اُتّے ہور بھار نا پاواں گا۔